Ai 9:3 - The Holy Bible In Alur (Lur) Revised Orthography

³ nen, cing’ Yehova ni wi lim peri ma gini i thim, wi riuni, wi kana, wi ngamia, wi udul lim, man wi udul rombe: thong’om ma rac dit bibedo nuti.

Ai 9:3 ပူးပေါင်းရင်းမြစ်များ

Thangambere 47:17

Man gikelo lim migi ba Yusuf; e Yusuf umio igi kwen kaka riuni, man pir udul rombe, man pi dhok, man pir udul kana: man emio igi kwen kaka lim migi ceke mi rundi maeca.

Zaburi 39:10

Kab goc peri i bang’a: Ayeu ku goc mi cingi.

Ai 5:3

E giwacu kumae, Mungu mi Juebrania rombo kudwa: wakwei, wek wacidh mi woth mi ceng’ adek i langa, man walam lam ni Yehova Mungu mwa, emaru podho i wiwa ku thong’om, kadi ku palamularu.

Ai 7:4

Ento rarao biwinjowu ngo, e abiketho cinga kum Misiri, man abiwodho udul para, ma gi dhanu para ma nyithindho mir Israel, kud i ng’om Misiri ku lembapoka ma dit.

Ai 8:19

Weg ajoga lund uwacu ni Farao kumae, Maeni lwet Mungu: e adunde Farao doko nwang’, man ewinjogi ngo; calu Yehova yero.

Amos 4:10

Aoro thong’om i kindwu calu mi Misiri: anego awobi mu ku palamularu, man ayaku riuni mu; man aketho ng’wic piny ma rac mi kagonjo mu idho malu cil i odiumwu: ento wudwogo ngo i bang’a, Yehova wacu.

Tic Mi Jukwenda 13:11

Kawono, nen, cing’ Rwoth ni i kumi, in de ibibedo abinga, ma nindo moko ibineno ko ceng’ ungo. E ndhu ndhu nica utor ku mudho podho i wie; e emaku yenyo ka ng’atu m’upeye ku cinge.

1 Samwil 6:9

Man wunen; tek eidho malu ku yo mi kieu pare gire ba Beth-cemec, e nwang’u etimo gin ma rac apila maeni en i kumwa: ento tek ungo, wabilund ng’eyo nia en e cinge ngo m’ugoyowa; nwang’u en e thotok m’uwok i kumwa.