Ai 9:14 - The Holy Bible In Alur (Lur) Revised Orthography

¹⁴ Kum i kinde maeni abioro masendi para ceke wi adundeni, man wi jutic peri, man wi dhanu peri; kara ing’ei nia ng’atu moko mbe i ng’om ngung’ ma calu an.

Ai 9:14 ပူးပေါင်းရင်းမြစ်များ

2 Samwil 7:22

Kum kumeno in i dwong’, E Yehova Mungu: kum moko mbe ma calu in, kadok mungu mange de mbe ndhu in kendi, calku gin ceke ma wawinjo ku ithwa.

1 Ubimo 8:38

rwo ku kwac moko ma tek ng’atu moko timo, kadi dhanu peri Israel ceke, ku ba dhanu ceke ma bing’eyo tho mir adundene gire, man ebithang’u cinge yo ba ot maeni:

I Lemkei 17:20

E Yehova, ng’atu moko mbe ma calu in, kadok Mungu moko m’umedo in de mbe, calku gin ceke ma wawinjo ku ithwa.

Zaburi 86:8

Ng’atu moko mbe ma calu in i kind udul mungu, E Rwoth; Kadok tic moko de mbe ma calu tic peri.

Ai 15:11

Ng’a ma calu in i kind mungu, E Yehova? Ng’a ma calu in, ma dwong’ i leng’ne, Ma janyai ndiri i pak, m’ibetimo musana?

Ai 8:10

E ewacu kumae, Urwo. Man ewacu kumae, Ebed calku lembe peri; kara ing’ei nia ng’atu moko mbe ma calu Yehova Mungu mwa.

Ai 8:6

E Harun urieyo cinge wi pi mi Misiri; man ungwal uidho, e giumo ng’om mi Misiri.

Ai 9:15

Kum kuno di i nindo maeni arieyo cinga, man agoi ku dhanu peri ku thong’om, man kuno di jukebi woko kud i ng’om:

Isaya 45:5

An a Yehova, man ng’atu moko mange mbe; Mungu moko mbe m’umeda. Abitwio pieri, kadok fodi ing’eya ngo;

Isaya 46:9

Wupoi kum gin ma kwong’a ma con: kum an a Mungu, man ng’atu mange mbe; an a Mungu, man ng’atu mange mbe ma calu an;

Yeremia 10:6

Ng’atu moko mbe ma calu in, E Yehova; in i dit, man nyingi dit i tego.

Yeremia 10:7

Ng’a ma kulwori ngo, E Ubimo mi theki? kum maeni maku in; kum i kind jurieko ceke mi thek, man i bedo migi ceke mi ker, ng’atu moko mbe ma calu in.

Yeremia 19:8

Man abidwoko adhura maeni ni wang’uic, ku cac; ku ba dhanu ceke m’ukadhu kud i ng’ete ie biwang’ lii man ebicayu kum masendine ceke.

Daniel 5:21

man jurieme ku kind wot dhanu, man judwoko adundene calu mi lim, man kabedo pare ni karacelo ku kana m’i thim; juketho ecamu lum pami koni dhiang’, kume de ng’ic ku thoi m’i polo; maram eng’eyo ko nia Mungu ma Malu Ngbir ubimo i ker mi dhanu, man nia eketho malu i wie ng’atu ma tek eyenyo.

Lembe Mi Julawi 26:18

Man tek wubiwinjo dwanda ngo asu kum gin maeni, abilund ponjowu wang’ abiro kendo pi dubo mu.

Lembe Mi Julawi 26:21

Man tek wuwotho ku co ira, man wubiwinjo dwanda ngo, abikelo masendi wang’ abiro kendo i kumwu calku dubo mu.

Lembe Mi Julawi 26:28

abilund wotho ku co iwu ku kwinyo; man an bende abiponjowu wang’ abiro pi dubo mu.

Mika 6:13

Ka kumeno an bende agoi ku lero ma rac; man aketho ibedo kendi ni kum dubo peri.

Poi Mi Cik 3:24

E Rwoth Yehova, imaku nyutho dwong’ peri, ku cingi ma tek ni jatic peri: kum Mungu ma nedi m’i polo kadi m’i ng’om, ma copo timo calku tic peri, man calku tic peri ma teki?

Poi Mi Cik 4:35

Junyutho maeni iri, kara ing’ei nia Yehova en e Mungu; mange mbe en e kende.

Lembanyutha 18:8

Ka kumeno i ceng’ acel masendi pare biwok, tho, ku can, man ndru; man ebiwang’ kot ku mac; kum Rwoth Mungu m’upoko lembe pare e tek.

Lembanyutha 22:18

Atuco ni dhanu nzu m’uwinjo lembila mi kitabu maeni kumae, Tek ng’atu moko bimedo wi lembe maeni, Mungu bimedo ire masendi m’ugore i kitabu maeni:

1 Samwil 4:8

Can i wiwa! ng’a ma bibodhowa kud i cing’ mungu maeni ma teki? maeni gi mungu m’ugoyo Jumisiri ku thong’om ma kwonde tung’ tung’ ceke i langa.