Ai 7:5 - The Holy Bible In Alur (Lur) Revised Orthography

⁵ E Jumisiri gibing’eyo nia an a Yehova, kinde m’arieyo cinga wi Misiri, m’awodho ko nyithindho mir Israel kud i kindgi.

Ai 7:5 ပူးပေါင်းရင်းမြစ်များ

Zaburi 138:7

Kadok awotho i die can, ibidwoko cwinya; Ibirieyo cingi kum kwinyo mi judegi para, Man cingi ma yor acwic bibodha.

Zaburi 9:16

Yehova ketho jung’eye, etimo lembapoka: Jumaku jadubo kum tic mi cinge gire. [Higaion. Sela.

Ai 10:2

kara iyer i ith wodi, man i ith wod wodi, maram acayu ko Jumisiri, man giranyutha para m’atimo i kindgi; kara wung’ei nia an a Yehova.

Ai 10:7

E jutic pa Farao giwacu ire kumae, Dhanu maeni bibedo ni uwic iwa rokani? wek dhanu ma co gicidhi, kara gitim ni Yehova Mungu migi: fodi ing’eyo ngo nia Misiri nyothre?

Ai 14:18

Man Jumisiri bing’eyo nia an a Yehova, kinde ma juyunga ni kum Farao, man ni kum magali pare, man ni kum weg riuni pare.

Ai 14:4

E abidwoko adunde Farao nwang’ man ebilubo tokgi; man abinwang’u yung ni kum Farao, man kum udul pare ceke; e Jumisiri bing’eyo nia an a Yehova. E gitimo kumeca.

Ai 18:8

E Musa yero ni jalkwaru mire gin ceke ma Yehova timo kum Farao man kum Jumisiri pir Israel, ku masendi ceke m’uwok i kumgi i yo, man maram Yehova bodho kogi.

Ai 3:20

E abirieyo cinga, man abigoyo Misiri ku musana para ceke m’abitimo i kinde: man yo ng’ei maeno ebiweko wucidho.

Ai 6:1

Man Yehova wacu ni Musa kumae, Kawono ibineno gin m’abitimo kum Farao; kum ebiweko gicidho ni kum cing’ ma tek, man ebixiemogi woko kud i ng’om pare ni kum cing’ ma tek.

Ai 6:6

Kum kumeno wac ni nyithindho mir Israel kumae, An a Yehova, man abiwodhowu woko ku the ter mi Jumisiri, man abibodhowu kud i ng’eca migi, man abiwaruwu ku bot m’arieya, man ku pokolembe ma dit:

Ai 7:17

Yehova wacu kumae, Ibing’eyo nia an a Yehova ni kum maeni: nen, abigoyo pi m’i kulo kud uluth ma ni i cinga, man ebilokre ni rimo.

Ai 8:10

E ewacu kumae, Urwo. Man ewacu kumae, Ebed calku lembe peri; kara ing’ei nia ng’atu moko mbe ma calu Yehova Mungu mwa.

Ai 8:19

Weg ajoga lund uwacu ni Farao kumae, Maeni lwet Mungu: e adunde Farao doko nwang’, man ewinjogi ngo; calu Yehova yero.

Ai 8:22

Man abikoyo ng’om Gocen i ceng’ maeca, ma dhanu para bedo i ie, kara udul ulwang’ni moko kud ubed kuca; kara ing’ei nia an a Yehova i die ng’om.

Ezekiel 25:17

Man abiculo kwor ma dit i wigi ku jukojuk mi kwinyo; e gibing’eyo nia an a Yehova, kinde m’aketho culokwor para i kumgi.

Ezekiel 28:22

Man iwac kumae, Rwoth Yehova wacu kumae: Nen, an a jadhogi, E Sidon; man jubiyunga i kindi; e gibing’eyo nia an a Yehova, kinde m’atimo lembapoka i ie, man kinde ma judwoka leng’ i ie.

Ezekiel 32:15

Kinde m’abidwoko ng’om mi Misiri lic man ni uvuru, ng’om m’ubedo mbe gin ma naka epong’ kudo, kinde m’abigoyo dhanu ceke m’ubedo i ie, gibilund ng’eyo nia an a Yehova.

Ezekiel 36:23

Man abidwoko nyinga ma dwong’ leng’, m’ucidre i kind thek, ma wucido i kindgi; e thek bing’eyo nia an a Yehova, Rwoth Yehova wacu, kinde m’adwokra leng’ ni kumwu i wang’gi.

Ezekiel 39:22

Kum kumeno ot mir Israel bing’eyo nia an a Yehova Mungu migi, ugambre i ceng’ maeno ku m’ucikulube.

Ezekiel 39:7

Man abiketho nyinga ma leng’ ung’eire i kind dhanu para Israel; kadi abiyio jucido nyinga ma leng’ kendo ngo: thek bing’eyo nia an a Yehova, Ng’atu Maleng’ mir Israel.