Ai 7:16 - The Holy Bible In Alur (Lur) Revised Orthography

¹⁶ E ibiwacu ire kumae, Yehova, Mungu mi Juebrania, ora i beng’i, ewacu kumae, Wek dhanu para gicidhi, kara gitim ira i langa: man, nen, cil kawono iwinjo ngo.

Ai 7:16 ပူးပေါင်းရင်းမြစ်များ

Ai 10:3

E Musa giku Harun gimondo ba Farao, man giwacu ire kumae, Yehova, Mungu mi Juebrania, uwacu kumae, Ibikwero jwigri giri i wang’a rokani? wek dhanu para cidhi, kara gitim ira.

Ai 13:15

man etimbre, kinde ma Farao yenyo ngo ewek wacidhi, nia Yehova nego kayu ceke m’i ng’om Misiri, kayu mi dhanu, ku kayu mi lim: ka kumeno alamu ni Yehova gin ceke m’uyabu ic, ma gi co; ento kayu mi wota ceke awaru.

Ai 14:5

Man juyero ni ubimo mi Misiri nia dhanune giringo: e adunde Farao ku mi jutic pare lokre kum dhanune, man giwacu kumae, Maeni ang’o ma watimo, ma waweko ko Israel ucidho ma nwang’u gitimo iwa?

Ai 3:12

Man ewacu kumae, Wabibedo wakudi andha; man maeni bibedo giranyutha iri, nia aori: kinde m’iwodho dhanu woko kud i Misiri, wubitimo ni Mungu wi got maeni.

Ai 3:13

Man Musa wacu ni Mungu kumae, Nen, kinde m’abiwok ba nyithindho mir Israel, man abiwacu igi kumae, Mungu pa kwaruwu ora i beng’wu; man gibiwacu ira kumae, Nyinge ng’a? abiwacu ang’o igi?

Ai 3:18

Man gibiwinjo dwendi: man ibicidho, in ku judongo mir Israel, bang’ ubimo mi Misiri, man wubiwacu ire kumae, Yehova, Mungu mi Juebrania, urombo kudwa: man kawono, wakwei, wek wacidh mi woth mi ceng’ adek i langa, kara walam ni Yehova Mungurnwa.

Ai 4:22

Man ibiwacu ni Farao kumae, Yehova wacu kumae, Israel en e woda, ma kayu:

Ai 4:23

man awacu iri kumae, Wek woda cidhi, kara etim ira; e icere ku cidho: nen, abinego wodi, ma kayu peri.

Ai 7:4

Ento rarao biwinjowu ngo, e abiketho cinga kum Misiri, man abiwodho udul para, ma gi dhanu para ma nyithindho mir Israel, kud i ng’om Misiri ku lembapoka ma dit.

Ai 8:1

E Yehova wacu ni Musa kumae, Mond ba Farao, man iwac ire kumae, Yehova wacu kumae, Wek dhanu para cidhi, kara gitim ira.

Ai 8:20

Man Yehova wacu ni Musa kumae, Ai pir kugweno, man icung i wang’ Farao; nen, ebino ba pi; man iwac ire kumae, Yehova wacu kumae, Wek dhanu para gicidhi, kara gitim ira.

Ai 9:1

Yehova lund uwacu ni Musa kumae, Mond ba Farao, man iwac ire kumae, Yehova, Mungu mi Juebrania, uwacu kumae, Wek dhanu para gicidhi, kara gitim ira.

Ai 9:13

Man Yehova wacu ni Musa kumae, Ai pir kugweno, man icung i wang’ Farao, man iwac ire kumae, Yehova, Mungu mi Juebrania, uwacu kumae, Wek dhanu para gicidhi, kara gitim ira.

Isaya 45:13

Ating’e malu i bedopwe, man abitiro yo pare ceke: ebigomo adhura para, man ebigonyo ju ma judakugi para, pi wel piny kadi sukulia de ngo, Yehova mir udul uwacu.

Yeremia 50:33

Yehova mir udul uwacu kumae: Jusendo nyithindho mir Israel ku nyithindho mi Yuda karacelo; man dhanu ceke m’uterogi ni ng’eca gimakugi ki; gikwero weko gicidhi.