Ai 7:11 - The Holy Bible In Alur (Lur) Revised Orthography

¹¹ Farac lund ulwong’o jurieko ku weg ajoga bende: e gin bende, gi weg ajoga mi Misiri, gitimo kumeca kud ajoga migi.

Ai 7:11 ပူးပေါင်းရင်းမြစ်များ

Thangambere 41:8

Man etimbre kugweno nia cwinye ng’abre; e eoro elwong’o weg ajoga ceke mi Misiri, ku dhanu ma jurieko ceke m’i ng’ombe: e Farao yero lek pare igi; ento ng’atu moko mbe ma copo ewo there ni Farao.

Ai 7:12

Kum ku ba dhanu ceke ng’atuman ubolo uluth pare, e gidoko ni thwol: ento uluth pa Harun umwonyo uluth migi.

Ai 7:22

Man weg ajoga mi Misiri de gitimo kumeca kud ajoga migi: e adunde Farao doko nwang’, man ewinjogi ngo; calu Yehova yero.

Ai 8:18

E weg ajoga gitimo kumeca kud ajoga migi kara gikel nyogo, ento gicopo ngo: man nyogo bedo nuti kum dhanu, man kum lim.

Ai 8:3

e kulo bipong’ kud ungwal, ma biidho malu bimondo i udi peri de, man i kusika mi kavuto peri, man wi kavuto peri, man i udi mi jutic peri, man wi dhanu peri man i kendo peri, man i jambng’ino kwen peri:

Ai 8:7

E weg ajoga de gitimo kumeca kud ajoga migi, e gikelo ungwal wi ng’om Misiri.

Daniel 2:2

E ubimo lund ung’olo ya julwong’ weg ajoga, man juwodhtho, ku jubila, man Jukaldayo, kara giyer the lekne ni ubimo. Ka kumeno gimondo man gicungo i wang’ ubimo.

Daniel 2:27

Daniel uloko lembe i wang’ ubimo, man ewacu kumae, Lembamung’a m’ubimo kwayu, jurieko, kadi weg ajoga, kadi juwodhtho, kadi jueulembe de, copo ewo ngo ni ubimo;

Daniel 4:6

Ka kumeno atimo cik kara akel jurieko ceke mi Babeli i bang’a, kara giketh ang’ei the lekne.

Daniel 5:11

Ng’atu moko nuti i ker peri, ma tipo mi mungu ma leng’ ni i ie; man i nindo pa wuru der ku ng’eyothelembe ku rieko, calu rieko mi mungu, unwangre i ie; man ubimo ma Nebukadnezar ma wuru, ubimo, awacu, ma wuru, ekethe ni jadit mi weg ajoga, ku juwodhtho, ku Jukaldayo, man jubila;

Daniel 5:7

Ubimo kok ma tek ya jukel juwodhtho, ku Jukaldayo, man jubila. Ubimo yero man ewacu ni jurieko mi Babeli kumae, Ng’atu ma tek bisomo lembagora maeni, man eewo ira there de, ebironjre kud uluga, man ebibedo ku thondh mola ma kwar i ng’ute, man ebibedo jabim mir adege i ker.

Matayo 24:24

Kum ju ma gi Kristu mi ndra gibiwok, man jubila mi ndra de, man gibinyutho giranyutha ma dit ku musana; kara giwing ko cil ju ma jugoyo wigi de, tek ecopre.

Jugalatia 3:1

E Jugalatia ma wun adhura, ng’a m’urambuwu, ma juketho Yesu Kristu ma juguro kele i weng’wu?

Juefeso 4:14

kara ku wabed nyithindho kendo, ma juthoro ku ku ku ma yamu mi ponji ma tung’ tung’ ting’o mberembere, ku rieko mi dhanu, i riu, tok abombi mi kier;

2 Jutesaloniki 2:9

en e ng’atuca, ma bino pare en e calku tim pa Jok ku tego ceke man giranyutha ku musana mi ndra,

2 Timoteo 3:8

Man calu yang’ Yane giku Yambre gijai ni Musa, e joni bende gijai kum lemandha kumeca; co ma pidoic migi nyothre, ma girwinyo ndhu kum yioyic.

2 Timoteo 3:9

Ento lembe migi bijik: kum lembe migi ma kite mbe biwok ngbeng’ i wang’ dhanu ceke, calu lembe mi joca bende nyuthre.

Lembanyutha 19:20

E jumaku yedine, ku jabila mi ndra bende karacelo kude m’etimo giranyutha i wang’e, m’ebombo kudo ju m’ujolo kiedo pa yedi man ju m’urwo ni ayine de: gin ario jubologi ma kwo i nammac ma wang’ ku muganga:

1 Samwil 6:2

E Jufilisti lwong’o julam ku jubila, giwacu kumae, Wabitimo ang’o ku sanduk pa Yehova? wunyuth iwa maram wabiore ko i kakare.