Ai 6:7 - The Holy Bible In Alur (Lur) Revised Orthography

⁷ man abigamuwu i bang’a ni dhanu, man abibedo iwu ni Mungu; e wubing’eyo nia an a Yehova Mungu mu, m’uwodhowu woko ku the ter mi Jumisiri.

Ai 6:7 ပူးပေါင်းရင်းမြစ်များ

Thangambere 26:3

bed ni umondo i ng’om maeni, man wabibedo wakudi, man abimio mugisa iri; kum abimio iri ng’om maeni ceke, man ni nyikwei, man abiketho kwong’ m’akwong’o ni Ibrahim ma wuru ucungi;

Thangambere 28:13

Man, nen, Yehova cungo i wie, man ewacu kumae, An a Yehova, Mungu pa Ibrahim ma kwaru, man Mungu pa Isak: ng’om m’ivuto i wie, abimie iri, man ni kodhini;

1 Ubimo 20:28

Man dhanu pa Mungu bino ceng’ni eyero de ni ubimo mir Israel, man ewacu kumae, Yehova wacu kumae, Kum Jucami wacu kumae, Yehova en e mungu mir ungulu gudi, ento en e mungu mi poga ngo; ka kumeno abimio udul ma dit maeni ceke i cingi, man wubing’eyo nia an a Yehova.

1 Ubimo 8:60

kara kodhidhanu ceke m’i ng’om ung’ei nia Yehova, en e Mungu; mange mbe.

Nehemia 1:10

Nie joni gi jutic peri man dhanu peri, m’iwaru ku tego peri ma dit, man ku cingi ma tek.

Zaburi 100:3

Wung’ei nia Yehova, en e Mungu: En e en m’etimowa, man wa pare; Wan wa dhanu pare, man rombe mi kwac pare.

Zaburi 81:6

Akabu goke ku kum ter: Cinge ai ku kum katoko.

Ai 13:14

Man ebibedo, kinde ma wodi penji i nindo ma bibino, ewacu kumae, Maeni ang’o? nia ibiwacu ire kumae, Ku tego mi cing’ Yehova kelowa woko kud i Misiri, kud i od ng’eca:

Ai 13:3

E Musa wacu ni dhanu kumae, Wupoi kum ceng’ maeni, ma wuai ie woko kud i Misiri, kud i ot mi ng’eca; kum ku tego mi cing’ Yehova kelowu woko kud i ka maeni: kwen ma thobi ni i ie jubicamu ngo.

Ai 14:18

Man Jumisiri bing’eyo nia an a Yehova, kinde ma juyunga ni kum Farao, man ni kum magali pare, man ni kum weg riuni pare.

Ai 14:4

E abidwoko adunde Farao nwang’ man ebilubo tokgi; man abinwang’u yung ni kum Farao, man kum udul pare ceke; e Jumisiri bing’eyo nia an a Yehova. E gitimo kumeca.

Ai 15:16

Ndiri ku bebe podho i wigi; Giling’ calu kidi ni kum dit mi boti; Maram dhanu peri kadhu ko, E Yehova, Maram dhanu m’ing’iewo kadhu ko.

Ai 15:2

Yehova en e tego para ku wer para, Man edoko ni both para: Maeni Mungu para, man abipake; En e Mungu pa vwa, man abiyunge.

Ai 16:12

Awinjo ng’ur mi nyithindho mir Israel: yer igi, wac kumae, Uthieno wubicamu ring’o, man kugweno wubiyeng’ ku kwen; man wubing’eyo nia an a Yehova Mungu mu.

Ai 16:6

E Musa giku Harun giwacu ni nyithindho mir Israel ceke kumae, Uthieno, wubilund ng’eyo nia Yehova wodhowu kud i ng’om Misiri;

Ai 2:11

Man etimbre i ceng’ maeca, kinde ma Musa dongo, nia ewok woko ba utumin, man eneno ter migi: e eneno Jamisiri befodo Jaebrania, ma ng’atu acel ma kind utumin.

Ai 6:6

Kum kumeno wac ni nyithindho mir Israel kumae, An a Yehova, man abiwodhowu woko ku the ter mi Jumisiri, man abibodhowu kud i ng’eca migi, man abiwaruwu ku bot m’arieya, man ku pokolembe ma dit:

Ai 7:17

Yehova wacu kumae, Ibing’eyo nia an a Yehova ni kum maeni: nen, abigoyo pi m’i kulo kud uluth ma ni i cinga, man ebilokre ni rimo.

Isaya 41:20

kara ginen, man ging’ei, igi pid de, man ging’ei thelembe karacelo, nia cing’ Yehova timo maeni, man Ng’atu Maleng’ mir Israel ucwio maeni.

Isaya 49:23

Man ju m’ubimo bibedo wego ma jupidi peri, man mon migi ni mego ma jupidi peri: gibirum piny i beng’i arieba wang’gi i ng’om, man gibinang’u utur m’i tiendi; e ibing’eyo nia an a Yehova; man ju m’ukura lewic binegogi ngo.

Isaya 49:26

Man abimio cam ni ju m’usendi ku ring’gi gigi; e gibimer ku ring’gi gigi, calku pigulok ma lim lim: e weg kum ceke bing’eyo nia an, Yehova, an a Jalarni, man Jawarai, Ng’atu ma Jatego pa Yakobo.

Isaya 51:15

Kum an a Yehova Mungu peri, m’utugo nam, ketho nia mukurane woi: nyinga Yehova mir udul.

Isaya 60:16

Ibidhodho cak mi thek bende, man ibidhodho thuno mi ju m’ubimo; man ibing’eyo nia an, an a Yehova, an a Jalarni, man Jawarni, ma Ng’atu Matek pa Yakobo.

Isaya 63:8

Kum ewacu kumae, Andha, gi dhanu para, nyithindho ma gitimo ku ndra ngo: kum kumeno en e Jalar migi.

Yeremia 30:22

E wubibedo dhanu para, man abibedo Mungu mu.

Yeremia 31:33

Ento maeni lembariba m’abitimo ku ot mir Israel yo ng’ei ceng’ maeca, Yehova wacu: Abiketho cik para i igi, man abikiewe i adundegi; man abibedo Mungu migi, e gibibedo dhanu para.

Ezekiel 20:19

An a Yehova Mungu mu: wuwoth i cik para, man wuwor lembapoka para, wutimgi de;

Hoseya 1:10

Ento wel mi nyithindho mir Israel bibedo calu kwio mi nam, ma pore ngo ma kwandre de ngo; man ebitimbre nia, i ka ma juwacu ie igi kumae, Wu dhanu para ngo, jubiwacu igi kumae, Wun wu wot Mungu ma kwo.

Lembe Mi Julawi 11:44

Kum an a Yehova Mungu mu: ka kumeno wudwokru giwu leng’, man wubed leng’; kum an a leng’: kadok acida de kud wucidru ku kwond gin moko ma lak ma wotho wi ng’om.

Lembe Mi Julawi 11:45

Kum an a Yehova m’uwodhowu woko kud i ng’om Misiri, kara abed Mungu mu: ka kumeno wubed leng’, kum an a leng’.

Zekaria 13:9

Man abikelo ng’ete mir adege i mac, e abidwokogi leng’ calu judwoko mola ma tar leng’, man abiponjogi calu juponjo mola ma kwar. Gibilwong’o nyinga, man abiwinjogi: abiwacu kumae, En e dhanu para; man gibiwacu kumae, Yehova en e Mungu para.

Kitabu Mir Ang’wende Pa Musa Wel 15:41

An a Yehova Mungu mu, m’uwodhowu woko kud i ng’om Misiri, kara abed Mungu mu: an a Yehova Mungu mu.

Matayo 22:32

An a Mungu pa Ibrahim, Mungu pa Isak de, man Mungu pa Yakobo? Mungu en e Mungu mi ju m’utho ngo, endre mi ju ma kwo.

Jurumi 8:31

Wabilund yero ang’o kum gin maeni? Tek Mungu en e jabang’wa, ng’a ke ma goyo kore i kumwa?

Poi Mi Cik 14:2

Kum in i thek ma leng’ ni Yehova Mungu peri, man Yehova goyo wii ibed thek ni piny pare gire, ma sagu kodhidhanu ceke ma ni i wang’ ng’om.

Poi Mi Cik 26:18

e Yehova tuco in tin nia ibed dhanu ni piny pare ma dhe, calu eng’olo iri, man nia igwok lembang’ola pare ceke;

Poi Mi Cik 29:12

kara imond i lembariba pa Yehova Mungu peri, man i kwong’ pare, ma Yehova Mungu peri timo kudi tin;

Poi Mi Cik 29:13

kara eketh inyang’ tin ibed ni dhanu tin ire gire, man kara ebed iri ni Mungu, calu eyero iri, man calu ekwong’o ni kwaru, ni Ibrahim, ni Isak, man ni Yakobo.

Poi Mi Cik 29:5

Man atelo wiwu rundi pier ang’wen i langa: kendi mu ti i kumwu ngo, wara peri de ti ngo i tiendi.

Poi Mi Cik 4:20

Ento Yehova gamuwu, man ewodhowu woko kud i uka mi nyunyu, kud i Misiri, kara wubed ire ni dhanu mir aba, calu i ceng’ ma tin.

Poi Mi Cik 7:6

Kum in i dhanu ma leng’ ni Yehova Mungu peri: Yehova Mungu peri goyo wii kara ibed dhanu ni piny pare gire, ma sagu kodhidhanu ceke ma gini i wang’ ng’om.

Juebrania 11:16

Ento kawono ava ng’om ma ber m’usagu negogi, ma en e m’i polo: kum kumeno lewic unego Mungu ngo i kumgi, ma nia julwong’e Mungu migi; kum eyiko adhura igi.

1 Petro 2:10

wun ma naka wu dhanu ngo, ento kawono wu dhanu pa Mungu: wun ma naka fodi wunwang’u kisa ngo, ento kawono wudaru nwang’u kisa.

Lembanyutha 21:3

Man awinjo dwal ma dit uai i komker uwacu kumae, Nen, hema pa Mungu ni karacelo ku dhanu, man ebibedo kugi, man gibibedo dhanu pare man Mungu ku kite bibedo karacelo kugi, ni Mungu migi:

Lembanyutha 21:7

Ng’atu m’uloyo ebilagu gin maeni; man abibedo Mungu pare, man ebibedo woda.