Ai 6:4 - The Holy Bible In Alur (Lur) Revised Orthography

⁴ Man aketho lembariba para cungo kugi, ya ami igi ng’om Kanan, ng’om mir umondo migi, ma gibedo ni umondo i ie.

Ai 6:4 ပူးပေါင်းရင်းမြစ်များ

Thangambere 12:7

Man Yehova nyuthre ni Abram, ewacu de kumae, Abimio ng’om maeni ni nyikwei: e eguro pemblam keca ni Yehova, m’unyuthre ire.

Thangambere 15:13

Man ewacu ni Abram kumae, Dong’ ing’ei andhandha nia kodhi peri bibedo umondo i ng’om ma migi ngo, man gibitimo ni joca; man gibisendogi rundi dak ang’wen;

Thangambere 15:18

I ceng’ maeca Yehova timo lembariba kud Abram, ewacu kumae, Amio ng’om maeni ni kodhini, ugambre kulo mi Misiri cik kum kulo ma dit, ma en e kulo Frati:

Thangambere 17:13

Ng’atu ma junyolo i ot peri, man ng’atu ma jung’iewe ku sente peri, jubikotimo yaa i kume be: man lembariba para bibedo i ring’kumwu ni lembariba mi nja.

Thangambere 17:4

Ento an, nen, lembariba para ni kudi, man ibibedo weg udul mi thek.

Thangambere 23:4

An a jawirok man umondo i kindwu: mi ira ng’om mi kakuny karacelo kudu, kara ayik avu para kud i wang’a.

Thangambere 26:3

bed ni umondo i ng’om maeni, man wabibedo wakudi, man abimio mugisa iri; kum abimio iri ng’om maeni ceke, man ni nyikwei, man abiketho kwong’ m’akwong’o ni Ibrahim ma wuru ucungi;

Thangambere 26:4

man abimedo kodhini calu cero m’i polo, man abimio ng’om maeni ceke ni kodhini; man thek ceke m’i ng’om binwang’u mugisa ni kum kodhini;

Thangambere 28:13

Man, nen, Yehova cungo i wie, man ewacu kumae, An a Yehova, Mungu pa Ibrahim ma kwaru, man Mungu pa Isak: ng’om m’ivuto i wie, abimie iri, man ni kodhini;

Thangambere 28:4

man emi iri mugisa pa Ibrahim, iri, man ni kodhini karacelo kudi: kara igam ng’om m’ibedo ni umondo i ie ni aba, ma Mungu mio ni Ibrahim.

Thangambere 6:18

Ento abiketho lembariba para cungo kudi; man ibimondo i avurne, in, ku woti, man cegi, ku mond woti karacelo kudi.

2 Samwil 23:5

Andha ot para bedo kumeno ngo ku Mungu; Ento etimo kuda lembariba mi nja, Ayika i lembe ceke, man andha: Kum en e both para ceke, man yeny ceke ma ia yenyo, Kadok eketho edongo ngo,

Zaburi 105:11

Ewacu kumae, Abimio ng’om Kanan iri, Gagi mir aba mu;

Zaburi 105:12

Kinde ma gi dhanu ma nyanok ku wel, Eyo, gi nok hai, man umondo i ie.

Ai 13:4

Tin wuwok woko i dwi Abib.

Ai 13:5

Man ebibedo, kinde ma Yehova biterowu i ng’om pa Jakanani, man Jahiti, man Jaamori, man Jahivi, man Jayebusi, m’ekwong’o ni kwaru peri nia ebimio iri, ng’om ma molo cak ku kic, nia ibiworo timotim maeni i dwi maeni.

Ai 6:8

Man abikelowu i ng’om m’ating’o cinga pire ya amie ni Ibrahim, ni Isak, man ni Yakobo; man abimie iwu ni aba: an a Yehova.

Isaya 55:3

Wucik ithwu, man wubin i bang’a; wuwinji, e ng’eyong’ec mu bibedo kwo: man abitimo lembariba mi nja kudu, en e kisa mandha pa Daudi.

Kitabu Mir Ang’wende Pa Musa Wel 10:29

E Musa wacu ni Hobab, ma wod Reuel ma Jamidiani, ma jalkwaru Musa kumae, Wabecidho i ka ma Yehova wacu pire kumae, Abimie iwu: bin wacidhu wakudu, man wabitimi ber; kum Yehova yero ber pir Israel.

Tic Mi Jukwenda 7:5

man emio ire aba i ie ngo, ungo, ma romo tiende de ngo: man eng’olo ya ebimie ire ni jupiny pare, ni nyikwaye de yo ku ng’eye, ma fodi nyathin pare de mbe.