Ai 6:29 - The Holy Bible In Alur (Lur) Revised Orthography

²⁹ nia Yehova yero ni Musa, ewacu kumae, An a Yehova: yer lembe ceke m’ayero iri ni Farao m’ubimo mi Misiri.

Ai 6:29 ပူးပေါင်းရင်းမြစ်များ

Ai 6:11

Mondi, iwac ni Farao m’ubimo mi Misiri, ya ewek nyithindho mir Israel giai i ng’om pare.

Ai 6:2

Man Mungu yero ni Musa, man ewacu ire kumae, An a Yehova:

Ai 6:28

Maeni timbre i nindo ma Yehova yero ie lembe ni Musa i ng’om Misiri,

Ai 6:6

Kum kumeno wac ni nyithindho mir Israel kumae, An a Yehova, man abiwodhowu woko ku the ter mi Jumisiri, man abibodhowu kud i ng’eca migi, man abiwaruwu ku bot m’arieya, man ku pokolembe ma dit:

Ai 6:8

Man abikelowu i ng’om m’ating’o cinga pire ya amie ni Ibrahim, ni Isak, man ni Yakobo; man abimie iwu ni aba: an a Yehova.

Ai 7:2

Ibiyero lembe ceke m’ang’olo iri; man Harun m’umeru biyero ni Farao, nia ewek nyithindho mir Israel uai kud i ng’om pare.

Yeremia 23:28

Jabila m’ubedo ku lek, wek eyer lekne; man ng’atu m’ubedo ku lembe para, wek eyer lembe para kakare, Soka en e ang’o ka jupore ku nganu? Yehova wacu.

Yeremia 26:2

Yehova wacu kumae: Cung i lelagang’ mi ot pa Yehova, man iyer ni adhura ceke mi Yuda, m’ubino kara girwo i ot pa Yehova, lembe ceke m’ang’olo iri ya iyer igi; kud iwek lembe moko ki.

Ezekiel 3:11

Man icidhi, cidh ba ju mi ng’eca, ba nyithindho mi juthu, man iyer igi, man iwac igi kumae, Rwoth Yehova wacu kumae; kadok gibiwinjo, kadi kadok gibiwinjo ngo.

Ezekiel 3:17

Wod dhanu, adwoki ni jakur mi ot mir Israel: ka kumeno winj lembe m’i dhoga, man ipoigi ira.

Matayo 28:20

wuponjgi ya giwor gin ceke m’ang’olo iwu: man nen, wanuti wakudu thiri thiri, cil i kajik mi ng’om.

Tic Mi Jukwenda 20:27

Kum alworo ngo niyero iwu lembapora pa Mungu ceke.