Ai 6:26 - The Holy Bible In Alur (Lur) Revised Orthography

²⁶ Maeni gi Harun ku Musa maeno, ma Yehova wacu igi kumae, Wuwodh nyithindho mir Israel woko kud i ng’om Misiri calkud udulgi.

Ai 6:26 ပူးပေါင်းရင်းမြစ်များ

Thangambere 2:1

Man polo ku ng’om gidaru timbri, kud udul pinje ceke.

I Lemkei 6:3

Man nyithindho pa Amram gi eni: Harun, man Musa, man Miriem. Man wot Harun gi eni: Nadab, man Abihu, man Eleazar, man Ithamar.

Zaburi 77:20

Itelo wi dhanu peri calu udul rombe, Ku cing’ Musa ku Harun.

Zaburi 99:6

Musa ku Harun i kind julam pare, Man Samwil i kind ju m’ulwong’o nyinge; Gilwong’o Yehova, man eloko lembe igi.

Ai 12:17

Man wubikwiro ceng agba mi kwen ma thobi mbe i ie; kum awodho udul mu woko kud i ng’om Misiri i ceng’ maeni nini: ka kumeno wubikwiro ceng’ maeni kum dhanum’utuk mu ni lembapoka mi nja.

Ai 12:41

Man etimbre ka rundi dak ang’wen ku pier adek uthum, cil ceng’ maeni nini etimbre, nia udul pa Yehova ceke ai woko kud i ng’om Misiri.

Ai 12:51

E etimbre i ceng’ maeni nini, nia Yehova kelo nyithindho mir Israel kud i ng’om Misiri kud udulgi.

Ai 13:18

ento Mungu gondo dhanu, yor i yamba yo ba Nam Makwar: man nyithindho mir Israel giidho malu aronya ku jamtho kud i Misiri.

Ai 20:2

An a Yehova Mungu peri, m’uwodhi woko kud i ng’om Misiri, kud i ot mi ng’eca.

Ai 32:1

E kinde ma dhanu neno nia Musa galu ku loro piny ku wi got, dhanu gicokri gigi karacelo ba Harun, man giwacu ire kumae, Ai, tim iwa mungu, ma bitelo wiwa; kum pi Musa maeni, ma ng’atu m’uwodhowa kud i ng’om Misiri, wang’eyo gin m’uwok i kume ngo.

Ai 32:11

E Musa paku dhoge ni Yehova Mungu pare, man ewacu kumae, Yehova, nedi kwinyo peri bogre kum dhanu peri, m’iwodhogi woko kud i ng’om Misiri ku tego ma dit man ku cing’ ma teki?

Ai 32:7

E Yehova yero ni Musa kumae, Cidhi, man ilor piny; kum dhanu peri, m’iwodho woko kud i ng’om Misiri, ginyothri gigi:

Ai 6:13

Man Yehova yero ni Musa man ni Harun, man emio igi lembang’ola ni nyithindho mir Israel, man ni Farao m’ubimo mi Misiri, ya uwodh nyithindho mir Israel kud i ng’om Misiri.

Ai 6:20

Man Amram ugamu Yokebed ma nyamin won ni dhaku; man enyolo ire Harun giku Musa: man rundi mi camung’om pa Amram en e rundi dak acel ku pier adek wi abiro.

Ai 6:7

man abigamuwu i bang’a ni dhanu, man abibedo iwu ni Mungu; e wubing’eyo nia an a Yehova Mungu mu, m’uwodhowu woko ku the ter mi Jumisiri.

Ai 7:4

Ento rarao biwinjowu ngo, e abiketho cinga kum Misiri, man abiwodho udul para, ma gi dhanu para ma nyithindho mir Israel, kud i ng’om Misiri ku lembapoka ma dit.

Mika 6:4

Kum awodhi woko kud i ng’om Misiri, man aweri kud i ot mi ng’eca; man aoro Musa, ku Harun, man Miriem, i weng’i.

Kitabu Mir Ang’wende Pa Musa Wel 33:1

Maeni woth mi nyithindho mir Israel, kinde ma giai i ng’om Misiri ku bang’ udul migi ku bang’ udul migi the cing’ Musa giku Harun.

Yocuwa 24:5

Man aoro Musa giku Harun, man agoyo Misiri, calku maeno m’atimo i kinde: man yo ku ng’eye awodhowu woko.

1 Samwil 12:6

Man Samwil uwacu ni dhanu kumae, en e Yehova m’ugoyo wi Musa ku Harun, man m’uwodho kwaruwu kud i ng’om Misiri.

1 Samwil 12:8

Kinde ma Yakobo bino i Misiri, man kwaruwu ywak ba Yehova, Yehova lund uoro Musa giku Harun, m’uwodho kwaruwu woko kud i Misiri, man eketho gibedo i ka maeni.