Ai 5:6 - The Holy Bible In Alur (Lur) Revised Orthography

⁶ E ceng’ nica Farao ng’olo ni juwitic ma ni i wi dhanu, ku jego migi, ewacu kumae,

Ai 5:6 ပူးပေါင်းရင်းမြစ်များ

2 Lemkei 26:11

Mange ke Uzia bedo ku njuru asikari mi dhanu mir ali, ma wok woko i ali kud udul, calu wel mi kwan migi ma Yeiel ma jagorcik ku Maseya ma jego timo, the cing’ Hanania, ma jego acel mir ubimo.

Ai 1:11

Ka kumeno giketho juwitic i wigi kara usendgi ku ter migi. Man gigomo adhura mi kanupiny Pithom ku Ramses, ni Farao.

Ai 3:7

Man Yehova wacu kumae, Andha aneno masendi mi dhanu para ma ni i Misiri, man awinjo ywak migi kum juwitic ma ni wigi; kum ang’eyo can migi;

Ai 5:10

E juwitic mi dhanu gicidho, ku jego migi, man giyero ni dhanu giwacu kumae, Farao wacu kumae, Abimio lum iwu ngo.

Ai 5:19

Man jego mi nyithindho mir Israel gineno nia gini i lem ma rac, ka juwacu kumae, Kud wujwig kum biriki mu moko, ma tic ma ceng’ ku ceng’.

Ai 5:7

Wubimio lum kendo ngo ni dhanu ma gitim kudo biriki, calu ma naka wumio: wek gici gifudh lum gigi.

Lembrieko 12:10

Ng’atu ma pwe ng’eyo bedo mi lim pare; Ento kisa ma ng’ic pa jadubo e rac.

Kitabu Mir Ang’wende Pa Musa Wel 11:16

Man Yehova wacu ni Musa kumae, Cok dhanu pier abiro i bang’a mi judongo mir Israel, m’ing’eyo gi judongo mi dhanu, ku jego i wigi; man ikelgi ba hema mi cokri, kara gicung kuca karacelo kudi.

Poi Mi Cik 1:15

Kum kumeno agamu judongo mi suru mu, dhanu ma riek, ma jung’eyo de, man akethogi ni judongo i wiwu, jego mi rubanga, man jego mi dak, man jego mi pier abic, man jego mir apar, man juwitic, calku suru mu.

Poi Mi Cik 16:18

Keth jupoklembe ku jego iri i dhugang’ peri ceke, ma Yehova Mungu peri mio iri, calku suru peri; man gibipoko lembe mi dhanu ku pokolembe ma pwe.

Yocuwa 24:1

Man Yocuwa coko suru ceke mir Israel i Cekem, man elwong’o judongo mir Israel, man juwigi, ku jupoklembe migi, man jego migi; e githieri gigi i wang’ Mungu.

Yocuwa 24:4

Man amio Yakobo kud Esau, ni Isak: man amio got Seir ni Esau, kara emwonye; man Yakobo giku nyithindho pare giloro piny i Misiri.

Yocuwa 8:33

E Israel ceke, ku judongo migi ku jego, man jupoklembe migi, gicungo i ng’et sanduk kucel man i ng’ete kucel i wang’ julam ma Julawi, m’uyeyo sanduk mi lembariba pa Yehova, en e jabedo calu ng’atu ma junyolo thugi; ng’etgi kurucel i nyim got Gerizim, man ng’etgi kurucel i wang’ got Ebal; calu Musa ma jatic pa Yehova ng’olo ku kwong’a, nia gimi mugisa ni nyithindho mir Israel.