Ai 5:22 - The Holy Bible In Alur (Lur) Revised Orthography

²² E Musa dok ba Yehova, man ewacu kumae, Rwoth, pirang’o itimo dhanu maeni raci? nedi iora?

Ai 5:22 ပူးပေါင်းရင်းမြစ်များ

1 Ubimo 19:10

E ewacu kumae, Ngiri nega dit pi Yehova, Mungu mir udul; kum nyithindho mir Israel giweko lembariba peri, gimugo pemblam peri piny, man ginego jubila peri ku palamularu: man an, ndhu an a kenda e m’udong’; e gibeyenyo kwo para, kara gikabe woko.

1 Ubimo 19:4

Ento en gire ecidho woth mi ceng’ acel i langa, man ebino ebedo piny de the yen m’udinyo: e epenjo pire gire nia etho, ewacu de kumae, Eromo; kawono, E Yehova, kab kwo para woko; kum a ber ma sagu kwaru para ngo.

Zaburi 73:25

Abedo ku ng’a i polo? Man ng’atu moko mbe i ng’om m’ayenyo ma sagu in.

Ai 17:4

E Musa lwong’o Yehova ewacu kumae, Abitimo dhanu maeni nedi? gi ceng’ni canya ku kidi.

Yeremia 12:1

E Yehova, in i pwe kinde ma waii wakudi; ento kuno di waporo lembe kudi; pirang’o yo mi judubo bedo miero? pirang’o dhanu ceke m’utimo kud abombi dit gibedo yo?

Yeremia 20:7

E Yehova, ipiko lembe i ia, e abedo kumeni; tego peri sagu para, man ivoya: adoko ni girang’iera ceng’ du dhanu ceke kubang’gi kubang’gi gicaya.

Yeremia 4:10

Alund awacu kumae, A. Rwoth Yehova! andha ibombo dhanu maeni dit ku Yerusalem, m’iwacu kumae, Wubibedo ku kwiocwiny; ento palamularu tundo kum kwo.

Habakuk 2:3

Kum ginmawokiwang’ fodi en e pi nindo ma juketho, man etimo pio i dhu kajikne, man ebicwayu ndra ngo: kadok egalu, kure; kum ebibino andha, ebigalu ngo.

Kitabu Mir Ang’wende Pa Musa Wel 11:11

Man Musa wacu ni Yehova kumae, Nedi itimo rac ba jatic peri? man nedi anwang’u bero i weng’i ngo, ketho iketho ter mi dhanu maeni ceke i wia?

Yocuwa 7:7

Man Yocuwa wacu kumae, Aka, E Rwoth Yehova, nedi ikelo dhanu maeni loka Yordan, kara imiwa i cing’ Juamori, uketh warwinyi? a mundo ande wayi wabed loka Yordan ba!

1 Samwil 30:6

Man cwiny Daudi ng’abre dit; kum dhanu giyero pi canye ku kidi, kum can unego ng’eyong’ec mi dhanunegi ceke, ku ba dhanu ceke ng’atuman pi wote man pi nyige: ento Daudi udwokre gire tek ni kum Yehova Mungu pare.