Ai 5:21 - The Holy Bible In Alur (Lur) Revised Orthography

²¹ e giwacu igi kumae, Yehova nenwu, man epok lembe; kum wuketho judagu ng’wicwa i wang’ Farao man i wang’ jutic pare, m’uketho palamularu i cing’gi kara unegwa.

Ai 5:21 ပူးပေါင်းရင်းမြစ်များ

Thangambere 16:5

Man Sarai wacu ni Abram kumae, Kier para bed i wii: amio bong’ para i kori; e kan eneno nia egamu ie, abedo acaya i wang’e: Yehova pok lembe i kindwa wakudi.

Thangambere 31:53

Mungu pa Ibrahim, man Mungu pa Nahor, Mungu pa weggi, upok lembe i kindwa. Man Yakobo kwong’o ku Lworo pa won ma Isak.

Thangambere 34:30

E Yakobo wacu ni Simeon ku Lawi kumae, Wung’abu cwinya, kara wudwoka ni gin ma judagu ni ju m’ubedo i ng’ombuni, i kind Jukanani man Juperizi: man, kum welna nok, gibicokri gigi karacelo i kuma e gibigoya; man abinyothra, an ku juot para.

2 Samwil 10:6

Man ka nyithindho mir Amon gineno nia gidoko ni ginmajudagu ni Daudi, nyithindho mir Amon gioro kwenda man gimio sukulia gigamu ko Jucami ba Beth-rehob, man Jucami pa Zoba, dhany ma ku tielo rubanga pier ario, man ubimo mi Maka karacelo ku dhanu rubanga acel, man dhanu pa Tob dhanu rubanga apar wi ario.

I Lemkei 19:6

Man ka nyithindho mir Amon gineno nia gidwokri gigi rac ni Daudi, Hanun ku nyithindho mir Amon gioro talanto mi mola ma tar rubanga acel kara gigam igi magali ku weg riuni ku i Mesopotamia, man ku i Aram-maka, man ku i Zoba.

Ai 14:11

E giwacu ni Musa kumae, Kum liel umbe i Misiri, ketho ikabuwa woko kara watho i langa? pirang’o itimo kumeni i kumwa, m’iwodho kowa woko ku i Misiri?

Ai 15:24

E dhanu ging’ur kum Musa, giwacu kumae, Wabimadhu ang’o?

Ai 16:2

Man udul mi nyithindho mir Israel ceke ging’ur kum Musa man kum Harun i langa:

Ai 4:31

E dhanu giyio; e ka giwinjo nia Yehova liewo nyithindho mir Israel, man nia eneno masendi migi, gilund gikulo wigi e girwo.

Ai 5:20

E girombo ku Musa giku Harun, ma gicungo i yo, ka giai ba Farao:

Ai 6:9

E Musa yero kumeni ni nyithindho mir Israel: ento giwinjo dwand Musa ngo ni kum can mi cwiny, man kum ng’eca ma tek.

Eklizia 10:1

Ulwang’ni m’utho ketho ng’wic mo pa jabodho duny rac; lem ma kite mbe ma nyanok de sagu rieko ku yung de kumeni ku pekne.

Isaya 30:6

Ewolembe ma pi yedi ma yor ariwa ma piny. Kud i ng’om mir ang’abacwiny ku ndiba, ma min umvor kud umvor giai i ie, bunyo ku thwol mi mac ma ringo, giyeyo lonyo migi wi nyithi kana, man piny m’akana migi wi kwomb ngamia, ba dhanu ma bimio kuloka igi ngo.

Yoel 2:20

ento abicoro njuru asikari ma yor ariwa ma malu cen kud i kumwu, man abirieme i ng’om ngele man uvuru, kume m’utelo yo i nam ma yo nyangu, man kume m’udong’ cen i nam ma yo reto; e ng’wice ma rac biduny, man ng’wice ma rac biidho malu, kum etimo gin ma dit.

Kitabu Mir Ang’wende Pa Musa Wel 14:22

kum dhanu maeno ceke ma gineno dwong’ para, ku giranyutha para, m’atimo i Misiri kud i langa, ento gibidha wang’ apar maeni, man giwinjo dwanda ngo;

Kitabu Mir Ang’wende Pa Musa Wel 14:3

Man Yehova kelowa i ng’om maeni mir ang’o, kara wapodh ku palamularu? Mondwa ku nyithindhwa ma thindho gibibedo ni ayeki: e ber iwa ma sagu ngo ya wadok i Misiri?

1 Samwil 13:4

Man Israel ceke giwinjo nia Saul ugoyo ka ma tek mi Jufilisti, man bende nia Israel gibedo ni cac ni Jufilisti. Man dhanune gicokri karacelo i tok Saul i Gilgal.

1 Samwil 27:12

Man Akic uyio Daudi, ewacu kumae, Eketho juthugi ma Israel udage hai; ka kumeno ebibedo jatic para mi nja.