Ai 5:2 - The Holy Bible In Alur (Lur) Revised Orthography

² Man Farao wacu kumae, Yehova en e ng’a, ma nia awinj dwande awek ko Israel gicidhi? Ang’eyo Yehova ngo, mange ke abiweko Israel ungo ya gicidhi.

Ai 5:2 ပူးပေါင်းရင်းမြစ်များ

2 Ubimo 18:35

Ng’a gi ma kind mungu ceke m’i ng’om, ma bodho ng’om migi kud i cinga, ma nia Yehova bibodho Yerusalem kud i cinga?

2 Lemkei 32:14

Ng’a ma ni i kind mungu ceke mi thek maeno ma wegwa nyotho kot, ma copo bodho dhanu pare kud i cinga, ma nia Mungu mu copo bodhowu kud i cinga?

2 Lemkei 32:15

Ka kumeno kawono kud wuyi Hezekia bombwu, kadi epik lembe i iwu calu maeni kadok ayia de kud wuyie; kum mungu mi thek moko mbe kadi ker ma copo bodho dhanu pare kud i cinga, man kud i cing’ kwara: e ka mungu mu ke bibodhowu nenedi kud i cinga?

2 Lemkei 32:19

Man giyero pi Mungu mi Yerusalem, calu pi mungu mi kodhidhanu m’i ng’om, ma gi tic mi cing’ dhanu.

Nehemia 9:10

man inyutho giranyutha ku musana kum Farao, man kum jutic pare ceke, man kum dhanu ceke ma ni i ng’om pare; kum ing’eyo nia gitimo ku kuhaya i kumgi, e inwang’u iri nying’, calu ebedo tin.

Kitabu Pa Yob 15:25

Kum erieyo cinge kum Mungu, Man etimbre gire ku kuhaya kum Jategokpo;

Kitabu Pa Yob 15:26

Eringo i kume ku ng’ute m’ucikre, Ku jam thungu pare ma dit;

Kitabu Pa Yob 21:15

Jategokpo en e ang’o, ma nia watim ire? Man wabikwanyu ang’o, tek warwo ire?

Zaburi 10:4

Jadubo wacu kumae, ku kuhaya mi wang’e, Ebilwong’e ngo. Pidoic pare ceke kumae, Mungu mbe.

Zaburi 12:4

Ma giwacu kumae, Wabisagu ku lebwa; Dendhogwa en e mwa giwa: ng’a ma rwoth i wiwa?

Zaburi 12:5

Kum masendi pa jacan, kum cur pa jacanpiny, Abiai kawono, Yehova wacu; Abikethe i kaboth m’eyenyo.

Zaburi 14:1

A Jakasegu wacu yor i adundene kur mae, Mungu mbe. Ginyothri, gitimo gin ma judagu; Ng’atu moko mbe ma timo ber.

Ai 3:19

Man ang’eyo nia ubimo mi Misiri bimio iwu woth ungo, ungo, ku cing’ ma tek de ngo.

Ai 7:17

Yehova wacu kumae, Ibing’eyo nia an a Yehova ni kum maeni: nen, abigoyo pi m’i kulo kud uluth ma ni i cinga, man ebilokre ni rimo.

Lembrieko 30:9

Amaru yeng’, man akweri, awac de kumae, Yehova en e ng’a? Kadijamaru bedo jacan, man akwal kwo, Man amaru cido nying’ Mungu para.

Yeremia 42:13

Ento tek wuwacu kumae, Wabibedo i ng’om maeni ngo; ketho nia wuwor dwand Yehova Mungu mu ngo,

Yeremia 48:26

Wuketh emer: kum etingre kum Yehova: e Moab birudre i ng’ok pare, man en bende ebibedo i cac.

Daniel 3:15

Nie tek wubedo ayika ya i nindo ma tek wuwinjo dwand agwara, kud ungbalu, ku dongo, kud usegu, ku nanga, kud adungu, ku ba gin ceke ma ywak, wupodho piny man wurwo ni ayi gin m’acwia m’atimo, dre: ento tek wurwo ngo, jubibolowu i saa nica i majuka m’ubogre; man mungu maeno en e ng’a ma bibodhowu kud i cinga?

Yohana 16:3

Man giki maeni gibitimo, kum ging’eyo Wego ngo, kadok an.

Jurumi 1:28

Man cil calu gikwero bedo ku Mungu i ng’eyong’ec migi, Mungu kuriogi ni pidoic ma rac, ma gitimo ko gin ma maku ku jutim;

2 Jutesaloniki 1:8

m’eculo ko kwor ni ju m’ung’eyo Mungu ngo, man ni ju m’uworo lembanyong’a ma juboth ko pa Rwoth mwa Yesu ngo:

Jupoklembe 2:10

Man dhanum’utuk maeca bende gicokri ba kwarugi: e dhanum’utuk mange ai i ng’eigi, m’ung’eyo Yehova ngo, kadi tic m’etimo pir Israel de ngo.

1 Samwil 2:12

Nie wot Eli gi dhanu ma rac; ging’eyo Yehova ngo.

1 Samwil 25:10

Man Nabal uloko lembe ni jutic pa Daudi, man ewacu kumae, Daudi en e ng’a? man wod Yese en e ng’a? jutic dupa nuti m’ujai i nindo maeni ng’atuman ni jadit pare man ni jadit pare.