Ai 40:35 - The Holy Bible In Alur (Lur) Revised Orthography

³⁵ E Musa copo mondo i hema mi cokri ngo, kum afuru bedo i wie, man dwong’ pa Yehova pong’o hemane.

Ai 40:35 ပူးပေါင်းရင်းမြစ်များ

1 Ubimo 8:10

Man etimbre, kinde ma julam uai woko kud i kamaleng’, nia afuru pong’o ot pa Yehova,

1 Ubimo 8:11

ketho nia julam copo cungo ngo kum timo ni kum afurune; kum der pa Yehova pong’o ot pa Yehova.

2 Lemkei 7:2

Man julam copo mondo ngo i ot pa Yehova, kum dwong’ pa Yehova pong’o ot pa Yehova.

Ai 16:10

Man etimbre, kinde ma Harun uyero ni udul nyithindho mir Israel nia gineno yor i langa, man, nen, dwong’ pa Yehova nyuthre i afuru.

Ai 29:43

E wabirombo ku nyithindho mir Israel keca; man jubidwoko Hema leng’ ku dwong’ para.

Isaya 4:5

Man Yehova biewio afuru ku yiro ma ku dieceng’, man rieny mi lebmac ma ku diewor; wi kabedo dho mi got Sayuni, man wi cokri pare; kum jubipedho girauma wi dwong’ne ceke.

Isaya 57:15

Kum Ng’atu ma malu ma jabedo mi nja ma nyinge Leng’, uwacu kumae: Abedo i ka ma malu ma leng’ de, karacelo ku ng’atu ma cwinye lokre ma cwinye mol bende, kara adwok tipo ng’atu ma mol, man kara adwok cwiny ng’atu m’ulokre.

Isaya 6:4

E the riu mi dhugola yengre kum dwand ng’atu m’ulwong’o, e ot upong’ ku yiro.

Ezekiel 10:4

Man dwong’ pa Yehova idho malu ku ba kerubine, man ecungo wi riu mi dhugola mi ot; e ode pong’ kud afuru, man lelagang’ de pong’ ku rieny mi dwong’ pa Yehova.

Ezekiel 43:4

E dwong’ pa Yehova bino i ot i yo mi dhugang’ ma neno yo nyangu.

Lembe Mi Julawi 16:2

e Yehova wacu ni Musa kumae, Yer ni Harun m’umeru, kara kud emond i nindo ceke i kamaleng’ yo i kusikabongu, i wang’ kabedomikisa ma ni wi sanduk; kara kud etho: kum abiwok i afuru wi kabedomikisane.

Kitabu Mir Ang’wende Pa Musa Wel 7:89

E kinde ma Musa mondo i hema mi cokri niweco kude, elund ewinjo Dwal ubeweco i bang’e ku malu ba kabedomikisa ma ni wi sanduk mi lembatuca, kud i kind kerubi ario; man eweco i bang’e.

Kitabu Mir Ang’wende Pa Musa Wel 9:15

Man i ceng’ ma juting’o ie hema malu afuru umo hema, en e hema mi lembatuca: man uthieno eni wi hema calu en e ayi mac, cil kugweno.

Lembanyutha 15:8

Man hekalu pong’ ku yiro m’uai ba dwong’ pa Mungu, man ba tego pare; man ng’atu moko mbe ma copo mondo i hekalu, ma fodi masendi abiro mi malaika abiro ku thum ungo.