Ai 40:34 - The Holy Bible In Alur (Lur) Revised Orthography

³⁴ Afuru lund uumo hema mi cokri, man dwong’ pa Yehova pong’o hema.

Ai 40:34 ပူးပေါင်းရင်းမြစ်များ

2 Samwil 7:6

kum fodi abedo ngo i ot ugambre i ceng’ m’awodho ie nyithindho mir Israel woko kud i Misiri, cil i ceng’ maeni, ento awotho i hema man i kabedo.

2 Lemkei 5:13

etimbre, kinde ma jukudhagwara man juwer gibedo calu acel, kara giketh badwal acel uwinjre kum paku ku foyo Yehova; man kinde ma giting’o dwandgi malu karacelo kud agwara man umbukulumbu ku jambwer mi badwal, man gipaku Yehova, giwacu kumae, Kum en e ber; kum mer mi bero pare bedo mi nja; nia ot ulund upong’ kud afuru, en e ot pa Yehova,

2 Lemkei 7:2

Man julam copo mondo ngo i ot pa Yehova, kum dwong’ pa Yehova pong’o ot pa Yehova.

Zaburi 26:8

Yehova, amaru kabedo mi ot peri, Man ka ma dwong’ peri bedo i ie.

Ai 14:24

Man etimbre i kur mi kugweno, nia Yehova neno wi udul Misiri ku wi mbegi mi mac man mir afuru, man esendo udul mi Jumisiri.

Ai 16:10

Man etimbre, kinde ma Harun uyero ni udul nyithindho mir Israel nia gineno yor i langa, man, nen, dwong’ pa Yehova nyuthre i afuru.

Ai 25:8

Man wek gitim ira kamaleng’, kara abed i kindgi.

Ai 29:43

E wabirombo ku nyithindho mir Israel keca; man jubidwoko Hema leng’ ku dwong’ para.

Ai 33:9

Man etimbre, kinde ma Musa mondo i Hema, mbegi mir afuru loro piny man ecungo dhugola mi Hema: e Yehova weco ku Musa.

Isaya 57:15

Kum Ng’atu ma malu ma jabedo mi nja ma nyinge Leng’, uwacu kumae: Abedo i ka ma malu ma leng’ de, karacelo ku ng’atu ma cwinye lokre ma cwinye mol bende, kara adwok tipo ng’atu ma mol, man kara adwok cwiny ng’atu m’ulokre.

Isaya 6:4

E the riu mi dhugola yengre kum dwand ng’atu m’ulwong’o, e ot upong’ ku yiro.

Ezekiel 10:4

Man dwong’ pa Yehova idho malu ku ba kerubine, man ecungo wi riu mi dhugola mi ot; e ode pong’ kud afuru, man lelagang’ de pong’ ku rieny mi dwong’ pa Yehova.

Lembe Mi Julawi 16:2

e Yehova wacu ni Musa kumae, Yer ni Harun m’umeru, kara kud emond i nindo ceke i kamaleng’ yo i kusikabongu, i wang’ kabedomikisa ma ni wi sanduk; kara kud etho: kum abiwok i afuru wi kabedomikisane.

Hagai 2:7

man abiyengo thek ceke; man gin ma juketho cwiny i kume mi thek ceke bibino; e abipong’o ot maeni ku dwong’ Yehova mir udul uwacu.

Hagai 2:9

Dwong’ ma cen mi ot maeni bisagu ma kwong’a, Yehova mir udul uwacu; man i ka maeni abimio kwiocwiny, Yehova mir udul uwacu.

Kitabu Mir Ang’wende Pa Musa Wel 7:89

E kinde ma Musa mondo i hema mi cokri niweco kude, elund ewinjo Dwal ubeweco i bang’e ku malu ba kabedomikisa ma ni wi sanduk mi lembatuca, kud i kind kerubi ario; man eweco i bang’e.

Jurumi 9:4

ma gi Juisraeli; ma dwok ma judwoko ko jo ni wot en e migi, ku dwong’, man lembariba, ku mio cik, man rwo ma ba Mungu, ku lembang’ola de;

Lembanyutha 15:8

Man hekalu pong’ ku yiro m’uai ba dwong’ pa Mungu, man ba tego pare; man ng’atu moko mbe ma copo mondo i hekalu, ma fodi masendi abiro mi malaika abiro ku thum ungo.

Lembanyutha 21:3

Man awinjo dwal ma dit uai i komker uwacu kumae, Nen, hema pa Mungu ni karacelo ku dhanu, man ebibedo kugi, man gibibedo dhanu pare man Mungu ku kite bibedo karacelo kugi, ni Mungu migi: