Ai 4:31 - The Holy Bible In Alur (Lur) Revised Orthography

³¹ E dhanu giyio; e ka giwinjo nia Yehova liewo nyithindho mir Israel, man nia eneno masendi migi, gilund gikulo wigi e girwo.

Ai 4:31 ပူးပေါင်းရင်းမြစ်များ

Thangambere 17:3

Man Abram upodho arieba wang’e: e Mungu weco kude, ewacu kumae,

Thangambere 24:26

Man ng’atuno kulo wie e erwo ni Yehova.

Thangambere 29:32

Man Leya gamu ie, e enyolo nyathin ma nico, man elwong’o nyinge Ruben: kum ewacu kumae, Kum Yehova neno wi can para; kum kawono cwara bimara.

Thangambere 50:24

E Yusuf uwacu ni utumin mire kumae, Atho: ento Mungu biliewowu andha, man ebidwokowu malu kud i ng’om maeni ba ng’om m’ekwong’o ni Ibrahim, ni Isak, man ni Yakobo.

I Lemkei 29:20

Man Daudi wacu ni cokri ceke kumae, Kawono wumi mugisa ni Yehova Mungu mu. Man cokri ceke gimio mugisa ni Yehova, Mungu pa kwarugi, man gikulo wigi e girwo ni Yehova, man ubimo.

2 Lemkei 20:18

Man Yehocafat ukulo wang’e i ng’om; man Yuda ceke ku ju m’ubedo i Yerusalem gipodho piny i wang’ Yehova, ma giberwo ni Yehova.

2 Lemkei 32:8

karacelo kude bot mi ring’kum; ento karacelo kudwa Yehova Mungu kara ukonywa, man ukied lwiny mwa. E dhanu gijengri gigi kum lembe pa Hezekia m’ubimo mi Yuda.

2 Lemkei 7:3

E nyithindho mir Israel ceke gineno, kinde ma mac uloro piny, man dwong’ pa Yehova ni wi ode; e girum gigi arieba wang’gi i ng’om wi ka m’athora, man girwo, gimio foc de ni Yehova, giwacu kumae, Kum en e ber; kum mer mi bero pare bedo mi nja.

Nehemia 8:6

E Ezra yungo Yehova, Mungu ma dwong’; man dhanu ceke giloko lembe kumae, Amen, Amen, ku ting’o cing’gi malu: e gikulo wigi, man girwo ni Yehova ma wang’gi ni yor i ng’om.

Kitabu Pa Yob 1:20

Yob ulund uai, e eyeco kanzu pare, man egwaru wie, e epodho piny i ng’om, man erwo;

Ai 12:27

Pa wubiwacu, En e lam mi kadhukuwijo pa Yehova, m’ukadhu ku wi udi mi nyithindho mir Israel i Misiri, kinde m’egoyo Jumisiri, man ebodho udi mwa. E dhanu gikulo wigi man girwo.

Ai 14:31

Man Israel uneno tic ma dit ma Yehova timo kum Jumisiri, e dhanune lworo Yehova: man giyio Yehova, ku jatic pare ma Musa.

Ai 19:8

E dhanu ceke giloko lembe karacelo, man giwacu kumae, Lembe ceke ma Yehova wacu wabitimo. Man Musa dwoko lembe mi dhanu ni Yehova.

Ai 19:9

Man Yehova wacu ni Musa kumae, Nen, abino i beng’i i afuru ma pek, kara dhanu giwinj kinde m’aweco i beng’i, man kara giyii bende mi nja. E Musa yero lembe mi dhanu ni Yehova.

Ai 2:25

E Mungu neno nyithindho mir Israel, man Mungu ng’eyogi.

Ai 3:16

Cidhi, cok judongo mir Israel karacelo, man iwac igi kumae, Yehova, Mungu pa kwaruwu, Mungu pa Ibrahim, pa Isak, man pa Yakobo, uwok i bang’a, uwacu kumae, Aliewowu andha, man aneno lembe m’utimbre i kumwu i Misiri:

Ai 3:18

Man gibiwinjo dwendi: man ibicidho, in ku judongo mir Israel, bang’ ubimo mi Misiri, man wubiwacu ire kumae, Yehova, Mungu mi Juebrania, urombo kudwa: man kawono, wakwei, wek wacidh mi woth mi ceng’ adek i langa, kara walam ni Yehova Mungurnwa.

Ai 3:7

Man Yehova wacu kumae, Andha aneno masendi mi dhanu para ma ni i Misiri, man awinjo ywak migi kum juwitic ma ni wigi; kum ang’eyo can migi;

Ai 33:10

E dhanu ceke neno mbegi mir afuru cungo dhugola mi Hema: e dhanu ceke giai malu man girwo, ku ba dhanu ceke ng’atuman i dhugola mi hema pare.

Ai 34:8

E Musa timo pio, man ekulo wie yor i ng’om, erwo de.

Ai 4:5

kara giyi nia Yehova, Mungu pa kwarugi, Mungu pa Ibrahim, Mungu pa Isak man Mungu pa Yakobo, unyuthre iri.

Zefania 2:7

Man dhu wath bibedo ni dong’ dhanu mi ot pa Yuda; gibikwayu udul rombe migi keca; gibivuto uthieno i udi mi Ackelon; kum Yehova Mungu migi biliewogi, man ebidwoko ng’eca migi.

Luka 1:68

Mugisa ni Rwoth, Mungu pa Israel; Kum eliewo dhanu pare etimo war de igi,

Luka 8:13

Ju ma wi cana ke, gi ju ma ka giwinjo, gijolo lembe ku mutoro; maeni de ulaggi mbe kugi, ma giyio mi nindo ma nyanok, i nindo mir abidhe de gikier.

Ruth 1:6

Elund eai ku mon wote, kara edwog kud i ng’om Moab: kum ewinjo kud i ng’om Moab maram Yehova liewo ko dhanu pare ku mio igi kwen.