Ai 4:27 - The Holy Bible In Alur (Lur) Revised Orthography

²⁷ Man Yehova wacu ni Harun kumae, Cidh i langa kara iromb ku Musa. E ecidho, man erombo kude wi got pa Mungu, e ecwio limbe.

Ai 4:27 ပူးပေါင်းရင်းမြစ်များ

Thangambere 29:11

E Yakobo cwio limb Rahel, man eting’o dwande malu, e eywak.

1 Ubimo 19:8

E eai, ecamu de man emadhu, man ewotho ku tego mi cemo maeno ceng’ pier ang’wen ku diewor pier ang’wen wi Horeb ma got pa Mungu.

Zaburi 105:26

Eoro Musa ma jatic pare, Man Harun m’egoyo wie.

Ai 18:5

Man Yethro, ma jalkwaru Musa, ubino ku wote man dhaku pare de ba Musa i langa ka m’egonjo i ie, ba got pa Mungu:

Ai 18:7

E Musa wok woko kara eromb ku jalkwaru mire, man emm piny, e ecwio limbe de; man gipenjri ram gibedo ko; e gimondo i hema.

Ai 19:3

E Musa idho malu ba Mungu, man Yehova lwong’e ku wi got, ewacu kumae, Wac kumae ni ot pa Yakobo, man yer ni nyithindho mir Israel kumae:

Ai 20:18

Man dhanu ceke neno morpolo, ku lukoth, ku dwand agwara, man got m’uthwugo yiro: e ka dhanu neno maeni, kumgi miel, man gicungo ku bor.

Ai 24:13

E Musa ai malu, ku Yocuwa ma jatic pare: e Musa idho malu wi got ba Mungu.

Ai 3:1

Nwang’u Musa bekwayu udul rombe pa Yethro ma jalkwaru mire, ma jalam mi Midian: man etelo wi udul rombe yo ng’ei langa, man ewok kum got pa Mungu, kum Horeb.

Ai 4:26

Kum kumeno eweke e kende. Elund ewacu kumae, In i won ambadha mi rimo, ni kum yaa.

Eklizia 4:9

Juario sagu ng’atu acel, kum gibedo ku sukulia ma ber kum tic mi muli migi.

Tic Mi Jukwenda 10:20

Ento ai malu, ilor piny, wuci wukugi, cwinyi kud ubed jiji: kum aorogi an.