Ai 4:12 - The Holy Bible In Alur (Lur) Revised Orthography

¹² Ka kumeno kawono cidhi, man abibedo ku dhogi, e abiponji ku gin m’ibiyero.

Ai 4:12 ပူးပေါင်းရင်းမြစ်များ

Zaburi 105:26

Eoro Musa ma jatic pare, Man Harun m’egoyo wie.

Zaburi 143:10

Ponja ku timo yeny ma ii yenyo; Kum in i Mungu para: Tipo peri e ber; Tela i ng’om m’atira.

Zaburi 32:9

Kud ibed calu riuni, kadi calu kana, ma ng’eyothelembe mbe kugi; Ma maku jambwoth migi bed utwindi ku del kara utwinygi, Tek kumeno ngo gibibino ceng’ni i beng’i ngo.

Ai 3:12

Man ewacu kumae, Wabibedo wakudi andha; man maeni bibedo giranyutha iri, nia aori: kinde m’iwodho dhanu woko kud i Misiri, wubitimo ni Mungu wi got maeni.

Ai 4:13

Man ewacu kumae, A, Rwoth, akwei, or ku cing’ ng’atu m’ibioro.

Ai 4:15

E ibiyero ire, man ibiketho lembe i dhoge: man abibedo ku dhogi, man ku dhoge, man abiponjowu ku gin ma wubitimo.

Ai 4:16

Man ebibedo jayerlembe peri ni dhanu; e ebitimbre, nia ebibedo iri ni dhok, man ibibedo ire calu Mungu.

Isaya 49:2

man etimo dhoga calu palamularu ma bith; epana i tipo m’i cinge: man etima ni athero m’aruda; egwoka ki i tubu pare:

Isaya 50:4

Rwoth Yehova mio ira leb mi ju ma juponjo, kara ang’ei maram jujengo ko ng’atu m’uol ku lembe: eceu ku ba rupiny ku ba rupiny, ecewo itha kara uwinj calu julub ma juponjogi.

Yeremia 1:9

Yehova lund urieyo cinge, man emulo dhoga; man Yehova wacu ira kumae, Nen, aketho lembe para i dhogi:

Kitabu Mir Ang’wende Pa Musa Wel 16:28

E Musa wacu kumae, Ni kum maeni wubing’eyo nia Yehova ora nitimo tic maeni ceke: kum atimogi ngo ku pidoia gira.

Marko 13:11

E ka gipeyowu ba titi, gimiowu de, cwinywu kud ular uring kum lembe ma wubiyero: ento gin ma tek bimire iwu i saa maeno, wuyer maeno; kum en e wun ungo m’uyero, ento Tipo Maleng’.

Luka 11:1

Man etimbre, kan eberwo i kar acel, nia kan eweko, kind julubne acel uwacu ire kumae, Rwoth, ponjwa ku rwo, cil calu Yohana bende ponjo julubne.

Yohana 14:26

Ento Jajuk, ma Tipo Maleng’, ma Wego bioro ku nyinga, ebiponjowu ku gin ceke, man ebipoyowu kum lembe ceke m’ayero iwu.

Juefeso 6:19

man pira, kara wec umire ira i yabu dhoga, kara aketh jung’ei giramung’a mi lembanyong’a ma juboth ko ku tegocwiny,

Poi Mi Cik 18:18

Abiting’o jabila igi i kind uturneggi, ma calu in; man abiketho lembe para i dhoge, e ebiyero igi lembe ceke m’abing’olo ire.