Ai 39:30 - The Holy Bible In Alur (Lur) Revised Orthography

³⁰ Man gitimo ban mi jamkermiwic ma leng’ mi mola ma kwar ma leng’, man gigoro lembagora i wie, calu ng’ik mir ayi kumae, LENG’ NI YEHOVA.

Ai 39:30 ပူးပေါင်းရင်းမြစ်များ

Ai 26:36

Man itim voi mi dhugola mi Hema, mi gin m’ulweku, ku m’uluga, man ma kwar ngbo, man bongu ma nwang’ ma ber m’awia, ma mi tic pa jabodho mi kwoc mi ruko.

Ai 39:29

man thondh pier mi bongu ma nwang’ ma ber m’awia, man m’ulweku, ku m’uluga, man ma kwar ngbo, tic pa jakwoc mi ruko; calu Yehova ng’olo ni Musa.

Ai 39:31

Man gitwio thol m’ulweku i kume, kara umake wi jambwic ma malu; calu Yehova ng’olo ni Musa.

Zekaria 14:20

I ceng’ maeca lembe bibedo wi ngara mi riuni kumae, LENG’ NI YEHOVA: man ajiku i ot pa Yehova bibedo calu tabu i wang’ pemblam.

1 Jukorinto 1:30

Ento wun re wuai i bang’e i Kristu Yesu, ma judwoke iwa ni rieko m’uai ba Mungu, man bedopwe ku dwokrileng’, man war:

2 Jukorinto 5:21

En m’eng’eyo dubo tak de ngo edwoke ni dubo piwa; kara wadok ni bedopwe pa Mungu ni kume.

Tito 2:14

m’emire gire piwa, kara ewarwa kud i camuco ceke, man elony dhanu ire gire ni piny pare ma dhe, m’ubedo kud ava tic ma ber.

Juebrania 1:3

en m’e car m’ucare mi dwong’ pare, man en e ayi mi kit kume, man gin ceke thiere ni kum lembe mi tego pare, kan etimo lwok mi dubo, ejany piny yo ku cing’ ma yor acwic mi Dwong’ ka ma malu;

Juebrania 7:26

Kum jalam ma dit ma kumeni umaku wan, m’e leng’, m’umbe abombi, m’ecido ngo, m’ekoire ku judubo, ma judode malu ma sagu polo;

Lembanyutha 5:10

man iketho gibed ni ker ku julam de ni Mungu mwa; man gibimo bim wi ng’om.