Ai 35:3 - The Holy Bible In Alur (Lur) Revised Orthography

³ Kud wukudh mac i ceng’ sabatu cil i kabedo mu ngung’.

Ai 35:3 ပူးပေါင်းရင်းမြစ်များ

Ai 12:16

Man ceng’ ma kwong’ane bibedo iwu ni cokri ma leng’, man ceng’ mir abirone de mi cokri ma leng’; gibitimo tic moko ngo i ceng’ maeca, ndhu giracama kende ma dhanu bicamu kubang’gi kubang’gi, maeno kende ma wubitimo.

Ai 16:23

Man ewacu igi kumae, Maeni gin ma Yehova yero, Urwo en e yom mi rwo, en e sabatu ma leng’ ni Yehova: wuthol ma wubitholo, man wuted ma wubitedo; man donge m’udong’ ceke wukan iwu agwoka cil kugweno.

Ai 20:9

Tim tic ceng’ abusiel, tim tic peri ceke;

Ai 23:12

Tim tic peri ceng’ abusiel, man iyom i ceng’ mir abirone; kara koni dhiang’ peri ku kana peri giyom, man wod bong’ peri, man umondo, gidwok cwinygi.

Ai 31:15

Jutim tic ceng’ abusiel; ento ceng’ mir abirone en e sabatu mi yom mandha, e leng’ ni Yehova; ng’atu ma tek utimo tic moko i ceng’ sabatu, jubiketho etho andha.

Ai 35:4

E Musa yero ni udul nyithindho mir Israel ceke, ewacu kumae, Maeni gin ma Yehova ng’olo, ewacu kumae,

Isaya 58:13

Tek iloko tiendi cen ku ba sabatu, ku ba timo gin ma nyayu mutoro i ii ceng’ ma leng’ para; man ilwong’ ceng’ sabatu anyong’a, man leng’ pa Yehova dwong’; man ibiyunge, m’itimo yo peri giri ngo, kadi m’inwang’u mutoro peri giri ngo, kadi m’iweco lembe peri giri ngo:

Lembe Mi Julawi 23:3

Jubitimo tic ceng’ abusiel: ento ceng’ mir abirone en e sabatu mi yom ma cu, en e cokri ma leng’; kud wutim tic moko ki: en e sabatu ni Yehova i kabedo mu ceke.