Ai 34:9 - The Holy Bible In Alur (Lur) Revised Orthography

⁹ Man ewacu kumae, Tek anwang’u bero i weng’i kawono, E Rwoth, akwei, wek Rwoth ucidh i kindwa; kum en e dhanu ma ng’utgi tek; man iwek kier mwa ku dubo mwa de woko, man ijolwa ni aba peri.

Ai 34:9 ပူးပေါင်းရင်းမြစ်များ

Zaburi 135:4

Kum Yehova goyo wi Yakobo ire gire, Man Israel ni piny pare gire.

Zaburi 25:11

Ni kum nyingi, E Yehova, Wek kier para woko, kum en e dit.

Zaburi 28:9

Bodh dhanu peri, man imi mugisa kum aba peri: Bed jakwac migi bende, man iting’gi malu rondo ku rondo.

Zaburi 33:12

Mugisa ni thek ma Mungu migi en e Yehova, Gi dhanu m’egoyo wigi ni aba pare ma dhe.

Zaburi 78:62

Emio dhanu pare bende ni palamularu, Kum kwinyo nege kum aba pare.

Zaburi 94:14

Kum Yehova bibayu dhanu pare ngo, Kadok aba pare de ebikune ngo.

Ai 19:5

Ka kumeno kawono, tek wubiworo dwanda andha, man wubiworo lembariba para, e wubibedo piny para ma dhe ku kind kodhidhanu ceke: kum ng’om ceke para:

Ai 32:9

E Yehova wacu ni Musa kumae, Aneno dhanu maeni, man, nen, en e dhanu ma ng’utgi tek:

Ai 33:12

E Musa wacu ni Yehova kumae, Nen, iwacu ira kumae, Ikel dhanu maeni malu: man fodi iketho ang’eyo ngo pi ng’atu m’ibiorowa wakude. Ento iwacu kumae, Ang’eii ku nyingi, man inwang’u bero bende i wang’a.

Ai 34:7

ng’atu ma gwoko mer mi bero ni dhanu rubanga rubanga, m’eweko kier ku gondri man dubo; m’ekwanu dubo ngo nia leng’ i yo moko, m’eketho kier mi wego wi nyithindho, man wi nyithindho mi nyithindho, wi dhanum’utuk mir adege man mir ang’wende.

Isaya 48:4

Kum ang’eyo nia in i udhuko, man ng’uti en e ler mi nyunyu, man ternyimi mola;

Yeremia 10:16

Makapiny pa Yakobo calu maeni ngo; kum en e ma kwong’a mi gin ceke; man Israel en e suru mir aba pare: nyinge Yehova mir udul.

Mika 7:18

Ng’a ma Mungu calu in, ma weko i kier woko, man ma kadhu ku wi gondri mi dong aba pare m’udong’i? ecere wi kwinyo pare nja ngo, kum anyong’a nege kum mer mi bero.

Zekaria 2:12

Man Yehova bicamu ker wi Yuda calu makapiny pare i ng’om ma leng’, man fodi ebigoyo wi Yerusalem.

Kitabu Mir Ang’wende Pa Musa Wel 14:19

Akwei, wek kier mi dhanu maeni, calku dwong’ mi mer mi bero peri, man calu iweko dubo mi dhanu maeni, ugambre i Misiri cil kawono nini.

Matayo 28:20

wuponjgi ya giwor gin ceke m’ang’olo iwu: man nen, wanuti wakudu thiri thiri, cil i kajik mi ng’om.

Poi Mi Cik 32:9

Kum makapiny pa Yehova en e dhanu pare; Yakobo en e gagi mir aba pare.

Poi Mi Cik 4:20

Ento Yehova gamuwu, man ewodhowu woko kud i uka mi nyunyu, kud i Misiri, kara wubed ire ni dhanu mir aba, calu i ceng’ ma tin.

Poi Mi Cik 9:18

E apodho piny i wang’ Yehova, calu ma kwong’a ceng’ pier ang’wen ku diewor de pier ang’wen; e acamu cam ungo kadi pi de amadhu ngo; kum dubo mu kpo ma wudubo, ku timo maeno m’ubedo rac i wang’ Mungu, kara wimyai ng’ecwiny i ie.

Poi Mi Cik 9:26

E arwo ni Yehova, man awacu kumae, E Rwoth Yehova, kud inyoth dhanu peri man aba peri m’iwaru ni kum dwong’ peri, m’iwodho kud i Misiri ku cing’ ma tek.

Poi Mi Cik 9:29

Ento gi dhanu peri man aba peri, m’iwodho ku tegoni ma dit man ku boti m’arieya.