Ai 34:7 - The Holy Bible In Alur (Lur) Revised Orthography

⁷ ng’atu ma gwoko mer mi bero ni dhanu rubanga rubanga, m’eweko kier ku gondri man dubo; m’ekwanu dubo ngo nia leng’ i yo moko, m’eketho kier mi wego wi nyithindho, man wi nyithindho mi nyithindho, wi dhanum’utuk mir adege man mir ang’wende.

Ai 34:7 ပူးပေါင်းရင်းမြစ်များ

Thangambere 19:16

Ento egalu; man dhanune gimaku cinge, ku cing’ dhaku pare, ku cing’ nyige ario, kum kisa nego Yehova i kume: man giwodhe woko, gikethe yo woko ni adhura.

1 Ubimo 8:30

Man iwinj kwac ma jatic peri kwayu, man mi dhanu peri Israel, kinde ma gibirwo yo ba ka maeni: eyo, winj i polo ma kabedo peri; man kinde m’iwinjo, wek lembe woko.

1 Ubimo 8:32

ilund iwinj i polo, man itim, man ipok lembe mi jutic peri, m’igonj ko judubo, kara udwok yo pare i wie gire, m’igony ko lembe de ma wi weg bedopwe, kara imi ire calku bedopwe pare.

2 Lemkei 30:9

Kum tek wulokru kendo ba Yehova, utumegwu ku nyithindho mu binwang’u ngisi i wang’ ju m’uterogi ni ng’eca, e gibidwogo kendo i ng’om maeni: kum Yehova Mungu mu e won bero man e won kisa, man ebiloko wang’e kud i beng’wu ngo, tek wudwogo i bang’e.

Nehemia 1:5

man awacu kumae, Akwei, E Yehova, Mungu m’i polo, Mungu ma dwong’ ma jang’oi ndiri, ma gwoko lembariba man mer mi bero ku ju m’umare m’uworo lembariba pare:

Nehemia 9:32

Ka kumeno kawono, Mungu mwa, ma dwong’, ma jatego, Mungu mi ndiri de, m’ugwoko lembariba ku mer mi bero, kud iyi can ceke nen nok i weng’i, m’uwok i kumwa, i kum ubimo mwa, i kum judongomawijo mwa, man i kum julam mwa, man i kum jubila mwa, man i kum wegwa, man i kum dhanu peri ceke, ugambre i nindo p’ubimo mir Ascur cil tin.

Kitabu Pa Yob 10:14

Tek adubo, ilund iketh weng’i i kuma, Man ibiweko kier para woko ngo.

Zaburi 103:3

M’eweko ko kier peri ceke woko; M’ekeyo ko tho peri ceke ma kwonde tung’ tung’;

Zaburi 109:14

Wek Yehova poi kum kier pa kwaru mire; Man kud iwek dubo pa min urucre woko.

Zaburi 130:4

Ento wekodubo nuti kudi, Kara julwori.

Zaburi 136:10

Ire m’egoyo Misiri kum kayu migi; Kum mer mi bero pare bedo mi nja;

Zaburi 136:15

Ento eredho Farao kud udul pare i Nam Makwar; Kum mer mi bero pare bedo mi nja:

Zaburi 25:11

Ni kum nyingi, E Yehova, Wek kier para woko, kum en e dit.

Zaburi 86:15

Ento in, E Rwoth, in i Mungu mi kisa man mi bero, Ibedo yo ni ng’ecwiny, man dit i mer mi bero ku lemandha.

Zaburi 99:8

Idwoko lembe igi, E Yehova Mungu mwa: In i Mungu m’uweko dubo migi, Kadok iculo kwor kum tim migi.

Ai 23:21

Wugwokru i wang’e, man wuwinj dwande; kud wunyai ng’ecwiny i ie; kum ebiweko kier mu ngo: kum nyinga ni i ie.

Ai 23:7

Bed bor ku lem ndra; man ju ma lembe mbe i wigi ku ju ma pwe kud ineggi: kum abigonyo lembe ma wi judubo ngo.

Ai 33:19

Man ewacu kumae, Abiketho bero para ceke kadhu i weng’i, man abiyero nying’ Yehova i weng’i; man ngisi binega kum ng’atu ma ngisi nega i kume, man abinyutho kisa ni ng’atu m’abinyutho kisa ire.

Ai 34:9

Man ewacu kumae, Tek anwang’u bero i weng’i kawono, E Rwoth, akwei, wek Rwoth ucidh i kindwa; kum en e dhanu ma ng’utgi tek; man iwek kier mwa ku dubo mwa de woko, man ijolwa ni aba peri.

Isaya 45:21

Wuyer, man wuwodhe woko; eyo, wek gipor lembe karacelo: ng’a m’unyutho maeni ugambre i nindo ma coni? ng’a m’uyero maeni ugambre coni? an ungo, Yehova? man Mungu mange mbe m’umeda, Mungu ma pwe man Jalar; ng’atu moko mbe m’umeda.

Yeremia 30:11

Kum wanuti wakudi, Yehova wacu, mi bodhi: kum abijigo wi thek ceke m’aleli i ie, ento abijigo wii ma gwei ungo; ento abiponji ku pokolembe, man abiweki ki ngo ma ponji mbe.

Yeremia 32:18

m’inyutho mer mi bero ni dhanu rubanga, man m’iculo kier mi wego i kor nyithindhgi yo ng’eigi; Mungu ma dwong’, ma Jatego, nyingi Yehova mir udul;

Yeremia 9:24

ento wek ng’atu m’ulule elule kum maeni nia, ng’eyothelembe ni kude, man eng’eyo an, nia an a Yehova m’atimo mer mi bero, ku pokolembe, man bedopwe, i ng’om: kum anyong’a nega kum gin maeni, Yehova wacu.

Daniel 9:4

Man a rwo ni Yehova Mungu para, man atimo lembatuca, awacu de kumae, A, Rwoth, Mungu ma dwong’ ma jang’oindiri, m’ugwoko lembariba man mer mi bero ku ju m’umare m’uworo lembang’ola pare de,

Daniel 9:9

Kisa ku wekodubo en e pa Rwoth Mungu mwa; kum wajai i kume;

Mika 6:11

Abibedo leng’ ku mukero mi dubo, man kud usau mi jampor mir abombi?

Mika 7:18

Ng’a ma Mungu calu in, ma weko i kier woko, man ma kadhu ku wi gondri mi dong aba pare m’udong’i? ecere wi kwinyo pare nja ngo, kum anyong’a nege kum mer mi bero.

Nahum 1:6

Ng’a ma copo cungo nyim ng’ecwiny pare? ng’a ma copo bedo i lak ng’ecwiny pare? kwinyo pare konjre woko pami mac, man cana ng’eny kude.

Matayo 12:31

Ka kumeno awacu iwu kumae, Ku ba dubo ku lembacidi ceke biwekre woko ni dhanu; ento lembacidi ma kum Tipo re biwekre ngo.

Matayo 6:12

Wek iwa banja mwa, calu wan bende waweko mi jubanja mwa.

Luka 7:42

Ka gimbe ku gin ma gicul ka wang’e, eweko igi gin ario. Ka kumeno makani ma kind juario maeni ma bimare ma sagu?

Luka 7:48

Ewacu ire kumae, Dubo peri wekre woko.

Tic Mi Jukwenda 13:38

Ka kumeno dong’ wung’ei, umego, nia ni kum ng’atuni jubeyero iwu pi ruc mi dubo:

Tic Mi Jukwenda 5:31

En Mungu dode ku cinge ma yor acwic ya ebed Jaker ku Jalar, kara emi lokocwiny ni Israel, ku ruco dubo.

Juefeso 1:7

ma wanwang’u war i ie ni kum rimbe, ni wek mi kier mwa, calku lonyo mi berone,

Juefeso 4:32

man wubed ber ng’atuman ku wadi man ku wadi, kud adunde mi ngisi, ma wuwek ko lembe m’i kumwu, ma ng’atuman uwek lembe ma kum wadi man kum wadi, cil calu Mungu bende i Kristu uweko lembe mu.

Poi Mi Cik 32:35

Kwor en e para, ku culo, I nindo ma tiendgi bikier i ie: Kum nindo mi ruvwa migi ni ceng’ni, Man gin ma bibino i wigi biwok pio.

Poi Mi Cik 7:10

man ma culo ni ju m’udage i wang’gi, kara unyothgi: ebigalu ngo ni ng’atu m’udage, ebiculo ire i wang’e.

Poi Mi Cik 7:9

Ka kumeno ng’ei nia Yehova Mungu peri, en e Mungu, Mungu mandha, ma gwoko lembariba ku mer mi bero ni ju m’umare man ma gwoko lembang’ola pare cil kum dhanum’ utuk rubanga,

Juebrania 12:29

kum Mungu mwa en e mac ma wang’u vi.

Yocuwa 24:19

Man Yocuwa wacu ni dhanune kumae, Wucopo timo ni Yehova ngo; kum en e Mungu ma leng’; en e Mungu ma janyeko; ebiweko woko kier mu kadi dubo mu de ngo.

1 Yohana 1:9

Tek watuco dubo mwa, en e mandha man pwe mi weko dubo mwa, mi lonyowa de ni gondri ceke.

Lembanyutha 20:15

Man tek ng’atu moko junwang’u nyinge kugore i kitabu mi kwo ngo, jubaye i nammac.

Lembanyutha 21:8

Ento ni julworo, ku ju ma gi juyic ungo, ku ju ma gi gin mir adegi, ku juneg nek, ku weg tarwang’, ku weg jogi, ku ju ma rwo ni ayi gin m’acwia, ku jundra ceke bende, maka migi bibedo i nam ma wang’ ku mac ku muganga bende; ma en e tho mir arionde.