Ai 34:6 - The Holy Bible In Alur (Lur) Revised Orthography

⁶ E Yehova kadhu i wang’e, man eyero kumae, Yehova, Yehova, Mungu ma won kisa ku bero, ng’atu ma bedo yo ni ng’ecwiny, man dit ku mer mi bero ku lemandha,

Ai 34:6 ပူးပေါင်းရင်းမြစ်များ

Thangambere 24:27

Man ewacu kumae, Mugisa ni Yehova, Mungu pa rwoth para ma Ibrahim, m’eweko kisa pare ngo ku lemandha pare yo ba rwoth para: an, Yehova tela i yo ba ot pa utumin rwoth para.

2 Samwil 24:14

Man Daudi wacu ni Gad kumae, Ani i lembarida ma tek: kawono wek wapodh i cing’ Yehova; kum kisa pare dit; man kud apodh i cing’ dhanu.

1 Ubimo 19:11

Man ewacu kumae, Cidhi, icung wi got de i wang’ Yehova. Man, nen, Yehova kadhu, man yamu ma dit ma tek de ung’enyo gudi, e eng’enyo cana nziki nziki i wang’ Yehova; ento Yehova ni i yamune ngo: man yo ng’ei yamu digidi; ento Yehova ni i digidine ngo;

1 Ubimo 8:30

Man iwinj kwac ma jatic peri kwayu, man mi dhanu peri Israel, kinde ma gibirwo yo ba ka maeni: eyo, winj i polo ma kabedo peri; man kinde m’iwinjo, wek lembe woko.

2 Lemkei 30:9

Kum tek wulokru kendo ba Yehova, utumegwu ku nyithindho mu binwang’u ngisi i wang’ ju m’uterogi ni ng’eca, e gibidwogo kendo i ng’om maeni: kum Yehova Mungu mu e won bero man e won kisa, man ebiloko wang’e kud i beng’wu ngo, tek wudwogo i bang’e.

Nehemia 9:17

e gikwero woro, kadok musana peri m’itimo i kindgi de giparu pire ngo, ento giciko ng’utgi, man i jai migi giketho jego kara gidok i ng’eca migi. Ento in i Mungu m’ibedo ayika mi weko dubo, m’i won, bero ku kisa, yo ni ng’ecwiny, man mer mi beroni dit, e ikunogi ngo.

Zaburi 108:4

Kum mer mi bero peri e dit ma sagu polo; Man lemandha peri tundo kum polo.

Zaburi 111:4

Eketho jupoi kum tic pare ma wang’u ijo; Yehova en e won bero ku kisa.

Zaburi 111:8

Gicungo rondo ku rondo; Jutimogi i lemandha man atira.

Zaburi 112:4

Der wok i mudho ni ju m’atira: En e won bero, man won kisa, man e pwe.

Zaburi 116:5

Yehova en e won bero, man pwe; Eyo, Mungu mwa e won kisa

Zaburi 138:2

Abirwo yo bang’ hekalu peri ma leng’, Man abifoyo nyingi kum mer mi bero peri man kum lemandha peri: Kum idodo lembe peri ma sagu nyingi ceke.

Zaburi 145:8

Yehova e won bero, man won kisa; Ng’ecwiny nege pio ngo, man e dit ku mer mi bero.

Zaburi 146:6

M’ucwio polo ku ng’om, Nam, ku gin ceke ma ni i igi de; M’ugwoko lemandha mi nja;

Zaburi 31:19

A bero peri dit mire ma, M’ikanu ni ju m’ulwori, M’itimo ni ju m’upondo i beng’i. I wang’ wot dhanu!

Zaburi 57:10

Kum mer mi bero peri e dit cil kum polo, Man lemandha peri cil kum afuru.

Zaburi 86:15

Ento in, E Rwoth, in i Mungu mi kisa man mi bero, Ibedo yo ni ng’ecwiny, man dit i mer mi bero ku lemandha.

Zaburi 86:5

Kum in, Rwoth, i ber, man ibedo ayika mi weko dubo, Man i dit i mer mi bero ni dhanu ceke m’ulwong’i.

Zaburi 91:4

Ebiumi the yuke, Man ibipondo the bombe: Lemandha pare en e ban man thungu.

Ai 20:5

kud irum piny i bang’gi, kadi kud itim igi; kum an a Yehova ma Mungu peri a Mungu ma janyeko, m’aketho dubo mi wego wi nyithindho, wi dhanum’utuk mir adege ku mir ang’wende mi ju m’udaga,

Ai 22:27

kum maeno en e jambum pare e kende, en e kendi pare mi dendkume: ebinindo i ang’o? man ebitimbre, kinde m’eywak i bang’a, nia abiwinjo; kum an a won bero.

Ai 33:19

Man ewacu kumae, Abiketho bero para ceke kadhu i weng’i, man abiyero nying’ Yehova i weng’i; man ngisi binega kum ng’atu ma ngisi nega i kume, man abinyutho kisa ni ng’atu m’abinyutho kisa ire.

Lembrieko 3:3

Bedober ku lemandha kud uweki: Dhokgi i ng’uti; Kieugi wi ban mir adundeni:

Eklizia 8:11

Kum juketho lembapoka timbre pio kum lem ma rac ungo, ka kumeno adunde wot dhanu doko tek i igi mi timo dubo.

Isaya 12:4

Man i ceng’ maeca wubiwacu kumae, Wufoi Yehova, man wulwong’ nyinge, wuyer pi giratima pare i kind kodhidhanu, wuwac nia nyinge dodre.

Isaya 65:16

ketho nia ng’atu m’umio mugisa ire gire i ng’om bimio mugisa ire gire ni kum Mungu mi lemandha; man ng’atu m’ukwong’o kwong’ i ng’om bikwong’o kwong’ ni kum Mungu mi lemandha; kum wijo wil kum can ma kwong’a, man kum gibedo apana ni wang’a.

Yeremia 32:18

m’inyutho mer mi bero ni dhanu rubanga, man m’iculo kier mi wego i kor nyithindhgi yo ng’eigi; Mungu ma dwong’, ma Jatego, nyingi Yehova mir udul;

Yeremia 9:24

ento wek ng’atu m’ulule elule kum maeni nia, ng’eyothelembe ni kude, man eng’eyo an, nia an a Yehova m’atimo mer mi bero, ku pokolembe, man bedopwe, i ng’om: kum anyong’a nega kum gin maeni, Yehova wacu.

Ywak 3:23

Gi nyen ku ba rupiny ku ba rupiny; bedo mandha peri e dit.

Yoel 2:13

man wuyec adundewu, kendi mu re ngo, man wulokru ba Yehova Mungu mu; kum en e won bero ku kisa, yo ni ng’ecwiny, man esagre i mer mi bero, man elokre ni dubo.

Yona 4:2

Man erwo ni Yehova, e ewacu kumae, Akwei, E Yehova, awacu kumeni ngo, ka fodi ani i ng’om ma thuwa? Ka kumeno atimo pio kara apiei i Tarcic; kum ang’eyo nia in i Mungu ma won bero, man ipong’ ku kisa, ibedo yo ni ng’ecwiny, man isegri i mer mi bero, iloko cwinyi de kum gin ma rac.

Mika 7:18

Ng’a ma Mungu calu in, ma weko i kier woko, man ma kadhu ku wi gondri mi dong aba pare m’udong’i? ecere wi kwinyo pare nja ngo, kum anyong’a nege kum mer mi bero.

Mika 7:20

Ibitimo lemandha ni Yakobo, man mer mi bero ni Ibrahim, m’ikwong’o ni kwaru mwa ugambre i nindo ma con.

Nahum 1:3

Yehova bedo yo ni ng’ecwiny, man dwong’ i tego, man ebiweko judubo ki ngo: Yehova bedo ku yo pare i vira man i wavuvu, man afuru gin utur mi tiende.

Kitabu Mir Ang’wende Pa Musa Wel 12:8

wabiweco wakude dhok ku dhok, cil ku lembanyutha, ku wec ma via via de ngo; man ebineno ayi Yehova: ka kumeno lworo yero lembe ma rac kum jatic para ma Musa negowu ngo?

Yohana 1:17

Kum cik umire ni kum Musa; bero ku lemandha bino ni kum Yesu Kristu.

Jurumi 2:4

Kadi icayu lonyo mi bero pare ku twiocwiny pare man mwonyolembe pare m’emwonyo hai, m’ing’eyo ko ngo nia bero Mungu unyebi kum lokocwinyi?

Poi Mi Cik 32:3

Kum abiyero nying’ Yehova: Wumi dwong’ ni Mungu mwa.

Poi Mi Cik 4:31

kum Yehova Mungu peri en e Mungu mi kisa; ebiweki ngo, kadi ebinyothi de ngo, kadi wie de biwil ungo kum lembariba pa kwaru m’ekwong’o igi.

Poi Mi Cik 5:10

m’anyutho kisa de ni dhanum’utuk rubanga ni ju m’umara man m’ugwoko cik para.

Yakobo 5:11

Nen, walwong’ogi jumugisa gi ju ma giciro cir: wudaru winjo pi twiocwiny pa Yob, man wudaru neno kajik lembe pa Rwoth, maram Rwoth e won ngisi, ku kisa bende.