Ai 34:10 - The Holy Bible In Alur (Lur) Revised Orthography

¹⁰ Man ewacu kumae, Nen, atimo lembariba: abitimo gin ma wang’u ijo i wang’ dhanu peri ceke, wadi gin ma fok’utimbre ngo i ng’om yu, kadi i thek moko; man dhanu ceke m’ini i kindgi bineno tic pa Yehova; kum en e gin ma ng’oyo ndiri m’abitimo kudi.

Ai 34:10 ပူးပေါင်းရင်းမြစ်များ

2 Samwil 7:23

Man thek m’i ng’om ma kani ma calku dhanu peri, ma calu Israel, ma Mungu cidho kara ewar ire gire ni dhanu, man kara etim ire nyinge, man kara etim gin ma dwong’ iwu, man gin ma ng’oyo ndiri ni ng’om peri, i wang’ dhanu peri, m’iwaru iri kud i Misiri, ku ba thek ku mungu migi?

Zaburi 106:22

Tic mi musana i ng’om pa Ham, Man gin ma ng’oyo ndiri ba Nam Makwar,

Zaburi 136:4

Ire e kende m’etimo musana ma dit; Kum mer mi bero pare bedo mi nja:

Zaburi 145:6

Man dhanu biweco pi tego mi tic peri ma ng’oyo ndiri; Man abiyero pi dwong’ peri.

Zaburi 147:20

Etimo kumeno ngo ni thek moko; Man pi lembapoka pare, ging’eyogi ngo. Wupak Yehova.

Zaburi 65:5

Ibiloko lembe iwa i bedopwe ku gin ma ng’oyo ndiri, E Mungu mi both mwa, In m’i genogen mi tung’ ng’om ceke, Man mi ju ma gini bor wi nam:

Zaburi 66:3

Wuwac ni Mungu kumae, Tic peri gin ung’oindiri mire ma! Ni kum tego peri ma dit judegi peri bimondo gigi i beng’i.

Zaburi 66:5

Wubin, man wunen tic pa Mungu; En e ung’oindiri i tim pare yo ba nyithi dhanu.

Zaburi 68:35

E Mungu, in i ung’oindiri kud i kamaleng’ peri: Mungu pa Israel, emio tek ku tego ni dhanu pare. Mugisa ni Mungu.

Zaburi 72:18

Mugisa ni Yehova Mungu, Mungu mir Israel, M’e kende m’etimo gin ma wang’uijo;

Zaburi 76:12

Ebikabu tipo judongomawijo woko: En e jang’oindiri ni ju m’ubimo mi ng’om.

Zaburi 77:14

In i Mungu ma timo gin ma wang’u ijo: Iketho tego peri ng’eire kind kodhidhanu.

Zaburi 78:12

Etimo gin ma wang’u ijo i wang’ kwaru migi, I ng’om Misiri, i podho mi Zoan.

Ai 34:27

E Yehova wacu ni Musa kumae, Gor lembe maeni: kum atimo lembariba kudi man kud Israel calku lembe maeni.

Ai 34:28

Man ebedo kuca karacelo ku Yehova ceng’ pier ang’wen man diewor pier ang’wen; ecamu kwen de ngo, kadok madhu pi de ngo. Man egoro lembe mi lembariba wi ban, en e lembang’ola apar.

Isaya 64:3

Kinde m’itimo gin mi ndiri ma wageno ngo, iloro piny, e gudi yengre i vuti.

Yeremia 32:21

man i wodho dhanu peri Israel kud i ng’om Misiri ku giranyutha, man ku musana, man ku cing’ ma tek, ku bot m’arieya de, man ku ndiri ma dit;

Mika 7:15

Calu i nindo mi wokwoko peri kud i ng’om Misiri abinyutho igi gin ma wang’u ijo.

Poi Mi Cik 10:21

En e pak peri, man en e Mungu peri, m’utimo iri gin maeni ma dit ma ng’oyo ndiri de, ma weng’i Aeno.

Poi Mi Cik 32:30

Ng’atu acel copo riemo rubanga nenedi, Man juario tugo rubanga apar ku ng’wec nenedi, Tek Cana migi ku ng’iewogi ngo, Man Yehova miogi ngo?

Poi Mi Cik 4:13

Man eyero iwu lembariba pare, m’eng’olo iwu ya wutim, en e lembang’ola apar; man ekiewogi wi bankidi ario.

Poi Mi Cik 9:19

Kum lworo nega kum ng’ecwiny ku kwinyo m’awu, m’unego Yehova i kumwu m’enyoth kowu. Ento Yehova winjo dwanda i nindo maeca bende.

Yocuwa 6:20

Kum kumeno dhanu giwoi, man julam gikudho agwara: e etimbre, ka dhanu giwinjo bang’ agwara, nia dhanu giwoi ku dwal ma dit, e gang’kidi podho kpe i ng’om, ketho nia dhanu giidho malu i adhura, ku ba dhanu ku ba dhanu ng’atuman atira i wang’e, e gimaku adhurane.