Ai 33:7 - The Holy Bible In Alur (Lur) Revised Orthography

⁷ Nie en e kura Musa ya egam hema man egure i ng’ei kagonjo, cen ku kagonjo; man elwong’e kumae, Hema mi cokri. Man etimbre, nia ku ba dhanu ceke m’uyenyo lembe ba Yehova ecidho woko ba hema mi cokri, ma ni i ng’ei kagonjo.

Ai 33:7 ပူးပေါင်းရင်းမြစ်များ

2 Samwil 21:1

Man ndru nuti i ceng’ pa Daudi rundi adek, rundi ku rundi; e Daudi yenyo wang’ Yehova. Man Yehova wacu kumae, En e pi Saul, man kum ot pare mi rimo, kum eketho Jugibeoni tho.

Zaburi 10:1

Nedi icungo bor cen, E Yehova? Nedi ipondo giri i nindo mi cani?

Zaburi 27:8

Kinde m’iwacu kumae, Wuyeny wa ng’a; adundena wacu iri kumae, Abiyenyo weng’i, Yehova,

Zaburi 35:22

Ineno maeni, E Yehova; kud iling’: E Yehova, kud ibed bor kuda.

Ai 18:12

Man Yethro, ma jalkwaru Musa, ugamu lam m’awang’a ku lam ni Mungu: e Harun ubino, ku judongo ceke mir Israel, kara gicam kwen karacelo ku jalkwaru Musa i wang’ Mungu.

Ai 18:7

E Musa wok woko kara eromb ku jalkwaru mire, man emm piny, e ecwio limbe de; man gipenjri ram gibedo ko; e gimondo i hema.

Ai 33:6

E nyithindho mir Israel uwodho ruko migi ugambre kum got Horeb.

Ai 33:8

Man etimbre, kinde ma Musa cidho woko ba Hema, nia dhanu ceke giai malu, man gicungo, ku ba dhanu ceke ng’atuman i dhugola mi hema pare, man eneno tok Musa, cil m’emondo ko i Hema.

Lembrieko 15:29

Yehova ni bor ku judubo; Ento ewinjo rwo pa ng’atu ma pwe.

Isaya 59:2

ento kier mu poko kindwu ku Mungu mu, man dubo mu panu wang’e iwu, ketho nia ebiwinjo ngo.

Hoseya 9:12

Kadok gitungo nyithindhgi, ento abimayugi, ketho nia ng’atu moko mbe ma bidong’; eyo, can i wigi bende kinde m’awekogi!

Poi Mi Cik 4:29

Ento ku kuca ibiyenyo Yehova Mungu peri, e ibinwang’e, kinde m’iyenye kud adundeni ceke man ku ng’eyong’ec peri ceke.

Juebrania 8:2

m’e jatim mi kamaleng’, man mi hema mandha, ma Rwoth uguro re, dhanu ngo.