Ai 33:4 - The Holy Bible In Alur (Lur) Revised Orthography

⁴ E kinde ma dhanu winjo rwonglembe ma rac maeni, giywak: man ng’atu moko mbe m’ukendo ruko pare.

Ai 33:4 ပူးပေါင်းရင်းမြစ်များ

2 Samwil 19:24

Man Mefiboceth ma wod Saul uloro piny kara eromb kud ubimo; man eronyo tiende ngo, kadi enyaru tike de ngo, kadi kendi de elwoko ngo, ugambre i ceng’ m’ubimo ai i ie cil i ceng’ m’edwogo ie pacu ma cwinye kwio.

1 Ubimo 21:27

Man etimbre, kinde ma Ahab uwinjo lembe maeni, nia eyeco kendi pare, man eke tho gonia i kume, e ekwiro cam, man evuto i gonia, man ewotho yo yo.

2 Ubimo 19:1

Man etimbre kinde m’ubimo ma Hezekia winjo maeni, nia eyeco kendi pare, man eumbre gire ku gonia, e emondo i ot pa Yehova.

Ezra 9:3

E kan awinjo gin maeni, ayeco kendi para ku kanzu para, man adoyo yukwia ku tika, e abedo piny ma cwinya ng’abre.

Kitabu Pa Yob 1:20

Yob ulund uai, e eyeco kanzu pare, man egwaru wie, e epodho piny i ng’om, man erwo;

Kitabu Pa Yob 2:12

E kinde ma giting’o wang’gi malu ku bor cen, man ging’eye ngo, giting’o dwandgi malu, e giywak; man kubang’gi kubang’gi ng’atuman uyeco kanzu pare, e gikiro utur yor i polo i wigi.

Ai 33:6

E nyithindho mir Israel uwodho ruko migi ugambre kum got Horeb.

Isaya 32:11

Kumwu miel, wu mon ma wubedo yo; dong’ cwinywu ng’abre, wu ju ma wuparu gin moko ngo; wuwany kendi mu, man wudwokru muneru, wutwi gonia de i pierwu.

Ezekiel 24:17

Gam cwinyi, ento ling’ ling’, kud itim ywak pi ng’atu m’utho; twi jamtwic peri m’i wie i wii, man iroi wara peri i tiendi man kud ium dendhogi, man kud icam kwen mi dhanu.

Ezekiel 24:23

Man jamtwic m’i wie mu bibedo i wiwu, wara mu de wi tiendwu: wubigoyo nduru ngo kadi ywak de; ento cwinywu bing’abre i kier mu, man wubicur acura man ku wadi man ku wadi.

Ezekiel 26:16

Judongomawijo ceke mi nam biloro piny ku wi komker migi, man gibiwanyu kendi migi cen, man gibiwanyu kendi migi ma juruko: gibironjri gigi ku mielkum; gibibedo wi ng’om, e kumgi bimiel ku ba kinde ma nyathigi, man igi biwang’ lii i kumi.

Hoseya 7:14

Man giywak ira ngo kud adundegi, ento gigoyo nduru wi kavuto migi: gicokri gigi pi cam ku pigulok ma nyasa; gijai ira.

Lembe Mi Julawi 10:6

E Musa wacu ni Haran, man ni Eleazar, man ni Ithamar, ma wote kumae, Kud wukab girauma mi wiwu, kadok kendi mu de kud wuyeci; kara kud wutho, man kara kwinyo kud unege kum udul ceke: ento wek utumegwu, ma ot mir Israel dho, giywag wang’uwang’ ma Yehova cwinyo.

Yona 3:6

E rwonglembene wok bang’ ubimo mi Nineve, man eai kud i komker pare, eketho kendi pare mi ker cen, man eumbre kud usuba, ebedo de i vura.

Zekaria 7:3

man kara giwec ku julam mi ot pa Yehova mir udul, man ku jubila, giwac kumae, Maku aywak i dwi mir abije, m’akoira ko gira, calu abedatimo i rundi dupa maeni?

Zekaria 7:5

Wac ni dhanu ceke m’i ng’om, man ni julam, wac kumae, Ka wuweko cam wuywak de i dwi mir abije man i dwi mir abirone, cil rundi pier abiro maeni, wukwiro cam ira pi gin moko, cil ira?

Kitabu Mir Ang’wende Pa Musa Wel 14:1

E udul ceke giting’o dwandgi malu, e giywak; e dhanu giywak i diewor maeca.

Kitabu Mir Ang’wende Pa Musa Wel 14:39

E Musa yero lembe maeni ni nyithindho mir Israel ceke: man dhanu giywak dit.

1 Samwil 6:19

Man egoyo kind dhanu m’i Beth-cemec, kum gineno i sanduk pa Yehova, e egoyo kind dhanune pier abiro, man dhanu rubanga pier abic; e dhanune giywak, kum Yehova goyo dhanune ku nek ma dit.