Ai 33:16 - The Holy Bible In Alur (Lur) Revised Orthography

¹⁶ Kum jubing’eyo ni kum ang’o nia anwang’u bero i weng’i, an ku dhanu peri? en e kum wacidho karacelo kudu ngo, ketho nia wakoira, waku dhanu peri, ni dhanu ceke ma gini i wang’ ng’omi?

Ai 33:16 ပူးပေါင်းရင်းမြစ်များ

2 Samwil 7:23

Man thek m’i ng’om ma kani ma calku dhanu peri, ma calu Israel, ma Mungu cidho kara ewar ire gire ni dhanu, man kara etim ire nyinge, man kara etim gin ma dwong’ iwu, man gin ma ng’oyo ndiri ni ng’om peri, i wang’ dhanu peri, m’iwaru iri kud i Misiri, ku ba thek ku mungu migi?

1 Ubimo 8:53

Kum ikoyogi ku kind kodhi dhanu ceke m’i ng’om, kara gibed ni aba peri, calu iyero ku dhu Musa ma jatic peri, kinde m’iwodho kwaruwa woko kud i Misiri, E Rwoth Yehova.

Zaburi 147:20

Etimo kumeno ngo ni thek moko; Man pi lembapoka pare, ging’eyogi ngo. Wupak Yehova.

Ai 34:10

Man ewacu kumae, Nen, atimo lembariba: abitimo gin ma wang’u ijo i wang’ dhanu peri ceke, wadi gin ma fok’utimbre ngo i ng’om yu, kadi i thek moko; man dhanu ceke m’ini i kindgi bineno tic pa Yehova; kum en e gin ma ng’oyo ndiri m’abitimo kudi.

Ai 34:9

Man ewacu kumae, Tek anwang’u bero i weng’i kawono, E Rwoth, akwei, wek Rwoth ucidh i kindwa; kum en e dhanu ma ng’utgi tek; man iwek kier mwa ku dubo mwa de woko, man ijolwa ni aba peri.

Ai 8:22

Man abikoyo ng’om Gocen i ceng’ maeca, ma dhanu para bedo i ie, kara udul ulwang’ni moko kud ubed kuca; kara ing’ei nia an a Yehova i die ng’om.

Lembe Mi Julawi 20:24

Ento awacu iwu kumae, Wubigamu ng’om migi ni aba, man abimie iwu kara wumwonye, en e ng’om ma molo cak ku kic: an a Yehova Mungu mu, m’ukoyowu ni kodhidhanu.

Lembe Mi Julawi 20:26

Man wubibedo leng’ ira: kum an, an a Yehova, an a leng’ man akoyowu ku kind kodhidhanu, kara wubed para.

Kitabu Mir Ang’wende Pa Musa Wel 14:14

e gibiyero maeni ni ju m’ubedo i ng’om maeni. Giwinjo nia ini Yehova ini i kind dhanu maeni; kum in i Yehova juneni wang’ ku wang’, man afuru peri cungo i wigi, man icidho i wang’gi, i mbegi mir afuru ku dieceng’, man i mbegi mi mac ku diewor.

Kitabu Mir Ang’wende Pa Musa Wel 23:9

Kum ku wi cana anene, Man ku bang’ ungulu got ang’ie: Nen, en e dhanu m’ubedo kende, Man jubikwane ngo kind thek.

Matayo 1:23

Nen, nyaku ma sumba ma ng’won bibedo ku ic, man ebinyolo nyathin ma nico, Man gibilwong’o nyinge Imanuel; thelembene, ka juloke, Mungu wakugi.

2 Jukorinto 6:17

Kum kumeno Wuai woko kud i kindgi, man wubed tung’, Rwoth uwacu, Man kud wuraul gin m’ucido; E abijolowu.

Poi Mi Cik 4:34

Kadi Mu ngu ponjo cidho man egamu ire thek kud i die thek mange, ku lem ma tek, ku giranyutha, man ku musana, ku lwiny de, man ku cing’ ma tek, ku bot m’arieya de, man ku ng’oyondiri ma dit, calku gin ceke ma Yehova Mungu mu timo iwu i Misiri i weng’wu?

Poi Mi Cik 4:7

Kum thek ma dit ma kani ma nuti m’ubedo ku mungu ma ceng’ni i bang’gi kumeni, calu Yehova Mungu mwa bedo kinde ma tek walwong’e?