Ai 33:1 - The Holy Bible In Alur (Lur) Revised Orthography

¹ Man Yehova yero ni Musa kumae, Ai, wuidh malu ku keni, in ku dhanu m’iwodho woko kud i ng’om Misiri, ba ng’om m’akwong’o ni Ibrahim, ni Isak, man ni Yakobo, m’awacu kumae, Abimie ni kodhini:

Ai 33:1 ပူးပေါင်းရင်းမြစ်များ

Thangambere 12:7

Man Yehova nyuthre ni Abram, ewacu de kumae, Abimio ng’om maeni ni nyikwei: e eguro pemblam keca ni Yehova, m’unyuthre ire.

Thangambere 15:18

I ceng’ maeca Yehova timo lembariba kud Abram, ewacu kumae, Amio ng’om maeni ni kodhini, ugambre kulo mi Misiri cik kum kulo ma dit, ma en e kulo Frati:

Thangambere 26:1

Man ndru nuti i ng’ombe, umedo ndru ma kwong’a ma nuti i ceng’ pa Ibrahim. Man Isak ucidho bang’ Abimelek m’ubimo mi Jufilisti, ba Gerar.

Thangambere 26:3

bed ni umondo i ng’om maeni, man wabibedo wakudi, man abimio mugisa iri; kum abimio iri ng’om maeni ceke, man ni nyikwei, man abiketho kwong’ m’akwong’o ni Ibrahim ma wuru ucungi;

Thangambere 28:10

E Yakobo ai Ber-ceba, man ecidho yo ba Haran.

Thangambere 50:24

E Yusuf uwacu ni utumin mire kumae, Atho: ento Mungu biliewowu andha, man ebidwokowu malu kud i ng’om maeni ba ng’om m’ekwong’o ni Ibrahim, ni Isak, man ni Yakobo.

Ai 17:3

E rieu pi nego dhanu keca; e dhanune ging’ur kum Musa, man giwacu kumae, Pirang’o iwodhowa ku i Misiri, kara inegwa ku nyithindho mwa ku lim mwa ku rieu pi?

Ai 32:1

E kinde ma dhanu neno nia Musa galu ku loro piny ku wi got, dhanu gicokri gigi karacelo ba Harun, man giwacu ire kumae, Ai, tim iwa mungu, ma bitelo wiwa; kum pi Musa maeni, ma ng’atu m’uwodhowa kud i ng’om Misiri, wang’eyo gin m’uwok i kume ngo.

Ai 32:13

Poi kum Ibrahim, kud Isak, man Israel, ma gi jutic peri, m’ikwong’o igi ku nyingi giri, man iwacu igi kumae, Abimedo kodhini ma calu cero m’i polo, man ng’om maeni ceke m’ayero pire abimio ni kodhini, man gibigame ni aba mi nja.

Ai 32:34

Man kawono cidhi, tel wi dhanu ba ka m’ayero iri: nen, malaika para bicidho i weng’i; ento i ceng’ m’aliewogi i ie, abiliewo dubo migi i wigi.

Ai 32:7

E Yehova yero ni Musa kumae, Cidhi, man ilor piny; kum dhanu peri, m’iwodho woko kud i ng’om Misiri, ginyothri gigi:

Lembe Mi Julawi 20:24

Ento awacu iwu kumae, Wubigamu ng’om migi ni aba, man abimie iwu kara wumwonye, en e ng’om ma molo cak ku kic: an a Yehova Mungu mu, m’ukoyowu ni kodhidhanu.

Kitabu Mir Ang’wende Pa Musa Wel 11:12

Abedo ku ic mi dhanu maeni ceke ani? anyologi, ketho iwacu ira kumae, Ting’gi i kori, calu wego ma japidi ting’o nyathin ma dhoth, ba ng’om m’ikwong’o ni kwarugi?

Tic Mi Jukwenda 7:36

Ng’atuni e m’utelo wigi woko, ku yo ng’ei musana ku giranyutha de m’etimo i Misiri, man i nam Makwar, kud i yamba de rundi pier ang’wen.

Poi Mi Cik 1:8

Nen, aketho ng’om i weng’wu: wumond wumwony ng’om ma Yehova kwong’o ni kwaruwu, ni Ibrahim, ni Isak, man ni Yakobo, ya emi igi man ni kodhigi yo ng’eigi.