Ai 32:9 - The Holy Bible In Alur (Lur) Revised Orthography

⁹ E Yehova wacu ni Musa kumae, Aneno dhanu maeni, man, nen, en e dhanu ma ng’utgi tek:

Ai 32:9 ပူးပေါင်းရင်းမြစ်များ

2 Ubimo 17:14

Ku maeni ceke, gikwero winjo, e gidwoko ng’utgi tek, calu ng’ut kwaru migi, m’uyio Yehova Mungu migi ngo.

2 Lemkei 30:8

Kawono kud wubed ma ng’utwu cikre, calu kwaruwu bedo; ento wumond giwu ni Yehova, man wumond i kamaleng’ pare, m’edwoke leng’ mi nja, man wutim ni Yehova Mungu mu, kara ng’ecwiny pare ma lake tek ulokre woko kud i beng’wu.

Nehemia 9:16

Ento gin ku wegwa gitimo ku kuhaya, e giciko ng’utgi, man giwinjo lembang’ola peri ngo,

Nehemia 9:17

e gikwero woro, kadok musana peri m’itimo i kindgi de giparu pire ngo, ento giciko ng’utgi, man i jai migi giketho jego kara gidok i ng’eca migi. Ento in i Mungu m’ibedo ayika mi weko dubo, m’i won, bero ku kisa, yo ni ng’ecwiny, man mer mi beroni dit, e ikunogi ngo.

Zaburi 78:8

Man ku gibed calu kwaru migi, Dhanum’utuk ma juco man jung’ai, Dhanum’utuk ma yiko adundegi ngo, Man ma cwinygi moko ngo kum Mungu.

Ai 33:3

ba ng’om ma molo cak ku kic: kum abiidho malu i dieri ngo; kum in i dhanu ma ng’uti tek; amaru jigo wii i gengi.

Ai 33:5

Man Yehova wacu ni Musa kumae, Wac ni nyithindho mir Israel kumae, Wu dhanu ma ng’utwu tek; tek aidho malu i kindi i kinde ma nyathigi, abijigo wii: ka kumeno kawono wodh ruko peri cen, kara ang’ei gin m’atim i beng’i.

Ai 34:9

Man ewacu kumae, Tek anwang’u bero i weng’i kawono, E Rwoth, akwei, wek Rwoth ucidh i kindwa; kum en e dhanu ma ng’utgi tek; man iwek kier mwa ku dubo mwa de woko, man ijolwa ni aba peri.

Lembrieko 29:1

Ng’atu ma jujuke wang’ udul man edwoko ng’ute tek Ebinyothre pio, man umbe both.

Isaya 48:4

Kum ang’eyo nia in i udhuko, man ng’uti en e ler mi nyunyu, man ternyimi mola;

Yeremia 13:27

Aneno ginmajudagu peri, en e dubri swa peri, man kok peri, en e tarwang’ mir asara peri, wi ungulu gudi i thim. Can i wii, E Yerusalem! iyeny o ngo judwoki leng’; fodi ebibedo rokani?

Hoseya 6:10

Aneno gin ma rac i ot mir Israel: asara nen keca i Efraim, e Israel ucido.

Kitabu Mir Ang’wende Pa Musa Wel 14:11

Man Yehova wacu ni Musa kumae, Dhanu maeni bicaya nindo ma rokani? man gibiyia ngo nindo ma rokani? kum giranyutha ceke m’atimo i kindgi?

Tic Mi Jukwenda 7:51

Wun ma ng’utwu cikre ma wukutimo yaa ngo kum adundewu kum ithwu de, wucero Tipo Maleng’ thiri thiri: calu ma yang’ kwaruwu gibegitimo, e wun bende wutimo kumeca.

Poi Mi Cik 10:16

Ka kumeno tim yaa kum dendkumwu mir adundewu, man kud wucik ng’utwu kendo.

Poi Mi Cik 31:27

Kum ang’eyo jai peri, ku ng’uti m’ucikre: nen, kinde ma fodi abedo kwo karacelo kudu tin, wu juco ni Yehova; e ka yo ng’ei tho para ke ebisagre kumani?

Poi Mi Cik 9:13

Man kendo Yehova yero ira, ewacu kumae, Aneno dhanu maeni, man, nen, en e dhanu ma ng’ute cikre;

Poi Mi Cik 9:6

Ka kumeno ng’ei, nia Yehova Mungu peri mio iri ng’om ma ber maeni kara imwonye ni kum bedopwe peri ngo: kum in i dhanu ma ng’uti cikre.