Ai 32:8 - The Holy Bible In Alur (Lur) Revised Orthography

⁸ gilokri cen pio kud i yo m’ang’olo igi: gitimo igi ayi nyathi dhiang’ m’atwaga, man girwo ire, gilamu lam ire de, man giwacu kumae, Maeni mungu peri, E Israel, m’uwodhi woko kud i ng’om Misiri.

Ai 32:8 ပူးပေါင်းရင်းမြစ်များ

1 Ubimo 12:28

Kum kumeno ubimo poro lembe, man etimo nyithi dhiang’ ario mi mola ma kwar; man ewacu igi kumae, Idho malu Yerusalem tek iwu: nen mungu peri, E Israel, m’ukeli malu kud i ng’om Misiri.

Nehemia 9:18

Eyo, ka gitimo igi nyathi dhiang’ m’atwaga, e giwacu kumae, Maeni mungu peri m’uwodhi kud i Misiri, man gitimo gin dupa ma nyayu ng’ecwiny;

Zaburi 106:19

Gitimo nyathi dhiang’ i Horeb, Man girwo ni ayi gin m’acwia m’athiedha.

Zaburi 78:36

Ento giyero lembe ire mit mananu ku dhoggi, Man gicwayu ire lembe ku lebgi.

Ai 20:23

Kud wutim mungu mange karacelo kuda; mungu mi mola ma tar, kadi mungu mi mola ma kwar, kud wutim iwu.

Ai 22:20

Ng’atu m’umio lam ni mungu moko, ma ku ni Mungu kende ngo, jubinyothe ma gwei.

Ai 32:4

Man egamugi kud i cing’gi, man ethiedhe ku jambuka, man etime ni ayi nyathi dhiang’ m’atwaga; e giwacu kumae, Maeni mungu peri, E Israel, m’uwodhi kud i ng’om Misiri.

Ai 34:15

imaru timo lembariba ku dhanu m’i ng’om, man gitim asara tok mungu migi, man gilam lam ni mungu migi, man ng’atu acel umaru lwong’i man icam kum lam pare:

Isaya 46:6

Wadi ju ma lalu mola ma kwar kud i usau, man ma poro mola ma tar i mukero, gigamu jabodho mi mola ma kwar ku sukulia, e etimo ni mungu; gipodho piny, eyo, girwo.

Yeremia 31:32

calku lembariba m’atimo ku kwarugi ngo i ceng’ m’agamugi ie ku cing’ kara awodhgi woko kud i ng’om Misiri; ma lembaribane gituro, kadok an a nico migi, Yehova wacu.

Lembe Mi Julawi 17:7

E gibilamu lam migi kendo ngo ni nyogi diegi, ma gicidho nitimo kudo tarwang’. Maeni bibedo ni cik mi nja igi cil kum dhanum’utuk migi ceke.

Poi Mi Cik 32:17

Gimio lam ni pajogi, ma gi Mungu ngo, Ni mungu ma ging’eyo ngo, Ni mungu ma nyen m’uwok kawono, Ma wegwu lworo ngo.

Poi Mi Cik 9:12

E Yehova wacu ira kumae, Ai, lor piny ku keni pio; kum dhanu peri m’iwodho woko kud i Misiri ginyothri gigi; gilokri cen pio kud i yo m’ang’olo igi; gitimo ayi m’acwia m’atwaga igi.

Poi Mi Cik 9:16

E aneno man, nen, wudubo ni Yehova Mungu mu; wutimo nyathi dhiang’ m’atwaga iwu: wulokru cen pio kud i yo ma Yehova ng’olo iwu.

Yocuwa 22:15

E gibino ba nyithindho pa Ruben, man ba nyithindho pa Gad, man ba ng’et suru pa Manase, i ng’om Gilead, e giyero igi, giwacu kumae,

Jupoklembe 2:17

Man kadok kumeno de giwinjo ngo ba jupoklembe migi; kum gitimo calu weg asara tok mungu mange, man girum gigi i wang’gi: gikier pio kud i yo ma kwarugi wotho i ie, ma giworo ko lembang’ola pa Yehova; ento gin gitimo kumeca ngo.

Jupoklembe 8:24

Man Gideon uwacu igi kumae, Ayenyo akwai gin moko i beng’wu, nia kubeng’wu kubeng’wu ng’atuman umi ira gwilo m’i ith mir ayeki pare. (Kum gibedo ku gwilo m’i ith mi mola ma kwar, kum gi Juicmaeli.)