Ai 32:30 - The Holy Bible In Alur (Lur) Revised Orthography

³⁰ Man etimbre urwone, nia Musa wacu ni dhanu kumae, Wudubo dubo ma dit: man kawono Fabiidho malu ba Yehova; kuno nyo abitimo adunya pi dubo mu.

Ai 32:30 ပူးပေါင်းရင်းမြစ်များ

2 Samwil 12:9

Icayu lembe pa Yehova nedi, kutimo gin maeni ma rac i wang’e? igoyo Uria ma Jahiti ku palamularu, man igamu dhaku pare ubed dhaku peri, man inege ku palamularu ku yo ba nyithindho mir Amon.

2 Samwil 16:12

Kuno nyo Yehova bineno wi rop ma jutimo i kuma, man nia Yehova bidwoko ira lembe ma ber kum lam pare m’elama ko tin.

2 Ubimo 17:21

Kum eng’enyo Israel kud i ot pa Daudi; e giketho Yeroboam ma wod Nebat ni ubimo: man Yeroboam unyebo Israel kum weko lubo Yehova, man eketho gidubo dubo ma dit.

Zaburi 99:6

Musa ku Harun i kind julam pare, Man Samwil i kind ju m’ulwong’o nyinge; Gilwong’o Yehova, man eloko lembe igi.

Ai 32:29

Man Musa wacu kumae, Wuthieru giwu tin ni Yehova, kum ku ba dhanu ng’atuman ubedo jadhu wode, man jadhu umin; kara emi mugisa iwu tin.

Amos 5:15

Wudag gin ma rac, man wumar gin ma ber, man wuketh pokolembe ma pwe i dhugang’: kuno nyo Yehova, Mungu mir udul, bitimo ku bero kum dong’ Yusuf m’udong’.

Yona 3:9

Ng’a m’ung’eyo tek Mungu bilokre ngo, biloko cwinye de, biweko lak kwinyo pare woko kara ku warwinyi?

Kitabu Mir Ang’wende Pa Musa Wel 16:47

E Harun ugamu calu Musa yero, man eringo i die cokri; man, nen, thong’om uthekre i kind dhanu: man eketho udok ma ng’wice ng’ar i wie, e etimo adunya ni dhanu.

Kitabu Mir Ang’wende Pa Musa Wel 25:13

man ebibedo ire, man ni nyikwaye yo ng’eye, lembariba mi lamu lam mi nja; kum nyeko time pi Mungu pare, man etimo adunya pi nyithindho mir Israel.

Luka 15:18

Abiai abicidho ba vwa, abiwacu ire kumae, Vwa, adubo ni polo man i weng’i de;

Luka 7:47

Kum kumeno awacu iri kumae, Dubo pare, m’ubedo dupa, uwekre woko; kum emaru dit: ento ng’atu ma juweko ire nyanok, ng’atuno maru nyanok.

Jurumi 9:3

Kum acopo yenyo ya an gira abed ma kwong’ ni i wia m’ukoya ku Kristu kum utumira, ma gi wedina calku kum:

Jugalatia 3:13

Kristu waruwa kud i kwong’ mi cik, en e m’edong’ ecopo dhu kwong’ kakawa; kum egore kumae, Kwong’ ni i wi dhanu kubang’gi kubang’gi ma julierogikoryen:

2 Timoteo 2:25

ku ponjo ju ma piwu nge kugi ku molcwiny; kuno nyo Mungu bimio igi lokocwiny cil ku ng’eyong’ec mi lemandha,

Yakobo 5:16

Ka kumeno dong’ wutuc dubo mu ng’atuman utuc ni wadi man ni wadi, man wurwo ma ng’atuman urwo pi wadi man pi wadi, kara kumwu kei. Kwac pa ng’atu ma pwe yire dit i ticne.

1 Samwil 12:17

En e palacam mi nganu tin ungo? Abilwong’o Yehova, kara eor morpolo ku koth; e wubing’eyo wubineno de nia dubo mu e dit, ma wutimo i wang’ Yehova, i penji ma wupenjo ko ubimo iwu.

1 Samwil 12:19

Man dhanune ceke giwacu ni Samwil kumae, Rwo ni Yehova Mungu peri pi jutic peri, kara ku watho; kum wamedo kum dubo mwa ceke kier maeni, ma wapenjo ko iwa ubimo.

1 Samwil 12:20

E Samwil uwacu ni dhanune kumae, Lworo kud unegwu: wutimo dubo maeni ceke andha; ento kud wulokru cen kum lubo Yehova, ento wutim ni Yehova kud adundewu ceke:

1 Samwil 12:23

Mange ke pi an, dong’ ebed bor i kuma nia adub ni Yehova kuweko rwo piwu: ento abiponjowu i yo ma ber m’atira de.

1 Samwil 2:17

E dubo mir awobi maeno ubedo dit hai i wang’ Yehova; kum dhanune gicayu lam pa Yehova.