Ai 32:21 - The Holy Bible In Alur (Lur) Revised Orthography

²¹ Man Musa wacu ni Harun kumae, Dhanu maeni gitimo ang’o iri, m’uketho ikelo dubo ma dit i wigi?

Ai 32:21 ပူးပေါင်းရင်းမြစ်များ

Thangambere 20:9

Abimelek ulund ulwong’o Ibrahim, man ewacu ire kumae, Itimo ang’o i bang’wa? man adubo ang’o iri, m’uketho ikelo dubo ma dit i wia man wi ker para? itimo gin ma maku ku jutim bang’a.

Thangambere 26:10

Man Abimelek uwacu kumae, Maeni ang’o m’itimo i bang’wa? nwang’u ng’atu moko ma kind dhanu kuno uvuto ku dhaku peri ya lembe moko mbe pire, man kuno di ikelo dubo i wiwa.

1 Ubimo 14:16

Man ebimio Israel kum dubo pa Yeroboam, m’edubo, man m’eketho Israel udubo kudo.

1 Ubimo 21:22

man abidwoko ot peri calu ot pa Yeroboam ma wod Nebat, man calu ot pa Baca ma wod Ahija kum dubo m’inyayu kudo ng’ecwiny i ia, man kum iketho Israel udubo.

Ai 32:20

Man egamu ayi nyathi dhiang’ ma gitimo, man ewang’e ku mac, erege de calu mogo, man ekonje wi pi, man eketho nyithindho mir Israel gimadhi.

Ai 32:22

Man Harun uwacu kumae, Ng’ecwiny pa rwoth para kud ubogre: ing’eyo dhanu maeni, nia giketho cwinygi kum dubo.

1 Samwil 15:14

Man Samwil uwacu kumae, Tek kumeno ywak mi rombe i itha, man ywak mi koni dhiang’ m’a winjo thelembene ang’o?

1 Samwil 26:19

Ka kumeno kawono, akwei, wek rwoth para m’ubimo winj lembe pa jatic pare. Tek en e Yehova m’unyayu lembe ii i kuma, wek ejol girathiera: ento tek en e nyithindho mi dhanu, kwong’ ubed i wigi i wang’ Yehova; kum giriema woko i ceng’ maeni kara kud amok kum aba pa Yehova, giwacu kumae, Cidhi, tim ni mungu mange.