Ai 32:20 - The Holy Bible In Alur (Lur) Revised Orthography

²⁰ Man egamu ayi nyathi dhiang’ ma gitimo, man ewang’e ku mac, erege de calu mogo, man ekonje wi pi, man eketho nyithindho mir Israel gimadhi.

Ai 32:20 ပူးပေါင်းရင်းမြစ်များ

1 Ubimo 15:13

Man Maka bende ma min mire, ekabu kud ebed ubimo ma dhaku, kum etimo ayi m’acwia ma ginmajudagu ni mungu m’araga; e Asa tong’o ayi m’acwia pare piny, man ewang’e dhu kulo Kidron.

2 Ubimo 23:15

Man ke eturo pemblam piny ma ni Beth-el, man ka ma malu ma Yeroboam ma wod Nebat, m’uketho Israel udubo, utimo, en e pemblam maeno ku ka ma malu de; e ewang’u ka ma malu man eode edoko ni utur, man ewang’u mungu m’araga.

2 Ubimo 23:6

Man ewo dho mungu m’araga woko kud i ot pa Yehova, ecidho kude ng’ei Yerusalem, ba kulo Kidron, man ewang’e dhu kulo Kidron, e eode edoko ni utur, man eoyo uturne wi liend dhanu ma sai.

2 Lemkei 34:4

Man girwombo pemblam mi Balim piny i vute; man etong’o ayi gin m’acwia mi ceng’ ma ni malu wi maeno piny; man mungu m’araga, kud ayi gin m’apaya man ayi gin m’athiedha, eturo nziki nziki, man edwokogi ni utur, e ecoye wi liel mi ju ma lamu lam igi.

Ai 32:21

Man Musa wacu ni Harun kumae, Dhanu maeni gitimo ang’o iri, m’uketho ikelo dubo ma dit i wigi?

Lembrieko 1:31

Ka kumeno gibicamu nying’ piny mi yo migi gigi. Man gibiyeng’ ku lembapora migi gigi.

Lembrieko 14:14

Ng’atu ma eoro cen ku yo i adunde bipong’ ku yo pare gire; Man ng’atu ma ber lembe birome tung’ ku en gire.

Poi Mi Cik 7:25

Ayi gin m’ang’ika mi mungu migi wuwang’ ku mac: kud iketh cwinyi kum mola ma tar kadi mola ma kwar ma ni i kumgi, kadi kud igame iri, imaru moko i ie i uwic; kum en e ginmajudagu ni Yehova Mungu peri.

Poi Mi Cik 7:5

Ento wutim kumeni i kumgi: wurung pemblam migi, man wutur mbegi migi nziki nziki, man wutong’ mungu m’araga migi piny, man wuwang’ ayi m’ang’ika migi ku mac.

Poi Mi Cik 9:21

E agamu dubo mu nyathi dhiang’ ma wutimo, man awang’e ku mac, anyone de, m’arege ko nyung’u nyung’u, maram edoko ko yom calu utur: man aoyo uturne i kulo m’umol kud i got.