Ai 32:16 - The Holy Bible In Alur (Lur) Revised Orthography

¹⁶ E bankidi en e tic pa Mungu, lembagorane de en e lembagora pa Mungu, ma jung’iko wi bande.

Ai 32:16 ပူးပေါင်းရင်းမြစ်များ

Kitabu Pa Yob 19:24

Nia jung’ikgi kum cana mi nja Ku lak kalamu mi nyunyu ku nying atum mire!

Ai 31:18

Man emio ban ario mi lembatuca ni Musa, ban mi kidi, m’ubedo agora ku lwet Mungu, kinde m’edaru weco kude wi got Sinai.

Ai 32:15

E Musa lokre, man eloro piny ku wi got, ku bankidi ario mi lembatuca i cinge; bankidi ma jugoro wi ng’ete kun ku kun; jugorogi wi ng’ete acel man wi ng’ete mucelo.

Ai 32:17

E kinde ma Yocuwa winjo dwand dhanu ka gibewoi, ewacu ni Musa kumae, Ba woi mi lwiny ni i kagonjo.

Ai 34:1

E Yehova wacu ni Musa kumae, Pai bankidi ario calu ma kwong’a: man abigoro lembe m’ukoubedo wi bankidi ma kwong’a, m’ituro.

Ai 34:4

Man epayu bankidi ario calu ma kwong’a; e Musa ai pir kugweno, man eidho malu wi got Sinai, calu Yehova ng’olo ire, man emaku bankidi ario i cinge.

2 Jukorinto 3:3

ma juketho enyuthre ya wun wu waraga pa Kristu, ni kum tim ma watimo, ma jukugoro ku vino ngo, endre ku Tipo pa Mungu ma kwo; ku ban mi kidi ngo, ento i ban ma adunde mi ring’kum.

2 Jukorinto 3:7

Ento tek timotim mi tho, ma i nyiguta, ma jutong’o i kidi, uwok ku dwong’, ketho ya nyithindho pa Israel gicopo neno wang’ Musa tel ungo ni dwong’ mi wang’e; ma dwong’ne bekadhu woko:

Poi Mi Cik 10:1

I nindo maeca Yehova wacu ira kumae, Pai bankidi ario iri Calu ma kwong’a, man iidh malu i bang’a wi got, man itim iri sanduk mi yen.

Poi Mi Cik 9:15

Kum kumeno alokra aloro piny de ku wi got, e got ubewang’ ku mac: man ban ario mi lembariba ni i cinga ario.

Juebrania 8:10

Kum maeni lembariba m’abitimo ku ot pa Israel Yo ku ng’ei ceng’ maeno, Rwoth uwacu; Abiketho cik para i pidoigi, Man abigorogi wi adundegi bende: Man abibedo igi ni Mungu, Man gibibedo ira ni dhanu: