Ai 32:14 - The Holy Bible In Alur (Lur) Revised Orthography

¹⁴ E Yehova lokre ni lem ma rac m’ewacu nia ebitimo kum dhanu pare.

Ai 32:14 ပူးပေါင်းရင်းမြစ်များ

Thangambere 6:6

Man Yehova lokre kum etimo dhanu wi ng’om, man can unege i adundene.

2 Samwil 24:16

Man kinde ma malaika rieyo cinge yo ba Yerusalem kara enyothe, Yehova lokre gire kum lem ma rac, man ewacu ni malaika m’unyotho dhanu kumae, Eromo; kawono dol cingi. Man malaika pa Yehova ni i ng’ei lelacam pa Arauna ma Jayebusi.

I Lemkei 21:15

Man Mungu oro malaika ba Yerusalem kara enyothe: e kinde m’eyenyo nyothe, Yehova neno, man elokre kum lembene ma rac, man ewacu ni malaika mi nyothone kumae, Eromo; kawono wek cingi bedi. Man malaika pa Yehova cungo ng’et lelacam pa Oman ma Jayebusi.

Zaburi 106:23

Ka kumeno ewacu nia ebinyothogi, Tek Musa m’egoyo wie kucungo i wang’e i ka m’umor ungo, Kara elok kwinyo pare cen, kara kud enyothgi.

Zaburi 106:45

Man epoi kum lembariba pare pigi, Man elokre calkud udul mer mi bero pare.

Ai 33:13

Ka kumeno kawono, akwei, tek anwang’u bero i weng’i, kawono nyuth ira yo peri, kara ang’eii, kara anwang’ bero i weng’i: man ipid pi thek maeni nia gi dhanu peri.

Yeremia 18:8

tek thek maeno, m’awacu pire, ulokre ni dubo migi, abilokra kum lem ma rac ma ia pido ya atim i kumgi.

Yeremia 26:13

Ka kumeno kawono wuyik yo mu ku giratima mu, man wuwor dwand Yehova Mungu mu; e Yehova bilokre kum lem ma rac m’eyero i kumwu.

Yeremia 26:19

Hezekia m’ubimo mi Yuda ku Yuda ceke giketho etho? elworo Yehova ngo, man ekwayu bero ba Yehova ngo, e Yehova lokre ngo kum lem ma rac m’eyero i kumgi? Tek kumeno nwang’u watimo lem ma rac dit kum ng’eyong’ec mwa giwa.

Yoel 2:13

man wuyec adundewu, kendi mu re ngo, man wulokru ba Yehova Mungu mu; kum en e won bero ku kisa, yo ni ng’ecwiny, man esagre i mer mi bero, man elokre ni dubo.

Amos 7:3

Yehova loko cwinye pi maeni kumae: Ebibedo nuti ngo, Yehova wacu.

Amos 7:6

Yehova loko cwinye pi maeni: Maeni bende bibedo nuti ngo, Rwoth Yehova wacu.

Yona 3:10

E Mungu neno tic migi, nia gilokri kud i yo migi ma rac; e Mungu loko cwinye kum gin ma rac m’ewacu ebitimo i kumgi; man etime ngo.

Yona 4:2

Man erwo ni Yehova, e ewacu kumae, Akwei, E Yehova, awacu kumeni ngo, ka fodi ani i ng’om ma thuwa? Ka kumeno atimo pio kara apiei i Tarcic; kum ang’eyo nia in i Mungu ma won bero, man ipong’ ku kisa, ibedo yo ni ng’ecwiny, man isegri i mer mi bero, iloko cwinyi de kum gin ma rac.

Kitabu Mir Ang’wende Pa Musa Wel 14:20

E Yehova wacu kumae, Aweko dubo calku lembe peri:

Poi Mi Cik 10:10

Man abedo wi got, calu nindo ma kwong’a, Ceng’ pier ang’wen ku diewor pier ang’wen; e Yehova winjo dwanda i nindo maeca bende; Yehova yenyo ngo enyothi.

Poi Mi Cik 32:26

Awacu nia abikethogi ngbir, Nia abiketho poi ma pigi ujik i kind dhanu;

Poi Mi Cik 32:36

Kum Yehova bipoko lembe mi dhanu pare, Man ebiloko cwinye gire kum jutic pare; Kinde m’eneno nia tego migi rwinyo, Man moko mbe m’udong’, ma juciko bang’e kadi ma bang’e thwolo.

Jupoklembe 2:18

Man ka Yehova ting’o igi jupoklembe, e kinde maeca Yehova bedo karacelo ku japoklembene, man ebodhogi kud i cing’ judegi migi i nindo pa japoklembene ceke: kum kisa nego Yehova kum cur migi ma gicur ko kum ju m’usendogi m’ung’abu cwinygi de.

1 Samwil 15:11

Alokra kum ating’o Saul ni ubimo; kum elokre cen kum luba, man etimo lembang’ola para ngo. Man kwinyo nego Samwil; man eywak ba Yehova diewor soro.