Ai 32:12 - The Holy Bible In Alur (Lur) Revised Orthography

¹² Pirang’o Jumisiri giyer, giwac kumae, Ewodhogi woko ni lem ma rac, kara eneggi i gudi, man kara ejig wigi kud i wang’ ng’omi? Lokri ni kwinyo peri ma lake tek, man ilokri ni lem ma rac maeni kum dhanu peri.

Ai 32:12 ပူးပေါင်းရင်းမြစ်များ

Thangambere 6:6

Man Yehova lokre kum etimo dhanu wi ng’om, man can unege i adundene.

1 Ubimo 8:51

(kum gi dhanu peri, man aba peri, m’iwodho woko kud i Misiri, kud i dier uka mi nyunyu);

Ezra 10:14

Kawono dong’ juketh judongomawijo mwa pi cokri ceke, man wek dhanu ceke ma gi ni i adhura mwa ma gigamu mon ma juwirok gibin i nindo ma jung’olo, ku judongo mir adhura ceke kubang’e kubang’e gikugi, ku jupoklembene de, cil ma kwinyo ma lake tek pa Mungu mwa ulokre woko kud i bang’wa, cil ma lembe maeni thum ko.

Zaburi 106:45

Man epoi kum lembariba pare pigi, Man elokre calkud udul mer mi bero pare.

Zaburi 74:18

Poi kum maeni, nia jadegi cayu cac, E Yehova, Man nia dhanu ma kitgi mbe gicido nyingi.

Zaburi 78:38

Ento en, ma kisa nege, eweko kier migi woko, man enyothogi ngo, Eyo, eloko ng’ecwiny pare cen nindo dupa, Man etugo kwinyo pare ceke ngo.

Zaburi 85:3

Ikabu kwinyo peri ceke woko; Ilokri giri ni lak ng’ecwiny peri.

Zaburi 90:13

Dwogi, E Yehova; rokani? Man ilok cwinyi kum jutic peri.

Ai 32:14

E Yehova lokre ni lem ma rac m’ewacu nia ebitimo kum dhanu pare.

Ai 33:13

Ka kumeno kawono, akwei, tek anwang’u bero i weng’i, kawono nyuth ira yo peri, kara ang’eii, kara anwang’ bero i weng’i: man ipid pi thek maeni nia gi dhanu peri.

Isaya 64:7

E ng’atu moko mbe m’ulwong’o nyingi, m’uting’o cwinye kara emeki; kum ipanu weng’i iwa, man idaruwa ni kum kier mwa.

Isaya 64:8

Ento kawono, E Yehova, in i Wegwa; wan wan ulobo, man in i jacwi agulu mwa; man kawa ceke wa tic m’i cingi.

Yeremia 28:16

Ka kumeno Yehova wacu kumae, Nen, abiori cen kud i wang’ ng’om: i rundi maeni ibitho, kum iyero lemjai kum Yehova.

Ezekiel 20:14

Ento atimo pi nyinga, kara kud ecidre i wang’ thek, m’awodhogi woko i wang’gi.

Ezekiel 20:22

Ento adolo cinga, man atimo pi nyinga, kara kud ecidre i wang’ thek, m’awodhogi woko i wang’gi.

Ezekiel 20:9

Ento atimo pi nyinga, kara kud ecidre i wang’ thek, ma gini i kindgi, m’ang’eira igi i wang’gi, kukelogi woko kud i ng’om Misiri.

Yoel 2:17

Wek julam, ma jutim tim pa Yehova, giywak kind pondot ku pemblam, man wek giwac kumae, Wek dhanu peri, E Yehova, man kud imi camupacu peri ni cac, kara thek ubim wigi: nedi giwac i kind kodhidhanu kumae, Mungu migi ni kani?

Amos 7:3

Yehova loko cwinye pi maeni kumae: Ebibedo nuti ngo, Yehova wacu.

Amos 7:6

Yehova loko cwinye pi maeni: Maeni bende bibedo nuti ngo, Rwoth Yehova wacu.

Yona 3:9

Ng’a m’ung’eyo tek Mungu bilokre ngo, biloko cwinye de, biweko lak kwinyo pare woko kara ku warwinyi?

Zekaria 8:14

Kum Yehova mir udul uwacu kumae: Calu ia pido nia atim rac i kumwu, ka kwaruwu nyayu kwinyo i ia, Yehova mir udul uwacu, man aloko cwinya ngo;

Kitabu Mir Ang’wende Pa Musa Wel 14:19

Akwei, wek kier mi dhanu maeni, calku dwong’ mi mer mi bero peri, man calu iweko dubo mi dhanu maeni, ugambre i Misiri cil kawono nini.

Kitabu Mir Ang’wende Pa Musa Wel 16:21

Wukoiru giwu ku kind udul maeni, kara anyothgi pio.

Poi Mi Cik 13:17

Man gin moko mbe ma bimoko i cingi mi gin ma jukwong’o; kara Yehova lokre cen ni ng’ecwiny pare ma lake tek, man enyuth iri kisa, man ngisi nege i kumi, emedi de, calu ekwong’o ni kwaru;

Poi Mi Cik 32:36

Kum Yehova bipoko lembe mi dhanu pare, Man ebiloko cwinye gire kum jutic pare; Kinde m’eneno nia tego migi rwinyo, Man moko mbe m’udong’, ma juciko bang’e kadi ma bang’e thwolo.

Poi Mi Cik 9:28

ng’om m’iwodhowa kud i ie maru wacu kumae, Kum Yehova copo terogi i ng’om m’eng’olo igi ngo, man kum edagugi, ewodhogi kara eneggi i langa.

Yocuwa 7:26

E girodo kidi ma dit i wie, cil i ceng’ ma tin; e Yehova lokre ni lak ng’ecwiny pare. Kum kumeno julwong’o nying’ kakeno kumae, poga mir Akor, cil i ceng’ ma tin.

Yocuwa 7:9

Kum Jukanani ku ju m’ubedo i ng’om ceke gibiwinjo pire, man gibitiekowa gbur man gibithumo nyingwa woko kud i ng’om: e ibitimo ang’o pi nyingi ma dwong’i?

1 Samwil 12:22

Kum Yehova biweko dhanu pare ngo kum nyinge ma dwong’, kum enyayu mutoro i Yehova ya edwokwu ni dhanu ire gire.