Ai 31:18 - The Holy Bible In Alur (Lur) Revised Orthography

¹⁸ Man emio ban ario mi lembatuca ni Musa, ban mi kidi, m’ubedo agora ku lwet Mungu, kinde m’edaru weco kude wi got Sinai.

Ai 31:18 ပူးပေါင်းရင်းမြစ်များ

2 Ubimo 11:12

Elund ewodho wod ubimo, man eketho jamkermiwic i wie, emio ire lembatuca de; e gikethe ni ubimo, man giwire; man giteng’o cing’gi, giwacu de kumae, Ubimo bed hai.

Ai 24:12

Man Yehova wacu ni Musa kumae, Idh malu i bang’a wi got, man ibed keca: man abimio iri bankidi, ku cik man lembang’ola, m’a goro, kara iponjgi.

Ai 24:18

E Musa mondo kind afuru, man eidho malu wi got: man Musa bedo wi got ceng’ pier ang’wen ku diewor pier ang’wen.

Ai 8:19

Weg ajoga lund uwacu ni Farao kumae, Maeni lwet Mungu: e adunde Farao doko nwang’, man ewinjogi ngo; calu Yehova yero.

Yeremia 31:33

Ento maeni lembariba m’abitimo ku ot mir Israel yo ng’ei ceng’ maeca, Yehova wacu: Abiketho cik para i igi, man abikiewe i adundegi; man abibedo Mungu migi, e gibibedo dhanu para.

Matayo 12:28

Ento tek awodho pajogi ku Tipo pa Mungu, meca ker pa Mungu bino i beng’wu.

Luka 11:20

Ento tek awodho pajogi woko ni kum lwet Mungu, e ker pa Mungu lund ubino i wiwu.

2 Jukorinto 3:3

ma juketho enyuthre ya wun wu waraga pa Kristu, ni kum tim ma watimo, ma jukugoro ku vino ngo, endre ku Tipo pa Mungu ma kwo; ku ban mi kidi ngo, ento i ban ma adunde mi ring’kum.

Poi Mi Cik 10:4

Man ekiewo wi bande, calku gor ma kwong’ane, lembang’ola apar, ma Yehova yero iwu wi got kud i die mac i nindo mi cokri; e Yehova miogi ira.

Poi Mi Cik 4:13

Man eyero iwu lembariba pare, m’eng’olo iwu ya wutim, en e lembang’ola apar; man ekiewogi wi bankidi ario.

Poi Mi Cik 5:22

Yehova yero lembe maeni ni cokri mu ceke wi got kud i die mac, mir afuru, man mi mudho ma bii, ku dwal ma dit: e emedo moko ngo. Man ekiewogi wi bankidi ario, e emiogi i bang’a.

Juebrania 9:4

ma ie ju pemblam mi mola ma kwar mi gin ma ng’wice ng’ar, ku sanduk mi lembariba ma jumwono mola ma kwar gbur i kume ma ie ju alibi mi mola ma kwar ma ie ju mana, man musonglo pa Harun m’uloth, man ban mi lembariba;