Ai 31:16 - The Holy Bible In Alur (Lur) Revised Orthography

¹⁶ Kum kumeno nyithindho mir Israel bikwiro ceng’ sabatu, kara giwor ceng’ sabatu i kind dhanum’utuk migi ceke, mi lembariba mi nja.

Ai 31:16 ပူးပေါင်းရင်းမြစ်များ

Thangambere 17:11

Man wubitimo yaa i ring’kum mi dendkumwu: man ebibedo giranyutha mi lembariba ma ni i kindwa wakudu.

Thangambere 9:13

aketho danyu para i afuru, man ebibedo ni giranyutha mi lembariba i kindwa ku ng’om.

Nehemia 13:15

I ceng’ maeca aneno dhanu moko m’ubenyono gin ma bio pigulok i ceng’ sabatu, man m’ukelo kumna de, m’uketho wi kana; ku pigulok, man nyingulok, man ubolo, man kwond ter ceke ma tung’ tung’ bende, ma gikelo i Yerusalem i ceng’ sabatu: man atuco wigi ceng’ ma giloko ie cam.

Ai 31:15

Jutim tic ceng’ abusiel; ento ceng’ mir abirone en e sabatu mi yom mandha, e leng’ ni Yehova; ng’atu ma tek utimo tic moko i ceng’ sabatu, jubiketho etho andha.

Ai 31:17

En e giranyutha i kindwa waku nyithindho mir Israel mi nja: kum Yehova timo polo ku ng’om i ceng’ abusiel, man i ceng’ mir abirone eyom, man edwoko cwinye.

Isaya 58:13

Tek iloko tiendi cen ku ba sabatu, ku ba timo gin ma nyayu mutoro i ii ceng’ ma leng’ para; man ilwong’ ceng’ sabatu anyong’a, man leng’ pa Yehova dwong’; man ibiyunge, m’itimo yo peri giri ngo, kadi m’inwang’u mutoro peri giri ngo, kadi m’iweco lembe peri giri ngo:

Yeremia 50:5

Gibipenjo pi Sayuni ku wang’gi ma yor i bang’e kumae, Wubin, man wuribru giwu kum Yehova i lembariba mi nja ma wijo biwil ungo pire.