Ai 3:9 - The Holy Bible In Alur (Lur) Revised Orthography

⁹ Man kawono, nen, ywak mi nyithindho mir Israel utundo i bang’a: mange ke aneno masendi ma Jumisiri sendo kogi.

Ai 3:9 ပူးပေါင်းရင်းမြစ်များ

Thangambere 16:11

Man malaika pa Yehova wacu ire kumae, Nen, ii nuti, man ibinyolo nyathin ma nico; man ibilwong’o nyinge Icmael, kum Yehova winjo masendi peri.

Thangambere 31:12

Man ewacu kumae, Ting’ weng’i malu kawono man inen: nyogi diegi ceke ma giporo udul lim kumgi cwinyo, man gin utir, man ang’ec: kum aneno gin ceke ma Laban utimo i beng’i.

2 Ubimo 13:4

Man Yehoahaz ukwayu Yehova, e Yehova winjo dwande; kum eneno masendi mir Israel, maram ubimo mi Cami usendo kogi.

2 Ubimo 20:5

Lokri, man iwac ni Hezekia ma jatelwic mi dhanu para kumae, Yehova, ma Mungu pa Daudi ma kwaru, wacu kumae, Awinjo rwo peri, aneno piweng’i: nen, abicengi; i ceng’ mir adege ibiidho malu ba ot pa Yehova.

Nehemia 9:9

Man ineno masendi pa kwaruwa i Misiri, e iwinjo ywak migi dhu Nam Makwar,

Zaburi 12:5

Kum masendi pa jacan, kum cur pa jacanpiny, Abiai kawono, Yehova wacu; Abikethe i kaboth m’eyenyo.

Zaburi 9:14

Kara anyuth pak peri ceke, I dhugang’ pa nya Sayuni Anyong’a binega i both peri.

Ai 1:11

Ka kumeno giketho juwitic i wigi kara usendgi ku ter migi. Man gigomo adhura mi kanupiny Pithom ku Ramses, ni Farao.

Ai 1:22

Man Farao ng’olo ni dhanu pare ceke, ewacu kumae, Ku ba nyithindho ma co ceke ma junyolo wubibologi i kulo, man ku ba nyithindho ma nyir ceke wubiweko gibedo kwo.

Ai 1:8

Nie ubimo ma nyen uwok wi Misiri, m’ung’eyo Yusuf ungo.

Ai 2:23

Man etimbre yo ng’ei nindo maeno dupa, nia ubimo mi Misiri tho: e nyithindho mir Israel gigamu cwinygi kum ng’eca, man giywak, man ywak migi idho malu ba Mungu ni kum ng’ecane.

Ai 2:25

E Mungu neno nyithindho mir Israel, man Mungu ng’eyogi.

Ai 3:7

Man Yehova wacu kumae, Andha aneno masendi mi dhanu para ma ni i Misiri, man awinjo ywak migi kum juwitic ma ni wigi; kum ang’eyo can migi;

Eklizia 4:1

Alund adwogo man aneno masendi ceke ma jutimo the ceng’: man, nen, piwang’ mi wadi ju ma jusendogi, man jajuk moko mbe igi; man tego nuti yo ba jusend migi; ento jajuk moko mbe igi.

Eklizia 5:8

Tek ineno send ma jusendo ko jacan, man jurop ma kabu pokolembe ku lembe ma pwe i ng’om moko, ii kud uwang’ lii kum lembene: kum ng’atu ma malu ma sagu ju ma malu eneno; man ju ma ni malu nuti ma sagu gin.

Amos 4:1

Wuwinj lembe maeni, wu dhiang’ mi Bacan, ma ni wi got mi Samaria, m’usendo jucan, m’unyono jucanpiny, m’uwacu ni rwodhigi kumae, Wukel, man wek wamadhi.

Poi Mi Cik 26:7

e way wak ba Yehova, Mungu mi kwaruwa, man Yehova winjo dwandwa, e eneno masendi mwa, ku tic ma wamula ko, ku nzero mwa;

1 Samwil 9:16

Urwo unyoni abioro ng’atu acel i beng’i kud i ng’om Benyamin, e ibiwire ebed jatelwic mi dhanu para Israel; man ebibodho dhanu para kud i cing’ Jufilisti: kum aneno wi dhanu para, kum ywak migi wok i bang’a.