Ai 3:6 - The Holy Bible In Alur (Lur) Revised Orthography

⁶ Man ke ewacu kumae, An a Mungu pa wuru, Mungu pa Ibrahim, Mungu pa Isak, man Mungu pa Yakobo. E Musa panu wang’e; kum lworo neno Mungu nege.

Ai 3:6 ပူးပေါင်းရင်းမြစ်များ

Thangambere 12:1

Nie Yehova wacu ni Abram kumae, Wodhri woko kud i ng’om ma thu, man ku ba wat peri, man kud i ot pa wuru, icidh i ng’om m’abinyutho iri:

Thangambere 12:7

Man Yehova nyuthre ni Abram, ewacu de kumae, Abimio ng’om maeni ni nyikwei: e eguro pemblam keca ni Yehova, m’unyuthre ire.

Thangambere 17:3

Man Abram upodho arieba wang’e: e Mungu weco kude, ewacu kumae,

Thangambere 24:12

Man ewacu kumae, E Yehova, Mungu pa rwoth para Ibrahim, akwei, ora awoth pio i ceng’ maeni, man inyuth bero ni rwoth para Ibrahim.

Thangambere 26:24

Man Yehova nyuthre ire i diewor nica, man ewacu kumae, An a Mungu pa Ibrahim ma wuru: lworo kud unegi, kum wanuti wakudi, man abimio mugisa iri, man abimedo kodhini ni kum Ibrahim ma jatic para.

Thangambere 28:13

Man, nen, Yehova cungo i wie, man ewacu kumae, An a Yehova, Mungu pa Ibrahim ma kwaru, man Mungu pa Isak: ng’om m’ivuto i wie, abimie iri, man ni kodhini;

Thangambere 28:17

E lworo nege, man ewacu kumae, Ka maeni en e mi lworo ma dit: maeni gin mange ngo ndhu ot pa Mungu, man maeni en e dhugang’ mi polo.

Thangambere 31:42

Tek Mungu pa vwa, Mungu pa Ibrahim, man Lworo pa Isak, kubedo kuda ngo, kuno di kawono iora mananu andha. Mungu neno can para man muli mi cinga, man ejuki i diewor ma nyaworo.

Thangambere 32:9

Man Yakobo wacu kumae, E Mungu pa kwara ma Ibrahim, man Mungu pa vwa ma Isak, E Yehova, m’iwacu ira kumae, Dok ba ng’om ma thu, man ba wat peri, man abitimi ber:

1 Ubimo 18:36

Man etimbre i nindo mi thiero girathiera mir uthieno, nia Elia ma jabila bino ceng’ni, man ewacu kumae, E Yehova, Mungu pa Ibrahim, pa Isak, man pa Israel wek jung’ei i ceng’ maeni nia in i Mungu i kind Israel, man nia an a jatic peri, man nia atimo gin maeni ceke kum lembe peri.

1 Ubimo 19:13

Man ebedo kumeno, kinde ma Elia winjo maeno, nia eumo wang’e ku kanzu pare, man ewok woko, ecimgo de i kamondo mi odng’om. Man, nen, dwal uwok i bang’e, man ewacu kumae, Itimo ang’o keni, Elia?

Nehemia 9:9

Man ineno masendi pa kwaruwa i Misiri, e iwinjo ywak migi dhu Nam Makwar,

Ester 3:4

Nie etimbre, ka giyero ire ceng’ ku ceng’, man ewinjogi ngo, nia giyero ni Haman, nineno tek lembe pa Mordekai bicungo: kum eyero igi nia en e Jayahudi.

Zaburi 132:2

Maram ekwong’o ko ni Yehova, Man eng’olo lembe ni Ng’atu Matek pa Yakobo kumae:

Ai 15:2

Yehova en e tego para ku wer para, Man edoko ni both para: Maeni Mungu para, man abipake; En e Mungu pa vwa, man abiyunge.

Ai 29:45

Man abibedo i kind nyithindho mir Israel, man abibedo Mungu migi.

Ai 3:16

Cidhi, cok judongo mir Israel karacelo, man iwac igi kumae, Yehova, Mungu pa kwaruwu, Mungu pa Ibrahim, pa Isak, man pa Yakobo, uwok i bang’a, uwacu kumae, Aliewowu andha, man aneno lembe m’utimbre i kumwu i Misiri:

Ai 33:20

Man ewacu kumae, Icopo neno wang’a ngo; kum dhanu binena ngo man ekwo.

Ai 4:5

kara giyi nia Yehova, Mungu pa kwarugi, Mungu pa Ibrahim, Mungu pa Isak man Mungu pa Yakobo, unyuthre iri.

Yeremia 24:7

Man abimio igi adunde mi ng’eyo an, nia an a Yehova: man gibibedo dhanu para, man abibedo Mungu migi; kum gibidwogo i bang’a kud adundegi ceke.

Yeremia 31:33

Ento maeni lembariba m’abitimo ku ot mir Israel yo ng’ei ceng’ maeca, Yehova wacu: Abiketho cik para i igi, man abikiewe i adundegi; man abibedo Mungu migi, e gibibedo dhanu para.

Yeremia 32:38

Man gibibedo dhanu para, man abibedo Mungu migi:

Ezekiel 11:20

kara giwoth i cik para, man giwor lembapoka para, gitimgi de: man gibibedo dhanu para, man abibedo Mungu migi.

Zekaria 8:8

man abikelogi, e gibibedo i kind Yerusalem; man gibibedo dhanu para, man abibedo Mungu migi, i lemandha man i bedopwe.

Matayo 17:6

Ka julubne giwinjo maeni, gipodho arieba wang’gi, lworo de makugi dit.

Matayo 22:32

An a Mungu pa Ibrahim, Mungu pa Isak de, man Mungu pa Yakobo? Mungu en e Mungu mi ju m’utho ngo, endre mi ju ma kwo.

Marko 12:26

Ento pi ju m’utho, ma nia gicer; fodi wusomo ngo i kitabu pa Musa, i ka m’uyere pi Yen m’udinyo, maram Mungu weco ko i bang’e, ewacu kumae, An a Mungu pa Ibrahim, man Mungu pa Isak, man Mungu pa Yakobo?

Luka 20:37

Ento nia ju m’utho cer, cil Musa enyutho, i ka Yen m’udinyo, kan elwong’o Rwoth nia Mungu pa Ibrahim, man Mungu pa Isak, man Mungu pa Yakobo.

Luka 5:8

Ento ka Simon Petro neno, epodho the cong Yesu, ewacu kumae, Koiweka, e Rwoth; kum an a jadubo.

Tic Mi Jukwenda 7:32

An a Mungu pa kwaru, Mungu pa Ibrahim, man pa Isak, man pa Yakobo. E kum Musa miel, man ebedo ku tegocwiny ungo m’enen ko.

Tic Mi Jukwenda 7:34

Aneno can mi dhanu para andha ma gini i Misiri, man awinjo ba cur migi, e aloro piny nigonyogi: kawono koibin, abiori i Misiri.

Poi Mi Cik 6:3

Ka kumeno winj, E Israel, man inen kara itime; kara ibed ber, man kara wumedru dit ku tego, calu Yehova, Mungu pa kwaru, ung’olo iri, i ng’om ma molo cak ku kic.

Juebrania 11:16

Ento kawono ava ng’om ma ber m’usagu negogi, ma en e m’i polo: kum kumeno lewic unego Mungu ngo i kumgi, ma nia julwong’e Mungu migi; kum eyiko adhura igi.

Juebrania 12:21

man giranena maeno bedo ni lworo apila kumeno, ketho Musa wacu kumae, Lworo benega apila kuma bemiel de:

Lembanyutha 1:17

E kan anene, apodho the tiende pami ng’atu m’utho. Man eketho cinge ma yor acwic i kuma, ewacu kumae, Lworo kud unegi; an a ma kwong’a ku ma cen de,

Jupoklembe 13:22

Man Manoa wacu ni dhaku pare kumae, Wabitho andha, kum waneno Mungu.