Ai 3:20 - The Holy Bible In Alur (Lur) Revised Orthography

²⁰ E abirieyo cinga, man abigoyo Misiri ku musana para ceke m’abitimo i kinde: man yo ng’ei maeno ebiweko wucidho.

Ai 3:20 ပူးပေါင်းရင်းမြစ်များ

Thangambere 15:14

man thek maeno bende, ma gibitimo igi, abipoko lembe i wigi: man yo ku ng’eye gibiwok woko ku piny ma dit.

Nehemia 9:10

man inyutho giranyutha ku musana kum Farao, man kum jutic pare ceke, man kum dhanu ceke ma ni i ng’om pare; kum ing’eyo nia gitimo ku kuhaya i kumgi, e inwang’u iri nying’, calu ebedo tin.

Zaburi 105:27

Giketho giranyutha pare i kindgi, Ku musana i ng’om pa Ham.

Zaburi 105:38

Anyong’a nego Misiri kinde ma giai; Kum lworo migi podho i wigi.

Zaburi 106:22

Tic mi musana i ng’om pa Ham, Man gin ma ng’oyo ndiri ba Nam Makwar,

Ai 11:1

E Yehova wacu ni Musa kumae, Fodi abikelo masendi acel kendo wi Farao, man wi Misiri; yo ng’eye ebiyio wuai ku kuno: kinde m’ebiyio wucidhi, ebicwaluwu wuai ku kuno andha.

Ai 12:39

E gitedo kwen m’ang’ina ma thobi mbe i ie kum kwen ma giai ko i Misiri; kum fodi thobi mbe i ie, kum jucwalugi ku i Misiri, man gicopo galu ngo, kadok cemo de giyiko ngo igi gigi.

Ai 13:3

E Musa wacu ni dhanu kumae, Wupoi kum ceng’ maeni, ma wuai ie woko kud i Misiri, kud i ot mi ng’eca; kum ku tego mi cing’ Yehova kelowu woko kud i ka maeni: kwen ma thobi ni i ie jubicamu ngo.

Ai 13:9

Man ebibedo ni giranyutha iri i cingi, man ni poi i ter nyimi, kara cik pa Yehova bed i dhogi: kum Yehova wodhi woko kud i Misiri ku cing’ ma tek.

Ai 15:11

Ng’a ma calu in i kind mungu, E Yehova? Ng’a ma calu in, ma dwong’ i leng’ne, Ma janyai ndiri i pak, m’ibetimo musana?

Ai 15:6

Cingi ma yor acwic, E Yehova, dwong’ i tego, Cingi ma yor acwic, E Yehova, ng’enyo jadegi nziki nziki.

Ai 4:21

Man Yehova wacu ni Musa kumae, Kan idok i Misiri, nen nia itim musana ceke m’aketho i cingi i wang’ Farao: ento abidwoko cwinye nwang’, e ebiweko dhanu cidho ngo.

Ai 6:1

Man Yehova wacu ni Musa kumae, Kawono ibineno gin m’abitimo kum Farao; kum ebiweko gicidho ni kum cing’ ma tek, man ebixiemogi woko kud i ng’om pare ni kum cing’ ma tek.

Ai 6:6

Kum kumeno wac ni nyithindho mir Israel kumae, An a Yehova, man abiwodhowu woko ku the ter mi Jumisiri, man abibodhowu kud i ng’eca migi, man abiwaruwu ku bot m’arieya, man ku pokolembe ma dit:

Ai 9:15

Kum kuno di i nindo maeni arieyo cinga, man agoi ku dhanu peri ku thong’om, man kuno di jukebi woko kud i ng’om:

Isaya 19:22

Man Yehova bigoyo Misiri, m’egoye ko m’ecange ko de; e gibidwogo ba Yehova, man ebiwinjo kwac migi, e ebicangugi.

Isaya 26:11

Yehova, cingi tingre malu ento gineno ngo: ento gibineno ngiri peri ma pi dhanu, e lewic bimakugi; eyo, mac bicamu jusend peri.

Ezekiel 20:33

Calu abedo kwo, Rwoth Yehova wacu, andha ku cing’ ma tek, man ku bot m’arieya, man ku kwinyo ma jukonjo, abibedo ni ubimo i wiwu.

Mika 7:15

Calu i nindo mi wokwoko peri kud i ng’om Misiri abinyutho igi gin ma wang’u ijo.

Tic Mi Jukwenda 7:36

Ng’atuni e m’utelo wigi woko, ku yo ng’ei musana ku giranyutha de m’etimo i Misiri, man i nam Makwar, kud i yamba de rundi pier ang’wen.

Poi Mi Cik 4:34

Kadi Mu ngu ponjo cidho man egamu ire thek kud i die thek mange, ku lem ma tek, ku giranyutha, man ku musana, ku lwiny de, man ku cing’ ma tek, ku bot m’arieya de, man ku ng’oyondiri ma dit, calku gin ceke ma Yehova Mungu mu timo iwu i Misiri i weng’wu?

Poi Mi Cik 6:22

man Yehova nyutho giranyutha ku musana, ma dit man ma rac, wi Misiri, man wi Farao, wi ot pare ceke de, i wang’wa;

Jupoklembe 6:8

nia Yehova oro jabila ba nyithindho mir Israel: man ewacu igi kumae, Yehova Mungu mir Israel uwacu kumae, Akelowu malu ku i Misiri, man awodhowu woko kud i ot mi ng’eca;

Jupoklembe 8:16

E egamu judongo mir adhura maeno, kud ukudho m’i yamba man mathangaru, man eponjo dhanu mi Sukoth ku maeno.