Ai 3:2 - The Holy Bible In Alur (Lur) Revised Orthography

² Man malaika pa Yehova wok i bang’e kud i lebmac ma ni i kind yen m’udinyo: man eneno, man, nen, yen m’udinyo wang’ ku mac, man yen m’udinyo rungre ngo.

Ai 3:2 ပူးပေါင်းရင်းမြစ်များ

Thangambere 21:17

E Mungu winjo dwand nyathin; man malaika pa Mungu lwong’o Hagar kud i polo, man ewacu ire kumae, Gin moko timi, Hagar? lworo kud unegi; kum Mungu winjo dwand nyathinne ku ka m’eni i ie.

Thangambere 22:11

E malaika pa Yehova lwong’e kud i polo, man ewacu kumae, Ibrahim, Ibrahim: man ewacu kumae, Anuti.

Thangambere 48:16

malaika m’uwara ni gin ma rac ceke, umi mugisa ni awia; man wek nyinga bed i wigi, man nying’ kwara ma Ibrahim kud Isak; man wek ginyai ni udul i die ng’om.

Zaburi 66:12

Iketho dhanu wotho i wiwa; Wakadhu kud i mac man kud i pi; Ento iwodhowa woko ka mi lonyo.

Ai 19:18

Man got Sinai winyo yiro, kubang’e ceke, kum Yehova loro i wie i mac; man yirone cikre malu calu yiro mi liek, man got dho miel dit.

Ai 23:20

Nen, aoro malaika i weng’i, kara ugwoki i yo, man uteri i ka m’ayiko.

Ai 24:17

Man nen mi dwong’ pa Yehova en e calu mac m’ubewang’ wi got i wang’ nyithindho mir Israel.

Ai 3:16

Cidhi, cok judongo mir Israel karacelo, man iwac igi kumae, Yehova, Mungu pa kwaruwu, Mungu pa Ibrahim, pa Isak, man pa Yakobo, uwok i bang’a, uwacu kumae, Aliewowu andha, man aneno lembe m’utimbre i kumwu i Misiri:

Isaya 43:2

Kinde m’ikadhu kud i pi, wabibedo wakudi; man kud i kulo ma dit, gibimwonyi ngo: kinde m’iwotho kud i mac, ibiwang’ ungo, kadok lebmac de biliel i kumi ngo.

Isaya 63:9

I masendi migi ceke esendre, man malaika mi wang’e bodhogi: ewarugi ni kum mer pare man kum ngisi pare; man eting’ogi, eyeyogi de i nindo ma con ceke.

Daniel 3:27

E judongo, ku jego, man jubim, ku juporlembe p’ubimo, ma gicokri karacelo, gineno dhanu maeni, nia mac tegone mbe i kumgi, kadi yukwigi de reure ngo, kadok kanzu migi de lokre ngo, kadi ng’wic mac de mulo kumgi ngo.

Zekaria 13:7

Ceu, E palamularu, kum jakwac para, man kum ng’atu ma wada, Yehova mir udul uwacu: wugoi jakwac, e rombe bilal; e abiloko cinga wi ju ma thindho.

Malaki 3:1

Nen, aoro jakwenda para, man ebiyiko yo i wang’a: man Rwoth, ma wuyenyo, ebiwok mbwang’ i hekalu pare; man jakwenda mi lembariba, ma mutoro negowu i kume, nen, ebino, Yehova mir udul uwacu.

Marko 12:26

Ento pi ju m’utho, ma nia gicer; fodi wusomo ngo i kitabu pa Musa, i ka m’uyere pi Yen m’udinyo, maram Mungu weco ko i bang’e, ewacu kumae, An a Mungu pa Ibrahim, man Mungu pa Isak, man Mungu pa Yakobo?

Luka 20:37

Ento nia ju m’utho cer, cil Musa enyutho, i ka Yen m’udinyo, kan elwong’o Rwoth nia Mungu pa Ibrahim, man Mungu pa Isak, man Mungu pa Yakobo.

Yohana 1:14

Man Lembe doko kum, ebedo de i kindwa (man waneno dwong’ne, dwong’ ma calu pa nyodo ma kulong’ pa Wego), m’epong’ ku bero ku lemandha de.

Jurumi 8:3

Kum gin ma copre ngo ni cik, kum ebedo ng’ic ni kum kum, Mungu, m’eoro Wode ma dhe i ayi kum mi dubo man pi dubo, epoko lembe rac kum dubo i kum:

Poi Mi Cik 33:16

Man pi giki ma pire tek mi ng’om ku pong’ne, Man bero pa ng’atu m’ubedo i kind yen ma thindho. Wek mugisa wok i wi Yusuf, Man i die wi ng’atu m’ukoc ku utimin mire.

Poi Mi Cik 4:20

Ento Yehova gamuwu, man ewodhowu woko kud i uka mi nyunyu, kud i Misiri, kara wubed ire ni dhanu mir aba, calu i ceng’ ma tin.

2 Jutesaloniki 1:7

e iwu, wun ma jubenyayu ruvwa i kumwu, wayom wakudu, i nyuth pa Rwoth Yesu kud i polo ku malaika mi tego pare i mac m’uliel,

Jupoklembe 13:13

Man malaika pa Yehova wacu ni Manoa kumae, Gin ceke m’ayero pire ni dhaku wek egwokre gire.