Ai 3:16 - The Holy Bible In Alur (Lur) Revised Orthography

¹⁶ Cidhi, cok judongo mir Israel karacelo, man iwac igi kumae, Yehova, Mungu pa kwaruwu, Mungu pa Ibrahim, pa Isak, man pa Yakobo, uwok i bang’a, uwacu kumae, Aliewowu andha, man aneno lembe m’utimbre i kumwu i Misiri:

Ai 3:16 ပူးပေါင်းရင်းမြစ်များ

Thangambere 1:7

Man Mungu timo apokapiny, e epoko pi ma yo ther apokapiny ku pi ma yo wi apokapiny: e ebedo kumeca.

Thangambere 21:1

Man Yehova liewo Sara calu ewacu, man Yehova timo ni Sara calu eyero.

Thangambere 28:13

Man, nen, Yehova cungo i wie, man ewacu kumae, An a Yehova, Mungu pa Ibrahim ma kwaru, man Mungu pa Isak: ng’om m’ivuto i wie, abimie iri, man ni kodhini;

Thangambere 48:15

Man emio mugisa ni Yusuf ewacu kumae, Mungu ma kwara ma Ibrahim kud Isak giwotho i wang’e, Mungu ro’umio ira cemo i bedo para ceke cil i ceng’ maeni,

Thangambere 50:24

E Yusuf uwacu ni utumin mire kumae, Atho: ento Mungu biliewowu andha, man ebidwokowu malu kud i ng’om maeni ba ng’om m’ekwong’o ni Ibrahim, ni Isak, man ni Yakobo.

Zaburi 102:21

Kara dhanu yer nying’ Yehova i Sayuni, Man pak pare i Yerusalem;

Zaburi 33:18

Nen, wang’ Yehova ni wi ju m’ulwore, Wi ju m’ugeno mer mi bero pare;

Zaburi 8:4

Dhanu en e ang’o, ma nia ipido pire? Man wod dhanu, ma nia iliewe?

Ai 1:8

Nie ubimo ma nyen uwok wi Misiri, m’ung’eyo Yusuf ungo.

Ai 13:19

Man Musa cidho ku cogo Yusuf; kum ekwong’o ni nyithindho mir Israel, ewacu kumae, Mungu biliewowu andha; man wubitero cogona ku keni karacelo kudu.

Ai 15:14

Kodhidhanu winjo, kumgi miel: Ndiri maku jubedo mi Filistia.

Ai 17:5

E Yehova wacu ni Musa kumae, Kadh i wang’ dhanu, man igam judongo mir Israel karacelo kudi; kud uluth peri, m’igoyo kudo kulo, ting’ i cingi, man icidhi.

Ai 18:12

Man Yethro, ma jalkwaru Musa, ugamu lam m’awang’a ku lam ni Mungu: e Harun ubino, ku judongo ceke mir Israel, kara gicam kwen karacelo ku jalkwaru Musa i wang’ Mungu.

Ai 2:25

E Mungu neno nyithindho mir Israel, man Mungu ng’eyogi.

Ai 24:11

Man eketho cinge wi judongo mi nyithindho mir Israel ungo: e gineno Mungu, man gicamu gimadhu de.

Ai 3:2

Man malaika pa Yehova wok i bang’e kud i lebmac ma ni i kind yen m’udinyo: man eneno, man, nen, yen m’udinyo wang’ ku mac, man yen m’udinyo rungre ngo.

Ai 3:6

Man ke ewacu kumae, An a Mungu pa wuru, Mungu pa Ibrahim, Mungu pa Isak, man Mungu pa Yakobo. E Musa panu wang’e; kum lworo neno Mungu nege.

Ai 4:1

E Musa loko lembe ewacu de kumae, Ento, nen, gibiyia ngo, kadok dwanda de gibiwinjo ngo; kum gibiwacu kumae, Yehova nyuthre iri ngo.

Ai 4:29

E Musa giku Haran gicidho man gicoko judongo mi nyithindho mir Israel ceke karacelo:

Ai 4:31

E dhanu giyio; e ka giwinjo nia Yehova liewo nyithindho mir Israel, man nia eneno masendi migi, gilund gikulo wigi e girwo.

Ai 4:5

kara giyi nia Yehova, Mungu pa kwarugi, Mungu pa Ibrahim, Mungu pa Isak man Mungu pa Yakobo, unyuthre iri.

Matayo 26:3

Julam ma dongo ku judongo mi dhanu gilund gicokri karacelo, i pondot pa jalam ma dit, ma julwong’o Kayafa;

Luka 1:68

Mugisa ni Rwoth, Mungu pa Israel; Kum eliewo dhanu pare etimo war de igi,

Luka 19:44

man gibiredhi i ng’om, ku nyithindho peri ma ni ii; man gibiweko kidi acel de ngo wi wagi ii; kum ing’eyo ngo nindo mi lieu peri.

Tic Mi Jukwenda 11:30

ma gitimo bende, gioro ba judongo ku cing’ Barnaba giku Saul.

Tic Mi Jukwenda 15:14

Simeon ugonyo iwa maram yang’ Mungu liewo ko Thekdhanumange ku kwong’a kara ewodh dhanu moko kud i kindgi pi nyinge.

Tic Mi Jukwenda 20:17

E eoro lembe kud i Mileto ucidho Efeso, ulwong’ judong kanisa ubin i bang’e.

1 Petro 2:12

ma wubedo ko ku piwu ma ber i kind Thekdhanumange; kara, i lembe ma giyero ie nyingwu calu wu judubo, giyung Mungu i ceng’ mi lieu, ni kum tic ma ber mu ma gineno.

1 Petro 5:1

Ka kumeno ajuko judongo m’i kindwu, ma an de a jadit wedwu, man jamulembe mi sendri pa Kristu, ma an bende a jarib mi dwong’ ma binyuthre:

Ruth 1:6

Elund eai ku mon wote, kara edwog kud i ng’om Moab: kum ewinjo kud i ng’om Moab maram Yehova liewo ko dhanu pare ku mio igi kwen.