Ai 3:15 - The Holy Bible In Alur (Lur) Revised Orthography

¹⁵ Man Mungu wacu ni Musa kendo kumae, Ibiwacu kumae ni nyithindho mir Israel, Yehova, Mungu pa kwaruwu, Mungu pa Ibrahim, Mungu pa Isak, man Mungu pa Yakobo, uora i beng’wu: maeni nyinga mi nja, man maeni en e lem poi para cil kum dhanum’utuk ceke.

Ai 3:15 ပူးပေါင်းရင်းမြစ်များ

Thangambere 24:12

Man ewacu kumae, E Yehova, Mungu pa rwoth para Ibrahim, akwei, ora awoth pio i ceng’ maeni, man inyuth bero ni rwoth para Ibrahim.

I Lemkei 16:16

Lembariba m’etimo kud Ibrahim, Man kwong’ pare ni Isak,

I Lemkei 29:18

E Yehova, Mungu pa Ibrahim, pa Isak, man pa Israel, ma wegwa, gwok maeni mi nja pi lembapora mi pidoie mir adunde dhanu peri, man yik adundegi i beng’i;

2 Lemkei 28:9

Ento jabila pa Yehova ni keca, ma nyinge Oded: man ewok woko kara eromb kud udul m’ubino Samaria, e ewacu igi kumae, Nen, kum Yehova, ma Mungu pa kwaruwu, kwinyo nege kum Yuda, emiogi i cingwu, e wunegogi ku kwinyo ma tundo malu i polo.

Zaburi 102:12

Ento in, E Yehova, ibibedo mi nja; Man nyingi mi poi cil kum dhanum’utuk ceke.

Zaburi 102:13

Ibiai, man kisa binegi kum Sayuni; Kum en e nindo ma ngisi negi ie kume, Eyo, nindo ma jung’olo wok.

Zaburi 135:13

Nyingi bedo mi nja, e Yehova; Nyingi mi poi, E Yehova, cil kum dhanum’utuk ceke.

Zaburi 30:4

Wuwer pak ni Yehova, E wu jumaleng’ pare, Man wufoi nyinge ma leng’ ma mi poi.

Zaburi 30:5

Kum ng’ecwiny pare en e mi nindo ma nyanok; Kwo ni i bero pare: Ywak copo bedo ku diewor, Ento anyong’a bino kugweno.

Zaburi 68:5

Mungu en e won kic, man japoklembe mi mon ma coggi tho, I kabedo pare ma leng’.

Zaburi 72:17

Nyinge bibedo mi nja; Nyinge bibedo cil ma ceng’ nuti: Man dhanu binwang’u mugisa ni kume; Thek ceke bilwong’e jamutoro.

Zaburi 72:19

Man mugisa mak nyinge mi dwong’ mi nja; Man wek ng’om ngung’ upong’ ku dwong’ pare. Amen, man Amen.

Ai 15:2

Yehova en e tego para ku wer para, Man edoko ni both para: Maeni Mungu para, man abipake; En e Mungu pa vwa, man abiyunge.

Ai 15:3

Yehova en e ng’atu mir ali: Yehova en e nyinge.

Ai 3:13

Man Musa wacu ni Mungu kumae, Nen, kinde m’abiwok ba nyithindho mir Israel, man abiwacu igi kumae, Mungu pa kwaruwu ora i beng’wu; man gibiwacu ira kumae, Nyinge ng’a? abiwacu ang’o igi?

Ai 3:6

Man ke ewacu kumae, An a Mungu pa wuru, Mungu pa Ibrahim, Mungu pa Isak, man Mungu pa Yakobo. E Musa panu wang’e; kum lworo neno Mungu nege.

Ai 4:1

E Musa loko lembe ewacu de kumae, Ento, nen, gibiyia ngo, kadok dwanda de gibiwinjo ngo; kum gibiwacu kumae, Yehova nyuthre iri ngo.

Ai 4:5

kara giyi nia Yehova, Mungu pa kwarugi, Mungu pa Ibrahim, Mungu pa Isak man Mungu pa Yakobo, unyuthre iri.

Ai 6:2

Man Mungu yero ni Musa, man ewacu ire kumae, An a Yehova:

Lembrieko 18:10

Nying’ Yehova en e ot ma tek ma wiu; Won bedopwe ringo i ie, e ebedo museme.

Isaya 26:8

Eyo, i yo mi pokolembe peri, E Yehova, wakuri; ava ng’eyong’ec mwa ni yo ba nyingi, man yo ba poi mi nyingi.

Isaya 42:8

An a Yehova, maeni nyinga; man dwong’ para abimio ni ng’atu mange ngo, kadok pak para de abimio ngo ni ayi gin m’acwia m’ang’ika.

Isaya 63:12

m’uketho bote mi dwong’ ucidho ku cing’ Musa ma yor acwici? m’upoko pi i wang’gi, kara etim ire nying’ mi nja?

Isaya 9:6

Kum nyathin unyole iwa, man nyathin ma nico mire iwa; e bim bibedo wi goke: man jubilwong’o nyinge Wang’uic, Japorlembe, Mungu ma Jatego, Wego mi Nja, Jaditmawijo mi Kwiocwiny.

Yeremia 33:2

Yehova m’utimo maeni wacu kumae, Yehova m’ung’ine kara eketh ecungi; nyinge Yehova:

Daniel 2:23

Afoi, man apeki, E in i Mungu pa kwara, m’imio ira rieko ku tego, man kawono iketho ang’eyo lembe ma wakwayu i beng’i; kum iketho wang’eyo lembe p’ubimo.

Hoseya 12:5

en e Yehova, Mungu mir udul; Yehova en e nyinge mi poi.

Hoseya 12:6

Ka kumeno lokri ba Mungu peri: gwok kisa ku lembapoka, man ikur Mungu peri thiri thiri.

Lembe Mi Julawi 24:11

e wod dhaku ma Nyarisrael ucido Nying’, man ekwong’o kwong’: e gikele ba Musa. Man nying’ min mire Celomith, ma nya Dibri, mi suru pa Dan.

Mika 4:5

Kum kodhidhanu ceke wotho kubang’gi kubang’gi man i nying’ mungu pare: man wabiwotho ku nying’ Yehova Mungu mwa rondo ku rondo.

Malaki 3:6

Kum an, an a Yehova, alokra ngo; ka kumeno wun, E wot Yakobo wunyothru ngo.

Matayo 22:32

An a Mungu pa Ibrahim, Mungu pa Isak de, man Mungu pa Yakobo? Mungu en e Mungu mi ju m’utho ngo, endre mi ju ma kwo.

Tic Mi Jukwenda 3:13

Mungu pa Ibrahim, ku pa Isak, ku pa Yakobo de, Mungu pa kwaruwa, eyungo Jatic pare Yesu; ma wumie, wukwere bende i wang’ Pilato, kan eyenyo egonye.

Tic Mi Jukwenda 7:32

An a Mungu pa kwaru, Mungu pa Ibrahim, man pa Isak, man pa Yakobo. E kum Musa miel, man ebedo ku tegocwiny ungo m’enen ko.

Poi Mi Cik 1:11

Yehova, Mungu mi kwaruwu, umedwu bang’ rubanga m’usagu kawono, man emi mugisa iwu, calu eng’olo iwu!

Poi Mi Cik 1:35

Andha ng’atu acel de mbe i kind dhanu maeni mi dhanum’utuk maeni ma rac ma bineno ng’om maeca ma ber, m’akwong’o ya ami ni kwaruwu,

Poi Mi Cik 4:1

Man kawono, E Israel, wuwinj cik man lembapoka, m’aponjo kowu, kara wutimgi; kara wubed kwo, man wumond wumwony ng’om ma Yehova, Mungu pa kwaruwu, umio iwu.

Juebrania 11:16

Ento kawono ava ng’om ma ber m’usagu negogi, ma en e m’i polo: kum kumeno lewic unego Mungu ngo i kumgi, ma nia julwong’e Mungu migi; kum eyiko adhura igi.

Juebrania 13:8

Yesu Kristu bedo calacel nyaworo ku tinuni, man rondo ku rondo de.