Ai 3:14 - The Holy Bible In Alur (Lur) Revised Orthography

¹⁴ E Mungu wacu ni Musa kumae, ANUTI KUM ANUTI: man ewacu kumae, Ibiwacu kumeni ni nyithindho mir Israel, ANUTI ora i beng’wu.

Ai 3:14 ပူးပေါင်းရင်းမြစ်များ

Kitabu Pa Yob 11:7

Icopo nwang’u gin ma thuth pa Mungu? Icopo nwang’u Jategokpo kilili?

Zaburi 68:4

Wuwer ni Mungu, wuwer pak ni nyinge: Wuyik yo ni ng’atu m’uringo kud i langa; Nyinge Yehova; man anyong’a negwu i wang’e.

Zaburi 90:2

Ma fodi juwodho got ungo, Kadi ma fodi k’icwio ng’om ku piny de ngo, Ugambre rondo ku rondo, in i Mungu.

Ai 15:3

Yehova en e ng’atu mir ali: Yehova en e nyinge.

Ai 23:21

Wugwokru i wang’e, man wuwinj dwande; kud wunyai ng’ecwiny i ie; kum ebiweko kier mu ngo: kum nyinga ni i ie.

Ai 3:13

Man Musa wacu ni Mungu kumae, Nen, kinde m’abiwok ba nyithindho mir Israel, man abiwacu igi kumae, Mungu pa kwaruwu ora i beng’wu; man gibiwacu ira kumae, Nyinge ng’a? abiwacu ang’o igi?

Ai 6:2

Man Mungu yero ni Musa, man ewacu ire kumae, An a Yehova:

Ai 6:3

man anyuthra ni Ibrahim, ni Isak, man ni Yakobo, calu Mungu ma Jategokpo; ento ang’eira igi ngo ku nyinga ma Yehova.

Isaya 42:8

An a Yehova, maeni nyinga; man dwong’ para abimio ni ng’atu mange ngo, kadok pak para de abimio ngo ni ayi gin m’acwia m’ang’ika.

Isaya 44:6

Yehova, m’Ubimo mir Israel, man Jawar pare, Yehova mir udul, uwacu kumae: An a ma kwong’a, man kajik; man Mungu moko mbe m’umeda.

Matayo 18:20

Kum ka ma juario kadi adek gicokri ie karacelo i nyinga, anuti i kindgi kakeca.

Matayo 28:20

wuponjgi ya giwor gin ceke m’ang’olo iwu: man nen, wanuti wakudu thiri thiri, cil i kajik mi ng’om.

Yohana 8:24

Ketho awacu iwu nia wubitho i dubo mu: kum tek wuyio ngo nia an a en, wubitho i dubo mu.

Yohana 8:28

Ka kumeno Yesu wacu kumae, Ka wudaru ting’o Wod dhanu malu wubilund ng’eyo nia an a en man nia atimo gin moko gira ngo, endre ayero gin maeni calu Wego ponja ko.

Yohana 8:58

Yesu wacu igi kumae, Andhandha, awacu iwu, Ku kwong’a ma fodi jukunyolo Ibrahim ungo, nwang’u anuti.

2 Jukorinto 1:20

Kum kadok lembang’ola pa Mungu gi dupa, e eyo ni i ie: kum kumeno amen bende ni i kume, ni dwong’ pa Mungu ni kumwa.

Juebrania 13:8

Yesu Kristu bedo calacel nyaworo ku tinuni, man rondo ku rondo de.

Lembanyutha 1:17

E kan anene, apodho the tiende pami ng’atu m’utho. Man eketho cinge ma yor acwic i kuma, ewacu kumae, Lworo kud unegi; an a ma kwong’a ku ma cen de,

Lembanyutha 1:4

Yohana ni kanisa abiro ma tic i Asia: Bero iwu man kwiocwiny, m’uai ba ng’atu ma tic ma yang’ de etie m’ebibino de: m’uai de ba Tipo abiro ma gini nyim komker pare;

Lembanyutha 1:8

An a Alfa kud Omega, Rwoth Mungu wacu, ng’atu ma tic ma yang’ de etie m’ebibino bende, m’e Jategokpo.

Lembanyutha 4:8

E yedi ang’wen ma kwone, ma bombgi abusiel abusiel kubang’gi nzu, wang’gi romo kumgi ceke ku yor i ie de: man kayom umbe igi dieceng’ ku diewor, ma giwacu ko kumae, Leng’, leng’, leng’, Rwoth Mungu, ma Jategokpo, ma yang’ enuti man enuti m’ebibino de.