Ai 3:12 - The Holy Bible In Alur (Lur) Revised Orthography

¹² Man ewacu kumae, Wabibedo wakudi andha; man maeni bibedo giranyutha iri, nia aori: kinde m’iwodho dhanu woko kud i Misiri, wubitimo ni Mungu wi got maeni.

Ai 3:12 ပူးပေါင်းရင်းမြစ်များ

Thangambere 15:1

Yo ng’ei gin maeni lembe pa Yehova bino bang’ Abram i ginmawokiwang’, m’uwacu kumae, Kud ilwor, Abram: an a ban peri, ku sukulia peri ma dit apila.

Thangambere 15:8

Man ewacu kumae, E Rwoth Yehova, abing’eyo nenedi nia ebibedo ira ni aba?

Thangambere 26:3

bed ni umondo i ng’om maeni, man wabibedo wakudi, man abimio mugisa iri; kum abimio iri ng’om maeni ceke, man ni nyikwei, man abiketho kwong’ m’akwong’o ni Ibrahim ma wuru ucungi;

Thangambere 31:3

Man Yehova wacu ni Yakobo kumae, Dok ba ng’om pa kwaru, man ba wat peri; e wabibedo wakudi.

2 Ubimo 19:29

Man maeni bibedo giranyutha iri: i rundi maeni wubicamu gin m’utwi kende, man i rundi mir arionde gin m’uloth i kume; e i rundi mir adege wucoi, man wukai, wupidh podho mir ulok de, man wucam nyinge.

I Lemkei 9:20

Man Finehas ma wod Eleazar en e jabim i wigi i nindo m’ukadhu, e Yehova ni kude.

Zaburi 86:17

Nyuth ira giranyutha mi bero, Kara ju m’udaga ginene, man lewic umakgi, Kum in, Yehova, ikonya, man ijuka.

Ai 18:5

Man Yethro, ma jalkwaru Musa, ubino ku wote man dhaku pare de ba Musa i langa ka m’egonjo i ie, ba got pa Mungu:

Ai 3:1

Nwang’u Musa bekwayu udul rombe pa Yethro ma jalkwaru mire, ma jalam mi Midian: man etelo wi udul rombe yo ng’ei langa, man ewok kum got pa Mungu, kum Horeb.

Ai 3:13

Man Musa wacu ni Mungu kumae, Nen, kinde m’abiwok ba nyithindho mir Israel, man abiwacu igi kumae, Mungu pa kwaruwu ora i beng’wu; man gibiwacu ira kumae, Nyinge ng’a? abiwacu ang’o igi?

Ai 33:14

Man ewacu kumae, Wang’a biwotho karacelo kudi, man abimio iri yom.

Ai 4:12

Ka kumeno kawono cidhi, man abibedo ku dhogi, e abiponji ku gin m’ibiyero.

Ai 4:15

E ibiyero ire, man ibiketho lembe i dhoge: man abibedo ku dhogi, man ku dhoge, man abiponjowu ku gin ma wubitimo.

Ai 8:27

Wabicidho mi woth mi ceng’ adek i langa, e wabilamu lam ni Yehova Mungu mwa, calu ebing’olo iwa.

Isaya 37:30

Man maeni bibedo giranyutha iri: wubicamu i rundi maeni gin m’utwi kende, man i rundi mir arionde wubicamu kanga mi rundi ma kwong’a; man i rundi mir adege wucoi, man wukai, man wupidh podho mir ulok, e wucam nyinge.

Isaya 41:10

lworo kud unegi, kum wanuti wakudi; cwinyi kud ung’abre, kum an a Mungu peri; abimio iri tego; eyo, abikonyi; eyo, abijengi ku cing’ ma yor acwic mi bedopwe para.

Isaya 43:2

Kinde m’ikadhu kud i pi, wabibedo wakudi; man kud i kulo ma dit, gibimwonyi ngo: kinde m’iwotho kud i mac, ibiwang’ ungo, kadok lebmac de biliel i kumi ngo.

Isaya 7:14

Ka kumeno Rwoth en ebimio giranyutha iwu: nen, nyaku ma ng’won bigamu ie, man ebinyolo nyathin ma nico, e jubilwong’o nyinge Imanuel.

Yeremia 1:8

Kud ilworgi; kum ani kudi mi bodhi, Yehova wacu.

Kitabu Mir Ang’wende Pa Musa Wel 16:28

E Musa wacu kumae, Ni kum maeni wubing’eyo nia Yehova ora nitimo tic maeni ceke: kum atimogi ngo ku pidoia gira.

Kitabu Mir Ang’wende Pa Musa Wel 23:21

Eneno dubo i Yakobo ngo; Kadok kier de eneno ngo i Israel: Yehova Mungu pare ni karacelo kude, Man kok mir ubimo ni i kindgi.

Matayo 28:20

wuponjgi ya giwor gin ceke m’ang’olo iwu: man nen, wanuti wakudu thiri thiri, cil i kajik mi ng’om.

Marko 16:20

E gicidho, giyero i kaka ceke, Rwoth utimo kugi, eketho tego kum lembene ku giranyutha m’ulube. Amen.

Tic Mi Jukwenda 11:21

Cing Rwoth de ni i bang’gi: e udul mi ju m’uyio gilokri ba Rwoth.

Tic Mi Jukwenda 7:7

E Mungu wacu kumae, Abipoko lembe mi thek ma gibedo ng’eca igi: e yo ng’eye gibiai woko, man gibitimo ira kakeni.

Jurumi 8:31

Wabilund yero ang’o kum gin maeni? Tek Mungu en e jabang’wa, ng’a ke ma goyo kore i kumwa?

Poi Mi Cik 31:23

Man emio km ni Yocuwa ma wod Nun, ewacu de kumae, Bed jakero man ku tegocwiny ma ber; kum ibitero nyithindho finir Israel i ng’om m’akwong’o igi: e wabibedo wakudi.

Juebrania 13:5

Bed agonya kum mer ma jumaru ko jukupiny; dong’ cwinywu cung kum wagi gin ma wubedo ko: kum en gire ewacu kumae, Abiweki ki ngo, kadok akuna de abikuni ki ngo.

Yocuwa 1:5

Ng’atu moko mbe ma bicopo cungo i weng’i i nindo ceke m’ibedo ie kwo: calu abedo ku Musa, abibedo kudi de kumeca; abirem iri ngo, kadi abikuni de ngo.

Jupoklembe 6:12

Man malaika pa Yehova wok i bang’e, man ewacu ire kumae, Yehova ni kudi, in i ng’atu ma tek ma jarukara.

Jupoklembe 6:16

Man Yehova wacu ire kumae, Wabibedo wakudi andha, man ibigoyo Jumidiani calu ng’atu acel.

Jupoklembe 6:17

Man ewacu ire kumae, Tek kawono anwang’u bero i weng’i, e dong’ inyuth ira giranyutha nia en e in m’uweco kuda.

Jupoklembe 6:21

Malaika pa Rwoth ulund urieyo ther uluth ma ni i cinge, emulo ko ring’o ku kwen ma thobi mbe i ie; e mac uai kud i cana, man ewang’u ring’o ku kwen ma thobi mbe i ie; e malaika pa Yehova ai woko kud i wang’e.

Jupoklembe 7:11

e ibiwinjo gin ma giwacu; man yo ng’eye cingi binwang’u tego m’ilor ko piny ba gonjone. Elund eloro piny ku Pura ma jatic pare ba kajik mi dhanu ma weg jamtho ma ni i gonjone.

1 Samwil 14:10

Ento tek giwacu kumae, Wuidh malu i bang’wa; wabilund idho malu; kum Yehova miogi i cingwa: man maeni bibedo giranyutha iwa.