Ai 3:11 - The Holy Bible In Alur (Lur) Revised Orthography

¹¹ Man Musa wacu ni Mungu kumae, An a ng’a, ma nia acidh ba Farao, man nia awodh nyithindho mir Israel kud i Misiri?

Ai 3:11 ပူးပေါင်းရင်းမြစ်များ

2 Samwil 7:18

Daudi m’ubimo ulund umondo, man ebedo i wang’ Yehova; man ewacu kumae, An a ng’a, E Rwoth Yehova, man ot para en e ang’o, ma nia ikela cil keni?

1 Ubimo 3:7

Man kawono, E Yehova Mungu para, iketho jatic peri ni ubimo kaka Daudi ma vwa: e fodi a nyathin ma nok; ang’eyo ngo maram acidh ko woko kadi mondo de.

1 Ubimo 3:9

Ka kumeno mi adunde mi ng’eyong’ec ni jatic peri m’epok ko lembe wi dhanu peri, kara ang’i kind gin ma ber ku gin ma rac; kum ng’a ma copo poko lembe mi dhanu peri maeni ma diti?

I Lemkei 29:14

Ento an a ng’a, man dhanu para en e ang’o, ma nia wacopo thiero ku wagi berocwiny ma kumeni? kum gin ceke ai i beng’i, man wamio iri kum gin ma peri giri.

Ai 6:12

E Musa yero i wang’ Yehova, ewacu kumae, Nen, nyithindho mir Israel giwinjo dwanda ngo; e ka Farao ke biwinja nenedi, an ma yaa mbe i dendhoga?

Yeremia 1:6

Alund awacu kumae, A, Rwoth Yehova! nen, ang’eyo ngo maram awec ko; kum an a nyathin.

2 Jukorinto 2:16

ni acel mido m’uai ba tho tundo de ba tho; ni mange ke mido m’uai i kwo tundo de i kwo. Ng’a ke m’uromo ni gin maeni?

2 Jukorinto 3:5

ya wan waromo giwa wan ungo, ma nia wapor gin moko calu eai i bang’wa wan: endre rom mwa ma waromo kudo ai ba Mungu;

Jupoklembe 6:15

Man ewacu ire kumae, Ei, Rwoth, abibodho Israel kud ang’o? nen, wat para gi jucan m’usagu i Manase, an de a nok m’usagu i ot pa vwa.

1 Samwil 18:18

Man Daudi wacu ni Saul kumae, An a ng’a, man kwo para en e ang’o, kadi wat pa vwa i Israel, ma nia abed jalwod ubimo?