Ai 28:41 - The Holy Bible In Alur (Lur) Revised Orthography

⁴¹ Man ikethgi i kum Harun m’umeru, man kum wote karacelo kude, man iwirgi, man ithiergi, idwokgi leng’ de, kara gitim ira i tic ma pa jalam.

Ai 28:41 ပူးပေါင်းရင်းမြစ်များ

Ai 28:1

Man igam Harun m’umeru bin ceng’ni in, man wote karacelo kude, kud i kind nyithindho mir Israel, kara etim ira i tic ma pa jalam, en e Harun, ku Nadab man Abihu, ku Eleazar man Ithamar, ma wot Harun.

Ai 28:4

Man maeni kendi ma gibitimo: jambkor, kud ugoke, ku kendi ma lot, ku kanzu mi tic ma cuku cuku, man jambtwic mi wie, ku thondhpier: man gibitimo kendi ma leng’ ni Harun m’umeru, man wote, kara etim ira i tic ma pa jalam.

Ai 29:24

man iketh ceke i cing’ Harun, man i cing’ wote, man iwirgi ni lam m’awira i wang’ Yehova.

Ai 29:35

Man itim kumeni kum Harun, man kum wote, calku lembe ceke m’ang’olo iri: ithiergi ceng’ abiro.

Ai 29:7

Ilund igam mo mir awira, man ikonje i wie, man iwire.

Ai 29:9

Man itwi thondhpier i kumgi, en e Harun ku wote, man itwi jambwic i wigi: man tic mi lamulam bibedo migi ku cik mi nja: man ithier Harun ku wote.

Ai 30:35

man itim udok ma ng’wice ng’ar kude, gin ma ng’wice ng’ar calku rieko pa jabodho, mi gin ma ng’wice ng’ar, ma juketho kadu rome, ma ie leng’ man ma leng’:

Ai 40:13

Man iketh kendi ma leng’ kum Harun; e iwire ku mo, man idwoke leng’, kara etim tim ira i tic ma pa jalam.

Ai 40:15

man iwirgi ku mo, calu iwiro weggi, kara gitim tim ira i tic ma pa jalam: man wir migi bibedo igi ni lamulam mi nja i kind dhanum’utuk migi ceke.

Isaya 10:27

Man ebitimbre i ceng’ maeca, nia ter pare biai ku wi goki, man mberembere pare kud i ng’uti, man mberemberene binyothre ni kum mio.

Isaya 61:1

Tipo pa Rwoth Yehova ni i wia; kum Yehova wira kara ayer rwonglembe ma ber ni ju ma mol; eora kara acang cwiny ju m’utur, kara ayer pi gony ni ng’eca, man pi yabu dhu kol ni ju ma jutwio;

Ezekiel 43:26

Gibitimo adunya mi ceng’ abiro pi pemblam man gibidwoke leng’; e gibithiere kumeni.

Lembe Mi Julawi 10:7

Man kud wuwok woko ku i dhugola mi hema mi cokri, wumaru tho; kum mo m’awira pa Yehova ni i kumwu. E gitimo calku lembe pa Musa.

Lembe Mi Julawi 16:24

man ebijomo kume ku pi i kamaleng’, e ebironyo kendi pare, man ebiwok woko, man ebithiero lam m’awang’a pare ku lam m’awang’a mi dhanu, man ebitimo adunya pire gire man pi dhanu.

Kitabu Mir Ang’wende Pa Musa Wel 16:5

man eyero ni Kora man ni njuru dhanune ceke, ewacu kumae, Kugweno Yehova binyutho ng’atu ma pare, man ng’atu ma leng’, man ebiketho ebino ceng’ni en: en e ng’atu m’egoyo wie m’ebiketho ebino ceng’ni en.

Kitabu Mir Ang’wende Pa Musa Wel 3:3

Maeni gi nying’ wot Harun, gi julam ma juwiro, m’ethiero kara utim i tic pa jalam.

Yohana 3:34

Kum ng’atu ma Mungu oro yero lembe pa Mungu: kum Mungu mio Tipo pa Mungu: kum Mungu mio Tipo ku mukero ngo.

Juebrania 5:4

Man ng’atu moko mbe m’ugamu yung maeni ire gire, ento kan elwongre ni kum Mungu, cil calu Harun.

Juebrania 7:28

Kum cik ketho dhanu gibed julam ma dongo ma gi ng’ic; ento lembe mi kwong’ m’uwok yo ng’ei cik, eketho Wod, ma judwoke cu ma ndhu mi nja.

1 Yohana 2:20

Man wubedo ku wir m’uai ba Ng’atu Maleng’, e wung’eyo gin ceke.

1 Yohana 2:27

Ento wun re, wir ma wujolo i bang’e bedo i iwu, man can ponji ma nia ng’atu moko ponj kowu negowu ngo; ento calu wir pare ponjowu pi gin ceke, man en e andha, en e ndra de ngo, man cil calu eponjowu, wubed i ie.