Ai 28:3 - The Holy Bible In Alur (Lur) Revised Orthography

³ Man iyer ni dhanu ceke m’adundegi riek, m’apong’ogi ku tipo mi rieko, ya gitim kendi pa Harun kara udwoke leng’, kara etim ira i tic ma pa jalam.

Ai 28:3 ပူးပေါင်းရင်းမြစ်များ

1 Ubimo 7:14

En e wod dhaku ma cware tho mi suru pa Naftali, man won mire en e dhanu mi Turo, e jabodho mi mola; man epong’ ku rieko man ng’eyong’ec ku riu, m’etimo ko tic ceke mi mola. Man ebino bang’ ubimo ma Suleman, man etimo tic pare ceke.

Ai 35:10

Man wek ku ba dhanu ceke m’i kindwu ma adundene riek ubin, man etim gin ceke ma Yehova ng’olo:

Ai 35:25

E mon ceke m’adundegi riek gicwio ku cing’gi, man gikelo gin ma gicwio, gin m’ulweku, ku m’uluga, man ma kwar ngbo, ku bongu ma nwang’ ma ber.

Ai 35:30

E Musa wacu ni nyithindho mir Israel kumae, Nen, Yehova lwong’o Bezalel ku nyinge, ma wod Uri, ma wod Hur, mi suru pa Yuda;

Ai 35:31

man epong’e ku Tipo pa Mungu, ku rieko, ku ng’eyothelembe, ku ng’eyong’ec, man tic mi bodho ma kwonde tung’ tung’ ceke;

Ai 35:35

Epong’o joni ku rieko mir adunde, kara gitim tic mi bodho ma kwonde tung’ tung’, mi ng’iko, man pa jabodho ma riek, man pa jakwoc mi ruko, i gin m’ulweku, man i m’uluga, i ma kwar ngbo de, man i bongu ma nwang’ ma ber, man pa jacwibongu, en e mi ju m’utimo tic mi bodho moko, man mi ju ma paru tic mi rieko.

Ai 36:1

Man Bezalel giku Aholiab gibitimo tic, man ku ba dhanu ceke ma adundegi riek, ma Yehova ketho rieko ku ng’eyothelembe i ie maram etim ko tic ceke mi timotim mi kamaleng’, calku gin ceke ma Yehova ng’olo.

Ai 36:2

Man Musa Lwong’o Bezalel giku Aholiab, man ku ba dhanu ceke ma adundene riek, ma Yehova ketho rieko i adundene, en e ku ba dhanu ceke ma cwinye ting’e ya ecidh etim tije:

Lembrieko 2:6

Kum Yehova mio rieko; Ng’eyong’ec ku ng’eyothelembe ai kud i dhoge:

Isaya 11:2

Man Tipo pa Yehova bibedo i wie, tipo mi rieko man ng’eyong’ec, tipo mi lembapora ku tego, tipo mi ng’eyong’ec man mi lworo pa Yehova.

Juefeso 1:17

kara Mungu pa Rwoth mwa Yesu Kristu, ma Wego mi dwong’, umi iwu tipo mi rieko ku nyuth mi ng’ec ma jung’eye ko;

Poi Mi Cik 34:9

Man Yocuwa ma wod Nun upong’ ku tipo mi rieko; kum Musa ketho cinge i wie: man nyithindho mir Israel uwinjo dwande, man gitimo calu Yehova ng’olo ni Musa.

Yakobo 1:17

Giramia ceke ma ber kubang’gi kubang’gi man giramia ceke ma ndhu cu kubang’gi kubang’gi, uai malu, uloro piny ku ba Wego mi der, ma lokri rr umbe kude, kadok tipopiny ma podho kum lokri rr.