Ai 27:21 - The Holy Bible In Alur (Lur) Revised Orthography

²¹ I hema mi cokri, yo woko mi kusikabongu ma ni i wang’ lembatuca, Harun giku wote gibiyike gambre uthieno cil kugweno i wang’ Yehova: ebibedo ni cik mi nja i kind dhanum’utuk migi pi nyithindho mir Israel.

Ai 27:21 ပူးပေါင်းရင်းမြစ်များ

Thangambere 1:5

Man Mungu lwong’o der Ceng’, e mudho elwong’o Diewor. Man uthieno nuti kugweno de nuti, ceng’ acel.

Thangambere 1:8

Man Mungu lwong’o apokapiny Polo. Man uthieno nuti kugweno de nuti, ceng’ mir arionde.

2 Lemkei 13:11

man giwang’u lam m’awang’a kud udok ma ng’wice ng’ar ni Yehova ku ba kugweno man ku bang’ uthieno: kwen m’anyutha bende giketho kakare wi mesa ma leng’; man thethala mi mola ma kwar ku thalane de, kara uliel ku bang’ uthieno ceke: kum waworo lembang’ola pa Yehova Mungu mwa; ento wun wuweke.

Zaburi 134:1

Nen, wumi mugisa ni Yehova, wu jutic ceke pa Yehova, M’ucungo i ot pa Yehova ku diewor.

Ai 12:14

Man ceng’ maeca bibedo iwu ni poi, man wubikwire ni agba ni Yehova: cil kum dhanum’utuk mu wubikwire ni agba ku lembapoka mi nja.

Ai 16:34

E Harun ukane kumeca i wang’ Lembatuca, calu Yehova ng’olo ni Musa, kara jugwoke.

Ai 25:16

Man iketh lembatuca m’abimio iri i sandukne.

Ai 28:43

man gibibedo kum Harun, man kum wote, kinde ma gimondo i hema mi cokri, kadi kinde ma gicoro ceng’ni ba pemblam kara gitim giratima i kamaleng’; kara ku giyei kier, man githo: ebibedo ni cik mi nja ire man ni kodhine yo ng’eye.

Ai 29:28

man ebibedo ni Harun ku wote ni makapiny migi mi nja ku ba nyithindho mir Israel; kum en e lam m’ating’a: man ebibedo ni lam m’ating’a ku ba nyithindho mir Israel mi lam migi mi kwiocwiny, en e lam m’ating’a migi ni Yehova.

Ai 29:42

Ebibedo ni lam m’awang’a ma thiri thiri i kind dhanum’utuk mu i dhugola mi hema mi cokri i wang’ Yehova, ka ma wabirombo ie wakudu, kara wawec keca wakudi.

Ai 29:44

Man abidwoko hema mi cokri leng’, ku pemblam: abidwoko Harun bende leng’ ku wote, kara gitim tim ira i tic ma pa jalam.

Ai 30:21

Kum kumeno gibilwoko cing’gi ku tiendgi, kara ku githo: man ebibedo ni cik mi nja igi, en e ire man ni kodhine i kind dhanum’utuk migi.

Ai 30:36

man ifod kume moko thindho thindho, man ikethe i wang’ lembatuca i hema i cokri, ka ma wabirombo ie wakudi: ebibedo iwu leng’ m’usagu.

Ai 30:8

Man kinde ma Harun ucwinyo thala uthieno, ebiwang’e, en e udok ma ng’wice ng’ar ma thiri thiri i wang’ Yehova i kind dhanum’utuk mu.

Ai 40:3

Man iketh sanduk mi lembatuca i ie, man ium sandukne ku kusikabongu.

Lembe Mi Julawi 10:9

Kud wumadh pigulok kadi giramadha ma lake tek, in, kadi woti wukugi, kinde ma wumondo i hema mi cokri, kara kud wutho: ebibedo ni cik mi nja cil kum dhanum’utuk mu ceke:

Lembe Mi Julawi 16:34

Man maeni bibedo ni cik mi nja iwu, kara utim adunya pi nyithindho mir Israel kum dubo migi ceke wang’ acel i rundi. E etimo calu Yehova ng’olo ni Musa.

Lembe Mi Julawi 17:7

E gibilamu lam migi kendo ngo ni nyogi diegi, ma gicidho nitimo kudo tarwang’. Maeni bibedo ni cik mi nja igi cil kum dhanum’utuk migi ceke.

Lembe Mi Julawi 23:14

Man kud wucam kadok kwen, kadi cam m’acela, kadi withe ma nyen, cil ma ceng’ maeni bitundo ko, cil ma wukel ko girathiera pa Mungu mu: en e cik mi nja cil kum dhanum’utuk mu i kabedo mu ceke.

Lembe Mi Julawi 23:21

Man wubilwong’o i ceng’ maeca nica; cokri ma leng’ bibedo nuti iwu; kud wutim tic moko ma jumuli kudo: en e cik mi nja i kabedo mu ceke cil kum dhanum’utuk mu.

Lembe Mi Julawi 24:2

Ng’ol ni nyithindho mir Israel, ya gikel iri moj ulam ma leng’ ma jufodo ni der, kara uketh thala liel thiri thiri.

Lembe Mi Julawi 24:3

Yo woko ni kusikabongu mi lembatuca, i hema mi cokri, Harun bigwoke gambre uthieno cil kugweno i wang’ Yehova thiri thiri: ebibedo ni cik mi nja cil kum dhanum’utuk mu.

Lembe Mi Julawi 24:9

Man ebibedo ni Harun ku wote; e gibicame i kamaleng’: kum en e leng’ m’usagu ire mi lam pa Yehova ma jutimo ku mac ni kum cik ma thiri thiri.

Lembe Mi Julawi 3:17

Ebibedo ni cik cil kum dhanum’utuk mu ceke i kabedo mu ceke, nia kud wucam mio kadi rimo.

Lembe Mi Julawi 3:8

man ebiketho cinge i die wi girathiera pare, man ebinege i wang’ hema mi cokri; e wot Harun bikiro rimone wi pemblam gbur.

Lembe Mi Julawi 6:15

Man ebigamu kume pong’ cing’, kum mogo ma yom mi lam mi mogo, man kum moje, kud udok ma ng’wice ng’ar ceke ma ni wi lam mi mogo, man ebiwang’e wi pemblam ni ng’wic mido ma ng’ar, calu lempoine, ni Yehova.

Lembe Mi Julawi 7:36

ma Yehova ng’olo ya jumi igi m’uai ba nyithindho mir Israel, i ceng’ m’ewirogi. En e makapiny migi mi nja cil kum dhanum’utuk migi ceke.

Malaki 2:7

Kum maku dendhu jalam ugwok ng’eyong’ec, man maku giyeny cik i dhoge; kum en e jakwenda pa Yehova mir udul.

Kitabu Mir Ang’wende Pa Musa Wel 18:23

Ento Julawi bitimo giratima mi hema mi cokri, man gibiyeyo dubo migi: ebibedo ni cik mi nja ni dhanum’utuk mu; man i kind nyithindho mir Israel gibibedo kud aba ngo.

Kitabu Mir Ang’wende Pa Musa Wel 18:5

E wubigwoko kur mi kamaleng’, man kur mi pemblam; kara kwinyo kud ubed kendo Wi nyithindho mir Israel.

Kitabu Mir Ang’wende Pa Musa Wel 19:21

Man ebibedo igi ni cik mi nja: man ng’atu m’ukiro pi mi cilo bilwoko kendi pare: e ng’atu m’umulo pi mi cilo bicido maram uthieno wok ko.

Kitabu Mir Ang’wende Pa Musa Wel 35:29

E gin maeni bibedo iwu ni cik ku lembapoka cil ni dhanum’utuk mu kpo i udi mu ceke.

Kitabu Mir Ang’wende Pa Musa Wel 8:9

Man ibithiero Julawi i wang’ hema mi cokri: man ibicoko udul mi nyithindho mir Israel ceke:

Matayo 4:16

Dhanu m’ubedo i mudho Gineno der ma dit, Man ni ju m’ubedo i ng’om ku tipo mi tho, Der udhenjre igi.

Luka 12:35

Dong’ pierwu bed atwia, thala mu de bed m’eliel;

Yohana 5:35

En e thala m’uliel m’urieny de; man wuyio ya anyong’a negwu mi nindo moko i der pare.

2 Jukorinto 4:6

Kum en e Mungu m’uwacu kumae, Der birieny kud i mudho, m’edaru rieny i adundewa, kara emi der mi ng’eyong’ec mi dwong’ pa Mungu i wang’ Yesu Kristu.

2 Petro 1:19

Man wabedo ku lembila ma judwoko tek ma sagu; ka kumeno wutimo dre kum wuketho cwinywu kum lembene, calu ni thala m’uberieny i ka ma col, rama piny ru ko, man cerojobi wok i adundewu:

Lembanyutha 2:1

Ni malaika mi kanisa ma ni i Efeso kieu kumae: Ng’atu m’umaku cero abiro i cinge ma yor acwic, en e ng’atu m’uwotho i kind thethala abiro mi mola ma kwar ewacu gin maeni kumae:

1 Samwil 3:3

man thala pa Mungu fokutho ngo, man Samwil uvuto kara enindi, i hekalu pa Yehova, ka ma sanduk pa Mungu ni i ie;

1 Samwil 30:25

Man etimbre kumeca ugambre i ceng’ maeca ku m’ulube, nia eketho ebedo ni cik man ni lembapoka ni Israel cil i ceng’ ma tin.